މުހައްމަދު ޝިހާބް ފުވައްމުލައް ސީޓީ އިން ކޮވިޑް-19 އަށް ޝައްކު ކުރެވޭ މީހެއްގެ ސާމްޕަލް ނަގައި ޓެސްޓް ކުރުމަށް މާލޭ ފޮނުވުމުގެ މަސައްކަތް މިހާރު ކުރެވެމުންދާކަމަށް ފުވައްމުލައް ސިޓީ ކައުންސިލުން ހާމަކުރައްވައިފިއެވެ. އެމީހާގެ ގައިން ސާމްޕަލް ނަގާފައިވަނީ އިއްޔެ، އެޕްރީލް މަހު 21، 2020 ވަނަ ދުވަހު އެވެ.
މިއީ ފުވައްމުލަކު ހޮސްޕިޓަލުގައި ފަރާތުން ކޯވިޑް-19 އަަށް ޝައްކު ކުރެވޭ ސާމްޕަލް ނެގި ދެވަނަ ފަހަރެވެ. މީގެ ކުރިން ކޯވިޑް-19 އަށް ޝައްކު ކުރެވޭ މީހެއްގެ ސާމްޕަލް 2 ވަނަ ފަހަރަށް ނަގައި ލެބޯޓްރީ ތަހުލީލަށް މާލެ ފޮނުވުމުގެ 2 ވަނަ އޮޕަރޭޝަނެއް ވެސް ހިންގާފައި ވެއެވެ. އަދި ކުރިން ސާމަޕަލް ނެގި އެމީހާގެ ނަތީޖާ ވަނީ ނެގެޓިވްވެފައި ކަމަށް ފުވައްމުލަކު ހޮސްޕިޓަލުން ހާމަކޮށްފައި ވެއެވެ.
ފުވައްމުލައް ސިޓީ ޓްވީޓް: ކޯވިޑް-19 އަށް ޝައްކުކުރެވޭ މީހެއްގެ ސާމްޕަލް ނަގައިފި
ބަލީގެ ޓެސްޓު ހެދުމަށް ސާމްޕަލް ނެގުމުގެ ހުރިހާ ކަމެއްވެސް ކުރިޔަށް ގެންގޮސްފައި ވަނީ ހެލްތް ޕްރޮޓެކްޝަން އޭޖެންސީއިން އަންގާ ގޮތެއްގެ މަތީން އެކަން ކުރަން އޮންނަ ގައިޑްލައިނާ އެއްގޮތަށް ރައްކާތެރިކަމުގެ ފިޔަވަޅުތަކާއިއެކު ކަމަށް ފުވައްމުލަކު ހޮސްޕިޓަލުން ހާމަކުރައްވައެވެ.
އައިލެންޑް ސަފާރީ 1 އައްޑޫ ސިޓީގައި އޮތްވައި ސާމްޕަލް ނަގަން ޖެހި، އެކަން ނުކުރެވި އައްޑޫ ސީޓީން ފުރައިގެން ފުވައްމުލަކު ބޭރަށް އައި އައުމާއި ގުޅޭ ގޮތުން ފުވައްމުލަކުގެ ބައެއް އާއްމުން އައްޑޫ ސިޓީގެ ސިއްހީ ދާއިރާގެ ބޭފުޅުންގެ އެއަމަލު ހުރިގޮތާއިމެދު ޝައްކުގެ ނަޒަރަކުން ދެކުމުގެ ފުރުސަތު އެބައޮތެވެ.
ފުވައްމުލައް ހޮސްޕިޓަލުން ކޯވިޑު-19ށް ޝައްކު ކުރެވިގެން ފުރަތަމަ ސާމްޕަލް ނެގީ ފުވައްމުލަކު ބޭރުގައި އޮތް އައިލެންޑް ސަފާރީ 1ގައި ހުރި އިޓަލީ ފަތުރުވެރިންގެ ގައިންނެވެ. އަދި އެ ދެ މީހުންގެ ބައްޔަށް ޕޮޒިޓިވްވި ކަންް އާއްމުކޮށް އިއުލާން ކުރެވިފައި ފައެވެ. އެއިގެ ފަހުން އެސަފާރީ މާލެ ސަރަހައްދަށް ގެންގޮސް ސަފާރީގެ 16 ފަޅުވެރިންނާއި 16 ފަތުރުވެރިން ކަރަންޓީން ވެސް ކުރެވުނެވެ. ކަރަންޓީނު މުއްދަތު ހަމަކޮށް ފުރި އިޓަލީގެ ދެފަތުރުވެރިއަކު ބައްޔަށް ޕޮޒިޓިވްވިކަން އެނގިފައި ވަނީ އެމީހުން ފްލައިޓްގައި ރަޝިއާއަށް ދަތުރުކުރުމުން ދަނިކޮށްވެ. އެސަފާރީގެ 4 މީހުން ރާއްޖެއިން ބައްޔަށް ޕޮޒިޓިވް ވެފައި ވެއެވެ.
ކޮވިޑް-19 އާއި ގުޅިގެން ކަރަންޓީނު ކުރެވޭ ތަންތަނާއި ރިސޯޓްތަކުގައި މަސައްކަތް ކުރައްވާ މުވައްޒަފުން، އެ ބޭފުޅުންގެ ވަޒީފާ އަދާ ކުރައްވާ ރަށެއްގައި / ރިސޯޓްގައި ތިއްބެވުމަށް އެޗްޕީއޭ އިން ތަކުރާރުކޮށް އިލްތިމާސް ކުރައްވައެވެ. އާއިލާގެ އެހެން މެމްބަރުންގެ ސަލާމަތަށްޓަކައި ފަރުދީ ޒިންމާ އިސް ކުރައްވުމަށް ފުވައްމުލަކު ހޮސްޕިޓަލު އެދިފައި ވެއެވެ.
ޚިޔާލުތައް