މުހައްމަދު ޝިހާބް ގަވާއިދާ ޚިލާފަށް ފުވައްމުލަކު ގޮނޑުދޮށުން ނަގާފައިވާ ދޮންވެއްޠާއި އަކިރި ބަސްތާތަކެއް އަނބުރާ ގޮޑުދޮށަށް އަޅާލާފައިވާ ކަމަށް ފުވައްމުލައް ސިޓީ ކައުންސިލުން މިއަދު ހާމަކޮށްފިއެވެ. މިއަދު ފެންިފައި ވަނީ 36 ބަސްތާ ދޮންވެއްޔާއި 4 ބަސްތާ އަކިރި ކަމަށް ވެއެވެ.
މި ދޮންވެލިތައް ހުރީ ބޮޑެެތި ޖަމްބޯ ބޭގަށް އަޅާފައެވެ. އިއްޔެ ވެސް ސިޓީ ކައުންސިލުން ވަނީ ފުވައްމުލަކު ގޮނޑުދޮށުން ނަގާފައިވާ ދޮންވެލި ފުންޏެއް އަނބުރާ ގެންގޮސް ގޮޑުދޮށަށް އަޅާލާފައެވެ.
މި އަހަރު މެއި މަހާއި ޖޫން މަހުގައި ވެސް ސިޓީ ކައުންސިލުން ވަނީ ރަށުގެ އެކި ހިސާބުތަކުން ފެނުނު، ގަވާއިދާއި ޚިލާފަށް ނަގާފައިވާ ދޮންވެލި ބަސްތާތަކެއް ޕިކަޕްގައި ގެންގޮސް ގޮނޑުދޮޑަށް ހުސްކޮށްލާފައެވެ.
ރަށް ގިރުމުގެ ނުރައްކަލުން ފުވައްމުލައް ސިޓީ ހިމާޔަތް ކުރުމަށްޓަކައި ފުވައްމުލަކުގެ ގޮޑުދޮށުން އެއްވެސް މިންވަރަކަށް ވެލި ފަދަ ތަކެތި ނެގުން ވަނީ މަނާ ކުރެވިފައެވެ. ގަވާއިދާ ޚިލާފަށް ވެލި ނަގާނަމަ އެކަން ފުވައްމުލައް ސިޓީ ކައުންސިލް ހޮޓްލައިން 1618 އަށް ގުޅުއްވައި މައުލޫމާތު ޙިއްސާ ކޮށްދެއްވުމަށް ސިޓީ ކައުންސިލުން އެދެމެވެ.
ގަވާިއދާއި ޚިލާފަށް ނަގާފައި ގޯއްޗެއްގެ ތެރޭގައި ބަހައްޓާފައި ހުއްޓާ މިއަދު ފެނުުނު ވެލިތައް އަލުން ގޮނޑުދޮށަށ އަޅަނީ ފޮޓޯ:ފސކ
ފުވައްމުލަކު ގޮނޑުދޮށުން ވެލިނެގުން ހުއްޓުވުމަށް ރައްޔިތުން ފަރާތުން ލިބެމުންދާ އެއްބާރުލުމަށް ޝުކުރުދަންނަވާ ކަމަށް މިއަދު ސިޓީ ކައުންސިލުން ހާމަކޮށްފައި ވެއެވެ.
ޚިޔާލުތައް