މުހައްމަދު ޝިހާބް ދުނިޔޭގެ ތިމާވެށިގެ ދުވަހާއި ގުޅުވައިގެން ނާއިބު ރައީސް ފައިސަލް ނަސީމުގެ ގެކޮޅުގައި މިއަދު ބަނބުކެޔޮ ގަހެއް އިންދައިފިއެވެ. ނަމަވެސް މި ބަނބުކެޔޮ ގަސް އިންދީ ކޮންފަރާތަކުން ކަން ސީދާ ބުނަން ނޭގޭ ކަމަށް މިކަލް ނޫހާއި ވާހަކަ ދެއްކި މީހާ ބުންޏެވެ.
ނާއިބު ރައީސް ފައިސަލް މިވަގުތު ހުންނެވީ މާލޭގައި ކަމަށް ވެއެވެ. މިއަދު ނައިބް ރައީސްގެ ގެކޮޅުގައި ބަބުކެޔޮ ގަހެއް އިންދާފައިވާއިރު، ގިނަ އަދަދެއްގެ މޭވާއަޅާ ގަސްތައް ވެސް އެގޯތީގައި އިންދާފައި އެބަހުއްޓެވެ. މީގެ ތެރެއިންވެސް ޓެރެސްގައި ކުރުބާ އަދި ކާށިލިބެން މިހާރުވެސް ހުރި ދިވެހިރުއް ފާހަގަކޮއްލެވެއެވެ. މީގެ އިތުރުންވެސް ފެންފޯއް ރުކާއި، ކުޑަ އޮޅެއްވެސް އޮންނަ ކަމަށްވެއެވެ.
ބަނބުކެޔޮ ގަސް އިންދުމަކީ މިހާރު ރާއްޖޭގެ ގިނަބަޔަކު ކުރަމުން އަންނަ ކަމަކެވެ. މިކަމުގެ ފޯރި ހިފީ ކޮވިޑާއި ގުޅިގެން ކާނާގެ ބާވަތަށް ޖެހިދާނެތީ އުފެދުނު ކަންބޮޑުވުމުގެ ތެރެއިން، މުސްތަގުބަލުގައި މިފަދަ ހާލަތަކަށް އަޔަސް ފަސޭހައިން ކާނާ ލިބޭނެ ބާވަތްތަކެއް ރާއްޖޭގައި އިންދާ އާލާކުރުމަށް އައި ވިސްނުމެއްގެ ތެރެއިންނެވެ. އެކަން އެންމެ ފުޅާކޮށް ހާމަކޮށްފައި ވަނީ ރައްޔިތުންގެ މަޖުލިހުގެ ކޮމެޓީއަކުން ނެރުނު ބަޔާނެއްގައި ރާއްޖެގެ ކޮންމެ 5 އާއިލާއަކަށް ވާވަރަށް ބަނބުކެޔޮ ގަހެއް ހައްދަން ލަފާ ދިނުމުންނެވެ. އަދި ފިޝަރީޒް އެންޑް އެގްރިކަލްޗަރ މިނިސްޓްރީން މީޑިއާތަކަށް ދިން މައުލޫމާތާއެކުއެވެ.
ދަނޑުވެރިކަމުގެ މާހިރުން ވިދާޅުުވާ ގޮތުގައި ފުޑް ސެކިއުރެޓީ ނުވަތަ ކާނާގެ ޔަގީންކަން ދެމެހެއްޓުމަށް ރާއްޖޭގައި ހައްދަން އެންމެ ރަނގަޅު ބާވަތްތަކުގެ ތެރޭގައި ބަނބުކެޔޮ ގަސް ހިމެނެއެވެ. ދަނޑުވެރިކަމުގެ ދާއިރާގެ ތަޖުރިބާކާރެއް ކަމުގައިވާ އެގްރިކަލްޗާ މިނިސްޓްރީގެ ޑިރެކްޓަރު ޖެނެރަލް އިބްރާހިމް ޝަބާއު ކުރިން މީޑިއާއަށް ވިދާޅުވެފައި ވަނީ ރާއްޖޭގައި ހައްދަން “އެންމެ ރަނގަޅު ވާނީ އަލަ އާއި ކައްޓަލަ އާއި ދަނޑިއަލުވި އާއި ބަނބުކެޔޮ،” ކަމަށެވެ.
ގަހުގައި ހުރި އަޅާފައި ހުރި ބަނބުކެޔޮ
ފުވައްމުލަކަކީ ނިސްބަތުން ގިނަ ބަބުކެޔޮގަސްތަކެއް ހުރި އަދި ކެއުމުގައި ގިނަ އަދަދަކަށް ބަނބުކޭލުގެ ބާވަތްތައް ބޭނުންކުރި ރަށެކެވެ. މިހާރުވެސް ފުވައްމުލަކުގަައި ބަނބުކެޔޮ ގަސްތައް ހުރެއެވެ.
