މުހައްމަދު ޝިހާބް އަައްޑޫ ސިޓީ ހެރެެތެރެެ ރިޒޯޓުގައި ކަރަންޓީނު ކުރި މީހުންގެ ތެރެއިން 5 މީހަކު ފިލާފައިވާ ކަން މިކަލް ނޫހަށް އެގިއްޖެއެވެ. އަދި ހެރެެތެރެެ ރިޒޯޓުގައި ކަރަންޓީނުން 5 މީހަކު ފިލާފައިވާ ކަމަށް ފުވައްމުލަކު ހޮސްޕިޓަލުގެ މެނެޖަރު އަހުމަދު ސައީދު ވެސް ހާމަކުރައްވާފައި ވެއެވެ.
މިކަލް ނޫހަށް އެނގިފައިވާ ގޮތުގައި ކަރަންޓީނުން ފިލާފައިވަނީ ފުވައްމުލަކަށް ނިސްބަތްވާ 3 މީހަކާއި އައްޑޫ ސިޓީ ހިތަދުއަަށް ނިސްބަތް ވާ ދެ މީހެކެވެ. ފުވައްމުލަކުގެ 3 މީހުންގެތެރޭގައި ހިމެނެނީ ދޫނޑިގަމު އަވަށަށް ނިސްބަތްވއިރު އަނެއްމީހާ ނިސްބަތްވަނީ މަދަޑު އަވަށަށް ކަމަށް އެނގިފައެވެ.
މިއަދު ފިލާފައިވަނީ ހެރެތެ ކޮޓަރި ނަމްބަރު 691 ގައި ތިބި ފުވައްމުލަކުގެ 2 މީހަކާއި، 611 ނަމްބަރު ކޮޓަރީގައި ހުރި ފުވައްމުލަކު މީހަކާއއިި 607، އަދި 676 ނަމްބަރު ކޮޓަރީގައި ތިބި ސ. ހިތަދޫ ދެ މީހުން ކަމަށް ވެއެވެ.
އައްޑޫ ލައިވްއަށް މައުލޫމާތު ދެއްވަމުން އައްޑޫ ސިޓީގެ މޭޔަރު ސޯބެ ވިދާޅުވެފައި ވަނީ ހެރެތެރެއިން ފިލި މީހުންނަކީ ޖަލުން ދޫކޮށްލި މީހުންގެ ތެރެއިން ތިން މީހުން ކަމަށެވެ. އަދި އެމީހުން ފިލައިގެން ގޮސްފައިވަނީ ހުޅުމީދޫއަށް ކަމަށް ބެލެވޭކަމަށެވެ. ހެރެތެރެ ރިޒޯޓުގައި 92 މީހަކު ކަރަންޓީނު ކުރެވިފައިވާ ކަމަށް ސޯބެ ވިދާޅުވިއެވެ.
މީގެ ތެރެއިން 3 މީހަކު މިހާރު ހައްޔަރުކުރެވިފައިވާ ކަމަށް މައުލޫމާތު ލިބެއެވެ.
ހޮސްޕިޓަލުގެ މެނެޖަރު އަހުމަދު ސައީދު ފާހަގަ ކުރެއްވި ގޮތުގައި މިއީ ދިވެހިންގެ ހުރި އަޚުލާގީ ބޮޑު މައްސަލައެކެވެ. އެގޮތުން އަހުމަދު ސައީދު ފާހަގަކުރެއްވި އިތުރު ދެ މައްސަލައަކީ މާލެ، އައިޖީއެމްއެޗް އަށް ވިހަން ގެންދިޔަ މާބަނޑު އަންހެނަކާއި އެމްޓީސީސީ ފެރީ ޓާމިނަލުގައި މަސައްކަތްކުރާ މީހަކު ކޮވިޑް-19އަށް ފައްސިވުމުގެ މައްސަލައެވެ. މިފަދަ ކަމުން އާއްމުން މިކަމާއި މެދު ދެކޭގޮތް ވަޒަން ކުރެވޭ ކަމަށެވެ.
މިއަދު ކަރަންޓީނުން ފިލި މީހުންނަށް އިޝާރަތް ކުރައްވަމުން އަހުމަދު ސައީދު ވިދާޅުވީ މިއިން ކޮންމެ މީހަކު ގޮސް ވަންނާނީ މުސްކުޅި ކާފައާއި މާމަމެން ނުވަތަ އަނބި ދަރީންގެ ގާތަށެވެ. މީގެ ސަބަބުން ކޮވިޑްބަލީގެ ހާލަތު ގޯހުން ގޯހަށް ބަދަލުވެ އިޓަލީއާއި އެމެރިކާ ފަދަ ގައުމުތަކަށް ވީހެން ރާއްޖެއަށް ވެއްޖެނަމަ ދިވެހި ގައުމު ހަފުސްވެ ދިވެހިން ވަރަށް ނިކަމެތި ހާލަތަކަށް ވެއްޓޭނެކަމީ ޔަގީން ކަމެއްކަމަށެވެ.
ޚިޔާލުތައް