އިބްރާހިމް ލަތީފް ފުވައްމުލަކުގެ ރިންގުރޯޑު، ނައިބު ތުއްތު މަގުގެ ތާރު މަސައްކަތް 15 އަހަރަށްފަހު ފެށުން ފާހަގަކުރުމުގެ ގޮތުން ފުވައްމުލަކު ގިނަ ރައްޔިތުންތަކެއް އެމަގަށް ދެކުމާ ގޮސްފިއެވެ. އަލަށް ތާރު އަޅަން ފެށުނު ސަރަހައްދު ކަމަށްވާ މާނޭރު ސަރަހައްދުގައި އޮތް މިދެކުމުގައި ފުވައްމުލަކުގެ ގިނަ މުއައްސަސާތަކަކުން ބައިވެރިވިއެވެ.
މިދެކުމުގައި ވާހަކަދައްކަވަމުން ފުވައްމުލަކު ސިޓީ ކައުންސިލުގެ ޑިރެކްޓާ އަހުމަދު މުހައްމަދު (މީނާޒު) ވިދާޅުވީ ފުވައްމުލަކު އިތުރު 26 މަގެއްގައި ތާރު އެޅުމަށް ނިންމާ އީއައިއޭ ގެ މަސައްކަތް މިހާރު ކުރިއަށްދާ ކަމަށެވެ. މިހާރު މިފެށުނު މަސައްކަތް ނިންމާލާނީ އެ މަގުތަކުގައި ތާރު އެޅުމަށްފަހު ކަމަށްވެސް މީނާޒު ވިދާޅުވިއެެވެ.
ދެކުމާ ދިއުމަކީ ބޮޑެތިމަސައްކަތްކުރާއިރު އެކަމަށް ތަރުހީބު ދިނުމުގެ ގޮތުން ގިނަބަޔަކު އެއްވެގެން ހަދިޔާ ހިފައިގެން އެތަނަކަށް ދިއުމެވެ. ވަރަށް ފަހަކާޖެހެންދެންވެސް ބޮޑެތި މަސައްކަތް ހިގާއިރު ދެކުމާ ދިއުން އޮތެވެ. ނަމަވެސް މިކަން އުވި ދިއުމަށް ފަހު އަލުން ފެށިގެން މިދަނީ ބޮޑަށް ޕަބުލިސިޓީ އިވެންޓެއްގެ ގޮތުގައެވެ.
ޚިޔާލުތައް