މުހައްމަދު ޝިހާބް ހާފިޒު އަޙުމަދު ސްކޫލު(ހޭޒް)ގެ 4 ވަނަ އިންޓަރ ކްލާސް މަދަހަ މުބާރާތް ނިންމާލައިފިއެވެ. މިދިޔަ ބުރާސްފަތި ދުވަހު ބޭއްވުނު މަދަހަ މުބާރާތް ނިންމުމުގެ ރަސްމިއްޔާތުގައި ކޮންމެ ގްރޭޑަކުން ވެސް އެންމެ މޮޅު 5 ދަރިވަރުން ހޮވައި ވަނަވަނައަށް ސެޓްފިކެޓް ދިނުން އޮތެވެ.
ހޭޒްގެ ދަރިވަރުންގެ މެދުގައި ބޭއްވުނު މިމުބާރާތުގައި އެސްކޫލުގެ 270 ދަރިވަރަކު ބައިވެރިވެފައިވާ ކަމަށް މައުލޫމާތު ލިބެއެވެ. ދަރިވަރުންގެ މެދުގައި މަދަހަ ކިޔުމުގެ ފަންނުވެރިކަން ކުރިއަރުވައި، މަދަޙަ ކިއުމަށް ޝައުގުވެރިކަން އުފެއްދުމާއި ދީނީ އަދި ދިވެހި އަދަބިއްޔާތަށް ލޯބި ޖެއްސުމުގެ މަގުސަދުގައި ކޮންމެ އަހަރަކު އެސުކޫލުން ބާއްވަމުން އަންނަ މުބާރާތެއް ކަމަށް އެސްކޫލުގެ އޮފިޝަލަކު މިކް ނޫހަށް މައުލޫމާތު ދެއްވިއެވެ. މިއީ މި މުބާރާތް ބޭއްވުނު 4 ވަނަ ފަހަރެވެ.
އިނާމުދިނުމުގެ ޖަލްސާގެ ޝަރަފުވެރި މެހުމާނަކީ އަތޮޅު ކައުންސިލްގެ މެންބަރު އަޙުމަދު މުޖުތަބާއެވެ.
ޚިޔާލުތައް