ފުވައްމުލައް ސިޓީ ކައުންސިލްގެ ފުޓްސަލް މުބާރާތުގެ ފުރަތަމަ ބުރު ނިމިއްޖެ

ފުވައްމުލަކު ސިޓީ ކައުންސިލްގެ ދެވަނަ ފުޓްސަލް މުބާރާތުގެ މިއަދާއި މިރޭ ކުޅެވުނު މެޗުތަކާއެކު ވަނީ ގްރޫޕް ސްޓޭޖުގެ މެޗުތައް ނިމިފައެވެ. މިއަދު މޮޅުވީ ފުވައމްުލައް ޕޮލިސް ޓީމާއި، އެފްސީ ދޫނޑިގަލޯނާ އާއި އެމްޕީއެލް ޓީމާއި މިސްކިތްމަގު ޓީމެވެ.

ގްރޫޕް 1: ފުވައްމުލަައް ސިޓީ ޕޮލިސް 5-2 ފްރައިންޑްސް ކްލަބު ފުނާޑް ބޯއިސް 

މިއަދު ހަވީރު ކުޅެވުނު ގްރޫޕް 1 ގެ ފަހު މެޗު 5-2ން ކާމިޔާބުކޮށް ޕޮލިސް ޓީމުން ވަނީ ދެވަނަ ބުރުގެ ޖާގަ ހޯދާފައެވެ. މި ނަތީޖާއާއެކު މިގްރޫޕުން އެއްވަނަ ފުވައްމުލަައް ސިޓީ ޕޮލިސް ޓީމަށް ލިބެނީ ގޯލުގެ ތަފާތުންނެވެ. އަދި ދެވަނަ އެމްއެންޑީ އެފް ޓީމަށެވެ. މިގްރޫޕުން ކެޓީ ފުނާޑު ޓީމެވެ.

މިއަދުގެ މެޗުގެ މޮޅު ކުޅުންތެރިއަކީ ފުވައމްުލައް ސިޓީ ޕޮލިސް ޓީމުގެ ޖާޒީ ނަމްބަރު 7 އަޙުމަދު ސޮބާޙު އެވެ.

ގްރޫޕް 2: އެފްސީ ދޫނޑިގަލޯނާ 9-2 އެފްސީ ދޫނޑިގަލޯނާ ޖޫނިއަރ

މި ގްރޫޕްގެ ފަހު މެޗުގައި ދޫނޑިގަމު ދެ ޓީމު ބައްދަލު ކުރި މެޗު ނިމުނީ ބޮޑު ޓީމު 9-2 ން މޮޅުވެގެންނެވެ. މި ގްރޫޕްުން ހޯދަޑު ސްޕޯރޓްސް ވަނީ ކުޅުން ދެމެޗުން މޮޅުވެ އެއްވަނަ ހޯދާފައެވެ. ދެވަނަ މިބުނީ މިއަދު މޮޅުވި ދޫނޑިގަމު ބޮޑު ޓީމަށެވެ. 

މިމެޗުގެ މޮޅު ކުޅުންތތެރިއަކީ އެފްސީ ދޫނޑިގަލޯނާ ޓީމުގެ ޖާރޒީ ނަމަބރު 19 އަލީ ރަޝީދު އަށެވެ.

ގްރޫޕް 3: އެމްޕީއެލް 8 – 4 ކްލަބް ވެމްކޯ

މި ގްރޫޕްގައި މިރޭ ކުޅެވުނު މެޗުން އެންމެ ފަހުގެ ޗެމްޕިއަން އެމްޕީއެލްގެ ޓީމު މޮޅުވުމާއެކު އެޓީމަށް ވަނީ ގްރޫޕްގެ އެއްވަނަ ލިބިފައެވެ. ދެވަނަ އަށް ޓީމު ހައުސިން އެވެ. މިގްރޫޕުން ކެޓީ ކްލަބް ވެމްކޯ ޓީމެވެ.

މިރޭގެ މެޗުގެ މޮޅު ކުޅުންތެރިއަކީ އެމްޕީއެލް ޓީމުގެ ޖާޒީނަންބަރު 11 އަޙުމަދު މުޢާޒެވެ.

ގްރޫޕް 4: މިސްކިތްމަގު 4-3 ފުވައްމުލައް ސިޓީ ފަޔަރ ސްޓޭޝަން

މި ގްރޫޕްގެ ފަހު މެޗުގައި މިރޭ މިސްކިްތމަގު ޓީމު ވަނީ ފަޔަރ ސްޓޭޝަން ޓީމު 4-3ން ބަލިކޮށް ގްރޫޕްގެ އެއްވަނަ ހޯދާފައެވެ.  ދެވަނަ ލިބެނީ ފަޔަރ ސްޓޭޝަން ޓީމަށެވެ. މިގްރޫޕުން ކެޓީ މާލެގަން ޔޫތު ފައުންޑޭޝަންގެ ޓީމެވެ.

މިމެޗުގެ މޮޅު ކުޅުންތެރިއަކީ މިސްކިތްމަގު ޓީީމުގެ އަލްޒީން އަޙުމަދު (ޖ. 12 )އެވެ.

މާދަމަ ކްއާރޓަރ ފައިނަލް މެޗުތައް ފެށޭނެއެވެ.

އެމްއެންޑީއެފް ފުވައްމުލައް ޓީމާއި އެފްސީ ދޫނޑިގަލޯނާ

ހޯދަޑު ސްޕޯރޓްސް އާއި ފުވައްމުލަައް ސިޓީ ޕޮލިސް

އެމްޕީއެލްގެ ޓީމު އާއި ވައްމުލައް ސިޓީ ފަޔަރ ސްޓޭޝަން

މިސްކިތްމަގު އާއި ދެވަނަ އަށް ޓީމު ހައުސިން އެވެ.