ފުވައްމުލަކަކީ ރާއްޖޭގެ ބަނބުކޭލުގެ ތާރީޚުގައި ވެސް އިސް ރަށެކެވެ. އެގޮތުން އަލްމަރުހޫމު ހުސައިން ސަލާހުއްދީން ލިޔުއްވި “ދިވެހީންގެ ވާހަކަ” ފޮތުގައި ވާގޮތުން ދިވެހިރާއްޖެއަށް ބަނބުކެޔޮ ތައާރަފުކުރެވިފައި ވަނީ މީލާދީން 1766-1773 އަށް ރަސްކަން ކުރެއްވި އައްސުލްތާން މުހައްމަދު ޣިޔާސުއްދީން ރަދުން އެވެ. އެރަދުން ރާއްޖެއަށް ބަނބުކެޔޮ ގެންނެވީ އިންޑިއާއިން ކަމަށާއި އެގަސް ފުވައްމުލަކަށް ފޮނުއްވީ ކަމަށެވެ. އެގޮތުން ދޫޑިގަމު އެދުރު މަނިކުފާނަށް އައްސުލްތާން ޣިޔާސުއްދީން ރަދުން ހަދިޔާއެއްގެ ގޮތުގައި ފޮނުއްވި ބަނބުކެޔޮ ގަހުން ފެށިގެން ބަނބުކެޔޮ ގަސް ފުވައްމުލަކުގައި ހައްދަމުން އަންނަކަމަށް ވެއެވެ. އަދި އެންމެ ފުރަތަމަ ކާން ބަނބުކެޔޮ ބޭނުންކުރީ ވެސް ފުވައްމުލަކު މީހުން ކަމަށާއި އެއިން ކާނާގެ އެކިބާވަތްތައް އުފެއްދި ރަށަކީ ވެސް ފުވައްމުލަަކެވެ.
ބަނބުކެޔޮ ގަހަކީ ފޯދި، މޭވާ އަޅަން ފަށަން 6 އަހަރު ވަރ،ު ނަގާ ގަހެކެވެ. ނަމަވެސް އެގަހުން ބައި ގަރުނެއްހާ ދުވަހު (50 އަހަރު) ބަނބުކެޔޮ ލިބިލިބި ހުރެއެވެ. ބަނބުކޭލަކީ އާއްމުކޮށް މޫސުމީ އެއްޗަކަށް ވިޔަސް އެނޫން ދުވަސްތަކުގައި ވެސް ބަނބުކެޔޮ ކޮންމެވެސް ވަރަކަށް ލިބެން ހުރެއެވެ. ބިޔަކޮށް ހެދޭ ބަނބުކެޔޮ ގަހަކީ ގޯއްޗަށް ހިޔާދޭ ބޮޑުގަހެކެވެ. ކުރީގައި ފުވައްމުލަކު މީހުން މުޅި އަހަރު ދުވަހު ބޭނުން ކުރެވޭގޮތަށް ބަނބުކެޔޮ ހިއްކައި ރައްކާކުރެއެވެ. އެގޮތުން ހިއްކާ ބަނބުކެޔޮ، ބަނބުކެޔޮ އާއްމުކޮށް ނުލިބޭ މޫސުމުގައި މައިގަނޑު ކެއުމަކަށް ވެސް ބޭނުން ކުރިއެވެ.
ކެއުމުގެ އެކި ބާވަތްތަކަށް ބަނބުކެޔޮ ބޭނުންކުރާ ގޮތުގެ ލިސްޓެއް ލިއުޝާ (ފޭސްބުކް:އޭން ލިއުޝާ) ލިޔުއްވާފައި ވެއެވެ.
ބަނބުކޭލުގެ ކެއުމުގެ ބާވަތްތައް:
- ފެނު ކައްކައިގެން (މެލޮއާގެން)
- ބަނބުކޭލު ބަތް
- ބަނބުކޭލު ބޮނޑިބަތް
- ފިހެގެން (ދޮން ބަނބުކެޔޮ އުނދުނުގެ ހޫނު އަޅީގައި ވަޅުލައިގެން)
- ތެލުލައިގެން
- ރިހަ ކައްކައިގެން (ބަނބުކޭލު ރިހަ)
- ހިތި ކައްކައިގެން (ބަނބުކޭލުގެ ޚާއްސަ ސޫޕެއް)
- ގަށައިގެން (ދޮން ބަބުކެޔޮ ދިޔާހަކުރާއި އެއްކޮށް ކައްކައިގެން)
- ނާރުވައްފަލުދަ (ފުވައްމުލަކުގެ ޑޯނަޓް)
- އާރޮސް (ފަތުލާފއި ހުންނަ ބަނބުކޭލުގެ ފޮނި ކާއެއްޗެއް)
- ބަނބުކޭލު ބޯކިބާ
- ބަނބުލޭލު ކީމިޔާ
- ބަނބުކޭލު ކަޓްލަސް
- ބަނބުކެޔޮ ހަނާކޮށްގެން (ކުޅިމަސް ގޮތަށް)
- ހިއްކައިގެން- ފެނުކައްކައިގެން
ބަނބުކޭލަކީ ހަށިގަނޑަށް ވެސް ފައިދާ ބޮޑުު ބާވަތެކެވެ. އެގޮތުން ފޯލިކް އެސިޑް، ފައިބާ، އޮމެގާ، ފެޓީ އެސިޑްގެ އިތުރުން އެންޓީ އޮކްސިޑެންޓްސްގެ ބައިތައް ހަށިގަނޑަށް ލިއްބާދެއެވެ.
ކަނޑާފައިވާ ބަނބުކޮޔޮތަކެއް
މިއަދު ނައިބް ރައީސްގެ ގެކޮޅުގައި ބަބުކެޔޮ ގަހެއް އިންދާފައިވާއިރު، ގިނަ އަދަދެއްގެ މޭވާއަޅާ ގަސްތައްވެސް އިންދާފައި އެބަހުއްޓެވެ. މީގެ ތެރެއިންވެސް ފާހަގަކޮއްލެވެނީ ޓެރެސްގައި ކުރުބާ އަދި
ޚިޔާލުތައް