އިބްރާހިމް ލަތީފް އެމްއެންޑީއެފް ސަދަން އޭރިއާ އިން ފަޔަރ އިވެކުއޭޝަން ޑްރިލްއެއް ހާފިޒު އަހުމަދު ސްކޫލުގައި ބާއްވައިފިއެވެ.
މި އިވެކްއޭޝަން ޑްރިލްއަކީ ސުކޫލުގައި ހިނގައިފާނެ އަލިފާނުގެ ހާދިސާތަކުގައި އަމަލު ކުރުމަށް އެޑިއުކޭޝަން މިނިސްޓްރީއިން އެކުލަވާލާފައިވާ “ފަޔަރ އިވެކުއޭޝަން ޕްލޭން” އަށް ފަރިތަކުރުމުގެ ގޮތުން ކުރިއަށްގެންދިޔަ އިވެކުއޭޝަން ޑްރިލްއެއް ކަމަށް އެމްއެންޑީއެފް އިން ހާމަކުރެއެވެ.
މިއަދު ބޭއްވި މި އިވެކުއޭޝަން ޑްރިލްގައި އަލިފާނުގެ ހާދިސާއެއް ހިނގައިފިނަމަ، ސްކޫލުން ނުކުމެގެން ސަލާމަތްތެރި ހިސާބަކަށް ދާނެ މަގުތައް ދެނެގަތުމުގެ އިތުރުން، އެފަދަ ހާދިސާއެއް ދިމާވެގެން އުޅޭ މާހައުލެއްގައި މީހުން އުފުލުމާއި، މީހުންނަށް އެހީތެރިވުމުގައި ކަންތައް ކުރަންޖެހޭނެ ގޮތްތައް ވަނީ ފަރިތަކޮށްފައެވެ.
މި އިވެކުއޭޝަން ޑްރިލްގައި އެސްކޫލުގެ ހުރިހާ ގުރޭޑް ތަކެއްގެ ދަރިވަރުންނާއި ޓީޗަރުން އަދި އިދާރީ މުވައްޒަފުން ވަނީ ބައިވެރިވެފައެވެ.
އެމްއެންޑީއެފް ސަދަން އޭރިއާއިން ވަނީ މިދިޔަ ބުރާސްފަތި ދުވަހު ހާފިޡް އަޙްމަދު ސްކޫލުގެ ޓީޗަރުންނަށް މިފަދަ ހާދިސާތަކުގައި ކަންތައްކުރަންވީ ގޮތުގެ މަޢުލޫމާތުދިނުމަށް ކުލާހެއް ވެސް ކުރިއަށް ގެންގޮސްފައެވެ.
ޚިޔާލުތައް