މުހައްމަދު ޝިހާބް ފުވައްމުލައް ސިޓީގައި ގަވާއިދާ ހިލާފަށް އުޅެމުން އަައި ބިދޭސީންގެ ތެރެއިން 18 ބިދޭސީއަކު އަނބުރާ އެމީހުންގެ ގައުމަށް ފޮނުވާލާފައި ވާކަމަށް ފުވައްމުލަކު ސިޓީ ކައުންސިލުން ހާމަކުރައްވައެވެ.
ގަވާއިދާ ހިލާފަށް އުޅެމުން ދިޔަ ބިދޭސީންތަކެއް ފުވައްމުލައް ސިޓީން އަބނުރާ އެމީހުންގެ ގައުމަށް ފޮނުވަލި ފުރަތަމަ ފަހަރަކީ ފާއިތުވި ހުކުރުދުވަހު ދުވަހެވެ. އަދި ކުރިއަށް އޮތް ތަނުގައި ވެސް ގަވާއިދާ ހިލާފަށް އުޅެމުން އަންނަ ފަރާތްތަށް ހޯދާ އެމީހުން އަނބުރާ ގައުމަށް ފޮނުވުމުގެ މަސައްކަތް ކުރަމުން ގެންދާނެ ކަމަށް ފުވައްމުލައ ސިޓީ ކައުންސިލުން ހާމަކުރައްވައެވެ.
ގަވާއިދާ ޚިލާފަށް އުޅޭ ބިދޭސީންގެ މައްސަލަ ހައްލު ކުރުމުގެ ގޮތުން މި 2020 ވަނަ އަހަރުގެ ޖަނަވަރީ މަހު ފުވައްމުލައް ސިޓީގައި ރެގިއުލަރައިޒޭޝަން ޕްރޮގްރާމެއް ހިންގަން ފަށާފައި ވެއެވެ. އެއި ދިވެހިރާއްޖޭގައި ވަޒީފާ އަދާކުރާ ބިދޭސީންގެ ތެރެއިން ހުއްދަ ނެތި އުޅޭ މީހުންނާއި ހުއްދައިގެ މުއްދަތު ހަމަވެފައިވާ ބިދޭސީން އަދި ކާކުކަން އަންގައިދޭ ސައްޙަ ލިޔުމެއް ނެތި އުޅޭ ބިދޭސީންނަށް ޤަވާއިދަށް ފެއްތުމަށް މިނިސްޓްރީ އޮފް އިކޮނޮމިކް ޑިވަލޮޕްމެންޓްގެ ފަރާތުން ފެއްޓި ޕްރޮގްރާމްގެ ބައެކެވެ. އެޕްރޮގްރާމުގެ ދަށުން ފުވައްމުލައް ސިޓީގައި ގަވަިއދަށް ފައްތާފައި ވަނީ ކިތައް މީހުން ކަމެއް ސިޓީ ކައުންސިލުން ހާމަކޮށްފައެއް ނުވެއެވެ. އަދި ފުވައްމުލައް ސިޓީަގއި އުޅޭ ބިދޭސީންގެ އަދަދު ވެސް އެނގޭ އެއްވެސް ފަރާތެއް ހުރިކަމަކަށް ނުވެއެވެ.
މުޅި ރާއްޖޭގައި 1 ލައްކައެއްހާ ބިދޭސީން އުޅޭނެ ކަމަށް ލަފާ ކުރެވޭއިރު އެއީ ދިވެހި އާބާދީގެ 1/5 ބައިވަރެއެވެ. އޭގެތެރޭގައި ގިނައީ ގަވާއިދާއި ޚިލާފށް އުޅޭ ބަންގްލާ ދޭޝްމީހުންކަމަށް ވެއެވެ.
ގަވައިދާއި ޚިލާފަށް އުޅޭ ބިދޭސިން އެބަޔަކު ދިރިއުޅޭ އަވަށެއްގެ އަވަށު އޮފީހުގައު ރަޖިސްޓްރީވުމަށް އައްޑޫ ސިޓީ ކައުންސިލުން ވަނީ ދާދިފަހުން އަންގާފައެވެ. މީގެ އިތުރުން އައްޑޫ ސިޓީއަށް ބިދޭސީން ގެނެވޭނީ އަދި އައްޑުސިޓީަގއި އުޅޭ މީހުން ފުރުވާލެވޭނީ ސިޓީ ކައުންސިލުގައި ރަޖިސްޓްރީކޮށްގެން ކަަމށެވެ. އެގޮތުން ވެސް ބިދޭސީން ގެނެވޭނީ ގަވާއިދުގެތެރެއަށް ވަންނަން އެއްބަސްވެގެން ކަމަށެވެ.
ސައްހަ ލިޔެކިޔުމެއް ނެތި އެއްވެސް ބިދޭސީއަކަށް އައްޑޫ ސިޓީއަކަށް ނާދެވޭނެކަމަށެވެ. މިހާރު އައްޑޫ ސިޓީގައި ތިބި މީހުންގެ ތެރެއިން ވެސް ސައްހަ ލިޔެކިޔުން ނެތް މީހުން ސަރުކާރުން ހިންގާ ރެގިއުލަރައިޒޭޝަން ޕްރޮގްރާމުގައި ބައިވެރިނުވާ ނަމަ އެ ބަޔަކު ގައުމަށް އަނބުރާ ފޮނުވާލާނެ ކަމަށް ވެސް އައްޑޫ ސިޓީ ކައުންސިލުން ހާމަކޮށްފައި ވެއެވެ.
ޚިޔާލުތައް