މުހައްމަދު ޝިހާބް މިއަދާ މިރޭ ކުޅެވުނު ފިފާ ވޯލްޑް ކަޕްގެ މެޗުތަކުން ގްރޫޕް ޖީ އިން ބެލްޖިއަމް ފަސޭހަކަމާއެކު މޮޅެއް ހޯދައި ދެވަނަ ބުރުގެ ޖާގަ ކަށްވަރު ކުރިއެވެ. ގްރޫޕް އެފް އިން މެކްސިކޯ ވެސް ވަނީ ސައުތު ކޮރެއާގެ މައްޗަށް 2-1 ން ކުރި ހޯދައި ދެވަނ ބުރުން ޖާގަ ހޯދާފައެވެ. ގްރޫޕް އެފް އިން ސައުތު ކޮރެއާ ކެޓި އިރު ޖަރުމަނާއި ސްވިޑްން އަށް ފަހު މަޗުން ދެވަނަ ބުރުގެ ޖާގައަކަށް ޖެހެނީ އިންތިޒާރު ކުރާށެވެ.
ގްރޫޕް އެފް: މެކްސިކޯ 2 -1 ސ.ކޮރެއާ، ޖަރުމަން 2 – 1 ސްވިޑްން
މިރޭ ކުޅެވުނު ގްރޫޕް އެފް ގެ ފުރަތަމަ މެޗުގައި މެކްސިކޯއިން މޮޅު ކުޅުމެއް ދައްކައި، ފުރަތަމަ ހާފުގައި ޕެނަލްޓީއަކުން އެޓީމުގެ ކާލޯސް ވެލާ (ޖ.11) ވަނީ ގޯލެއް ކާމިޔާބުކޮށް ދެވަނަ ބުރުގެ އުއްމީދު އާކޮށްދީފައެވެ. ފުރަތަމަ ހާފު ނިމެން ދަނިކޮށް ސ.ކޮރެއާގެ ސޮން ގެ ނުރައްކާތެރި ހަމަލާއެއް މެކްސިކޯގެ ކީޕަރު އޮޗޯއާ ދިފާއުކުރިއެވެ.
ދެވަނަ ހާފުގައި މެކްސިކޯގެ ހާނަންޑޭޒް (ޖ.14) ގެ ގޯލަކުން 2-0އަށް ތަފާތު ބޮޑުކޮށް ދިނެވެ. ނަމަވެސް މެޗު ނިމެން ދަނިކޮށް ސައުތު ކޮރެއާއަށް ގޯލެއް ކާމިޔާބުކޮށް ދިނީ މެޗުގެ ފަހު މިނިޓުގައި އެޓީމުގެ ސޮން (ޖ.7) އެވެ. މިބައްޔާއެކު ފުރަތަމަ ދެ މެޗުން ސ. ކޮރެއާ ބަލިވުމާއެކު އެޓީމު ވަނީ ދެވަނަ ބުރަށް ނުގޮސް މުބާރާތުން ކަޓާފައެވެ. މިމެޗުގެ މޮޅު ކުޅުންތެރިއަކީ މެކްސިކޯގެ ހާނަންޑޭޒް އެވެ.
މިރޭގެ ފަހު މެޗުގައި ސްވިޑެން އާއި ޖަރުމަނީ ބައްދަލުކުރި މެޗުގައި ފަހަތުން އަރައި މޮޅުވެގެން ޖަރުމަން ވަނީ މުބާރާތުގައި ކުރިޔަށް ދިއުމުގެ އުއްމީ އާކޮށްފައެވެ. މުޅި މެޗުގައި ހެން ދިފާއަށް ކުޅެމުން ދިޔަ ސްވިޑްން ގެ ޓޮއިވޮނެން (ޖ.20) ވަނީ ކައުންޓަރ އެޓޭކެއްގައި ގޯލެއް ޖަހައި މެޗުގެ ލީޑުު ނަގާފައެވެ. ދެވަނަ ހާފުގައި ޖަރުމަން ޓީމު ކުޅެގަތީ ކުރިޔަށް ވުރެވެސް ވަރުގަދައަށެވެ. ނަތީޖާއެއްގެ ގޮތުން ސްވިޑެން ޓީމަށް ބިނޯވެ، ހާފުގެ ކުރީ ކޮޅު ޖަރުމަން ޓީމުގެ ރީއުސް ގެ ގޯލަކުން ނަތީޖާ ހަމަހަމަ ކުރިއެވެ.
