މުހައްމަދު ޝިހާބް ފުވައްމުލަކު ސިޓީގެ އެތެރޭ މަގުތައް ހެދުމުގެ މަސައްކަތްތައް މިއަދު މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން މިއަދު ފަށައިފިއެވެ. މިއަދު މަސައްކަތް ކޮށްފައި ވަނީ ފިނިވާމަގާއި އޯކިޑުމަގުގައެވެ.
މި މަޝްރޫއޫގެ މަސައްކަތް އެމްޓީސީސީ އާއި ހަވާލުކޮށްފައި ވަނީ ފާއިތުވި 2019 ވަނަ އަހަރު ޖުލައި މަހު 4 ވަނަ ދުވަުހުއެވެ. މި މަޝްރޫއޫގެ ދަށުން ފުވައްމުލަކުގެ އެތެރޭގެ 31 މަގެއް ހެދުމަށް ހަމަޖެހިފައި ވެއެވެ. 15932 މީޓަރު ނުވަތަ 15.932 ކިލޯމީޓަރު ކަމަށް އެމްޓީސީސީއިން ހާމަކޮށްފައި ވެއެވެ. އެތެރޭ މަގުތައް ހެދުމުގެ މިމަޝްރޫޢުގެ ދަށުން 122،659 ސްކުއެއާ މީޓަރުގެ ސަބް ބޭސް ހެދުމާއި، 95،239 ސްކުއެއާ މީޓަރުގެ ތާރު އެޅުމަށް ހަމަޖެހިފައި ވެއެވެ.
ފުވައްމުލަކު އެތެރޭގެ މަގު ހެދުން. 21 ޖުލައި 2020
މީގެ އިތުރުން ދުވާރު ހެދުމާއި މަގުތަކުގައި ބައްތި ހަރުކުރުމާއި އަދި ފެން ހިންދާ ނިޒާމު މަސައްކަތް ކުރުން ހިމެނޭކަމަށް ކޮންތްރެކްތަރ އެމްޓީސީސީއިން ހާމަކުރެއެވެ.
މިމަޝްރޫޢުގެ މަސައްކަތަށް ބޭނުންވާ މެޝިނަރީއާއި ސާމާނު ދެވަނަ ފަހަރާ ރަށަށް ގެނެސްފައި ވެއެވެ. ކުރިން މެޝިނަރީސް ގެނެސް ރަށުގެ ރިންގްރޯޑުން 2.7 ކިލޯމީޓާރު ގެ މސައްކަތް ނިންމުމައްފަހު ތަކެތި ވަނީ އައްޑޫ ސިޓީ ހުޅުމީދޫގެ އެތެރޭގެ މަގުތައް ހެދުމަށް ގެންގޮސްފައި ވެއެވެ. އަލުން އެތަކެތި މިގެނައީ އައްޑު ހުޅުމީދޫ އެތެރޭގެ މަގުތަކުގެ މަސައްކަތް ނިންމުމަށްފަހު އެވެ.
ފުވައްމުލަކު އެތެރޭގެ މަގު ހެދުން. 21 ޖުލައި 2020
ނަމަވެސް ފާއިތުވި 2019 ވަނަ އަހަރު ޖުލައި މަހުގެ ތެރޭގައި ފުވައްމުލަކު ދެކުނުދާއިރާގެ އެމްޕީ މުމްތާޒު ވިދާޅުވެފައި ވަނީ ފުވައްމުލަކު ރިންގުރޯޑުގެ އިތުރުން ރަށުތެރެއިން 20 ކިލޯމީޓަރުގެ މަގު ހަދާނެ ކަމަށެވެ.
ފުވައްމުލަކު ސިޓީގެ އެތެރޭ މަގުތައް ހެދުމުގެ މަޝްރޫޢު ގެ އަގަކީ 279.4 މިލިއަން ރުފިޔާއެއެވެ.
ފުވައްމުލައް ސިޓީ އެތެރޭގެ މުހިންމު ބައެއް މަގުތައް
ޚިޔާލުތައް