މުހައްމަދު ޝިހާބް މިހާރު މުޅި ދުނިޔޭގައި ފެތިރިގެން އުޅޭ ކްރޯނާ ވައިރަސް ނުވަތަ ކޯވިޑް19 އިން ރައްކާތެރިވުމުގެ ފޮޔަވަޅެއްގެ ގޮތުން ފުވައްމުލައް ސިޓީގެ ހުރިހާ މިސްކިތަކުން ވެސް ކާޕެޓް ނަގާފައިވަކަމަށް ފުވައްމުލައް ސިޓީ ކައުންސިލުން ހާމަކުރައްވައެވެ.
މިސްކިތްތަކުގެ ކާޕެޓްތައް ނެގފައި ވަނީ އެންމެންގެ ސަލާމަތައް ކަމަށް ސިޓީ ކައުންސިލުން ވިދާޅުވެއެވެ.
ފުވައްލައް ސިޓީގައި ކޯވިޑް 19 އަށް ޝައްކުކުރެވޭ މީހަކު ވެސް ހުރިކަން މިހާތަނަށް އެނގިފައެއް ނުވެއެވެ. ނަމަވެސް އެމްވީކްރައިސިސް ކިޔާ ސޯޝަލް މީޑީއާ ގްރޫޕަކުން، ކޯވިޑް 19 އަށް ޝައްކުކުރެވޭ ދެ މީހަކު ފުވައްމުލަކުން ހެލިކެޕްޓަރުގައި މާލެ ގެންގޮސްފައިވާ ކަމަށް ބުނެވަނީ ދޮގު ޚަބަރު ފަތުރާފައެވެ. ފުވައްމުލައް ސިޓީ ކައުންސިލުން ވަނީ އެއީ ދޮގު ޚަބަރެއް ކަމާއި އެފަދަ ކަމަކަށް ޝައްކުކުރެވޭ އެއްވެސް ކަމެއް ފުވައްމުލައް ސިޓީގައި ހިނގާފައި ނުވާކަން ހާމަކޮފައި ވެއެވެ.
އެމްވީ ކްރައިސިސް އިން ފެތުރީ ބުހުތާނު ދޮގު ޚަބަރެއް!
ނަމަވެސް ކޯވިޑް19 އިން ރައްކާތެރިވުމުގެ ގޮތުން ފުވައްމުލައް ސިޓީގައި ވެސް ވަނީ ގިނަ ފިޔަވަޅުތަކެއް އަޅާފައެވެ. އެގޮތުން ބައްޔާބެހޭ މައުލޫމާތު ފުޅާ ދާއިރާއެއްގއި ރަށުގައި ދިރިއުޅޭ އެނެމެނަށް ފޯރުކޮށްދިނުމުގެ ޕްރޮގްރާމްތައް ސިޓީ ކައުންސިލާއި ފުވައްމުލައް ހޮސްޕިޓަލް ގުޅިގެން އަންނަނީ ކުރިޔަށް ގެންދަމުންނެވެ. އެގޮތުްނ ގޭގެއަށް ކަމާއި ގުޅޭ ފަރާތްތަކުްން ޒިޔާރަތްކޮށް މައުލޫމާތު ހިއްސާކޮށް އަދި މައުލޫމާތުގެ ލުއި ފޮތްތައް ބަހާފައި ވެއެވެ.
ކޯވިޑް19 އިން ރައްކާތރިވުމުގެ ފިޔަވަޅެއްގެ ގޮތުން ފުވައްމުލަކު މިސްކިތްތަކުން ކާޕެޓް ނަގާފައި
އިއްޔެ ވަނީ ފުވައްމުލައްސިޓީ ބަނދަރަށް ސަފާރީ ވަނުން މަނާކޮށްފައެވެ. އަދި ފުވައްމުލަކު ނޭޗަރ ޕާކު ވަނީ ބަންދުކޮށްފައެވެ. މުޅިރާއްޖޭގެ އެހެން ރަށްތަކަކޭ އެއްގޮތަށް ސްކޫލްތައް ފެށުން ވަނީ 1 ހަފުތާއަށް ފަސްކުރެވިަފއެވެ.
ޚިޔާލުތައް