އެއާއެކު ސްވިޑެންއިން މަސައްކަތް ކުރީ މެޗު ޑްރޯއަކުން ނިންމާލައި ދެވަނަ ބުރުގެ ޗާންސް އިތުރު ކުރުމަށެވެ. ނަމަވެސް މެޗުގެ 85 ވަނަ މިނިޓްގައި އެޓީމުގެ ބޯޓެންގ (ޖ.17) އަށް ދެ ރީނދޫ ކާޑައެކު ރަތްކާޑެއް ދެއްކުމުން ލިބުނު ހީނަރުކަން ފިލުވާލަެވުނީ މެޗުގެ އިތުރު ވަގުތުގެ ވެސް ފަހު މިނިޓްގައި ޖެހި ގޯލުންނެވެ. ޕެނަލްޓީ އޭރިއާ ބޭރުން އަރިމަތިން ލިބުނު ހިލޭޖެހުމެއްގައި، ކައިރިން ބޯލަ ޖައްސާލައިގެން، ޓޯނީ ކްރޫޒްގެ ބާރު ބޯޅައެއް އޯޅަލާފައި ސްވިޑްނގެ ގޯލުގެ ދުރު ކަނަށް ވައްދާލައިގެން މެޗުގެ ނަތީޖާ 2-1ން އެޓީމުގެ ކޮޅަށް އަނބުރާލީއެވެ.
މިއާއެކު 3 ޕޮއިންޓއެކު ޖަރުމަން ޓީމުގެ ފުރިހަމަ ބާރުގައި ދެވަނަ މެޗުން މޮޅުވެގެން ދެވަނަ ބުރަށް ދިއުމުގެ ފުރުސަތު ވަނީ ހުޅުވިފައެވެ.
މިގްރޫޕްގައި އެއްވަގުތަކު ކުޅެ ފަހު ދެމެޗު
ޖަރުމަން ސައުތު ކޮރެއާ
ސްވިޑްން މެކްސިކޯ
ގްރޫޕް ޖީ: ބެލްޖިއަމް 5 – 2 ޓިއުނީޝީއާ
މިއަދު ހަވީރު ކުޅެވުނު ގްރޫޕް ޖީ ގެ މެޗު ފަސޭހަކަމާއެކު ޓިއުނީޝިއާގެމައްޗަށް ބެލްޖިއަމުން ވަނީ 5-2 ގެ މޮޅެއް ހޯދާފައެވެ. މި ގްރޫޕްގައި ޓިއުނީޝީއާ ދެމެޗުން ބަލިވެ މުބާރާޓުން ވަނީ ގާތްގަނޑަކަށް ކަޓާފައެވެ. މެކްސިކޯއިން ކުޅުން ދެމެޗުން ވެސް ގިނަ ގޯލުތަކަކާއެކު މޮޅުވެ ދެވަނަ ބުރުގެ ޔަގީންކަން ވަނީ ހޯދާފައެވެ.
މިމެޗުގައި ބެލްޖިއމްގެ ފޯބވާދް އލުކާކޫ އާއި ކެޕްޓަން އެޑިން ހަޒާޑް ކޮންމެ ކުޅުްނތެރިއަކު ވަނި ދެގޯލު ޖަހާފައެވ. އަދި ބަދަލުކުޅުންތެރިއެއގެ ގޮތުގައި ކުޅެން ނިކުތް ބެޓްޝުއާއީ ވަނީ މެޗުގެ ފަހު މިނިޓުގައި ލީޑު ފުޅކޯސްދިނުމަސ ްގޯލިެއް ކާމިޔާބުކޯސްދިފައެވެ. މިމެޗުގައި ޓިއުނީީޝއާގެ ފުރަތަމަ ގޯލު ފުރަތަމަ ހާފުގަިއ ޖެހީ ބޮްރޯން އެވެ.އަދި މެޗުގެ އިތުރު ވަގުތުގައި ދެވަނ ގޯލު ޖަހައިދިނީ ޚަޒްރިއެވެ.
މިރޭ ލުކާކޫ ޖެހި ދެ ގޯލާއެކު އެންމެ ގިނަ ގޯލު ޖެހި ދެކުޅުންތެރިްނގެ ތެރޭގައި ލުކާކޫއާއި ކްރިސްޓއިއާނާ ރޮނަލްޑޯ ހިމެނެނީ 4 ގޯލު ޖަހައިގެެންނެވެ. ދެވަނާގައި ރަޝިއާގެ ޑެނިސް ޝެރިޝޭވް ވަނީ 3 ގޯލު ޖަހައިގެންނެވެ. މިމުބާރާތުގައި މިހާތަނަށް 2 ރަތް ކާޑު ދެއްކި އިރު 86 ރީނޑު ކާޑު އަދި 71 ގޯލު ޖަހާފައި ވެއެވެ.
މި ގްރޫޕްގައި މާދަމާ ހަވީރު ކުޅެނީ އިންގްލޭންޑާއި ޓިއުނީޝީއާގެ މެޗެވެ. އެއިގެ ފަހުން ގްރޫޕްއެޗްގެ ކޮންމެ ޓީމެއް ވެސް ދެވަނަ މެޗު ކުޅެނއެވެ. އެއާއެކު ދެން އޮންނާނީ ގްރޫޕް ސްޓޭޖުގެ ކޮންމެ ގްރޫޕެއްގެ ވެސް ފަހު ދެމެޗު ކުޅުމެވެ. މި ދެމެޗު ވެސް ކުޅެވޭނީ އެއްގަޑިއެއްގައެވެ.
ޚިޔާލުތައް