މުހައްމަދު ޝިހާބް މާދަމާ ފެށޭއިރު އައު އަހަރާއެކު ރާއްޖޭގެ 4 ވަނަ ސިޓީ އަކީ ދ. ކުޅުދުއްފުށި ކަމުގައި ރައީސުލް ޖުްހޫރިއްޔާ ކަނޑައަޅުއްވައި ފިއެވެ. ކުޅުދުއްފުއްޓަކީ ސިޓީއެއްގެ ދަރަޖައިގެ ރަށެއްގެ ގޮތުގައި ރައީސް އިބްރާހިމް މުހައްމަދު ސޯލިހު ކަނޑައެޅުއްވީ މިއަދުއެވެ.
ކުޅުދުއްފުށްޓަށް ސިޓީއެއްގެ ދަރަޖަ ދިނުން ލަސްވެގެން އެކަމުގެ ކަންބޮޑުވުންތައް އެރަށުގެ ރައްޔިތުން ވަނީ އެކި ލެވެލްގައި ފާޅުކޮށްފައެވެ. ގާނޫނު އަސާސީގައި ބުނާ ސިޓީއެއްގެ އާބާދީ ހދ. ކުޅުދުއްފުއްޓަށް ހަމަވިތާ އަހަރެއްހާ ދުވަސް ވީއެވެ. ގާނޫނުގައި ބުނާ ސިޓީއެއްގެ އެންމެ ކުޑަ އާބާދީ ކަމަށްވާ 10،000 އަށް ކުޅުދުއްފުށީގެ އާބާދީ އަރާފައިވަނީ ފާއިތުވި އަހަރުގެ ނޮވެމްބަރު މަހުގެ ތެރޭގައެވެ.
ސަރުކާރުގެ މި ނިންމުމާއެކު ކުރިއަށް އޮތް ލޯކަލް ކައުންސިލް އިންތިހާބުގައި ކުޅުދުއްފުށްޓަށް ރަށު ކައުންސިލެއް އިންތިހާބު ކުރުމުގެ ބަދަލުގައި ދެން އިންތިޚާބު ކުރާނީ ސިޓީ ކައުންސިލެކެވެ. ނަމަވެސް ކައުންސިލަރުން ގެ އަދަދަށް އެއްވެސް ބަދަލެއް ނާންނާނެއެވެ.
ކުޅުދުއްފުށި ސިޓީއަކަށް ބަދަލުވުމުން އެސިޓީގެ ނަން ބަދަލުވެގެން ދާނެ ގޮތެއް އަދި އާއްމުކުރެވިފައެއް ނުވެއެވެ. އެސިޓީއަށް ކިޔަން އެއްގޮތުން ރީތީ ސިޓީ އޮފް ކުޅުދުއްފުށި ކަމަށް ބައެއް މީހުން ޚިޔާލު ފާޅުކުރެއެވެ. ނުވަތަ ކުޅުދުއްފުށިގެ ނަން އައިސްފައިވާ ގޮތަށް ބަލައި ‘ކުޅިދުށް ސިޓީ” ކިޔުން ކިހިނެތް ވާނެ ބާއެވެ؟
ކުޅުދުއްފުށި ސިޓީއަކަށް ބަދަލުކުރުމަކީ މިސަރުކާރުގެ ވައުދެކެވެ.
ރާއްޖެގެ ސިޓީތައް
- މާލެ ސިޓ،ީ އާބާދީ 75302
- އައްޑޫ ސިޓ، އާބާދީ 34217
- ފުވައްލައް ސިޓީ، އާބާދީ 13064
- ކުޅުދުއްފުށި ސިޓީ (ކުޅިދުށް ސިޓީ) 10189
ރާއްޖޭގެ 4 ސިޓީގެ އާބާދީ
ޚިޔާލުތައް