މުހައްމަދު ޝިހާބް ގައުމީ އެގްރޯ ކުންފުންނި (އެގްރޯ ނެޝަނަލް ކޯޕަރޭޝަން ޕްރައިވެޓް ލިމިޓެޑް) އާއި ފުވައްމުލަކުގެ 13 ދަނޑުވެރިއަކާއެކު ކޮންޓްރެކްޓް ފާމިންގައި ބައިވެރިވުމަށް އެއްބަސްވެ ސޮއިކޮށްފިއެވެ. މިއެއްބަސްވުމުގައި ސޮއިކުރުން އޮތީ ފުވައްމުލައް ސިޓީ ކައުންސިލްގެ އިދާރާގައި މާރިޗު މަހުގެ 22 (2021)ވަނަ ނުވަހުއެވެ.
މިއީ ގައުމީ އެގްރޯ ކުންފުންޏާއި ގުޅިގެން ދަނޑުވެރިކަން ކުރަން ހުޅުވާލި ފުރުސަތުގައި ފުވައްމުލައް ސިޓީއިން ޝައުގުވެރިވި ދަނޑުވެރިން ކަމަށް ވެއެވެ. ނަމަވެސް ފުވައްމުލަކުގެ ދަނޑުވެރިންގެ ތެރެއިން މިކަމުގައި ބައިވެރިވާން ހުށަހަޅާފައި ވަނީ ކިތައް މީހުން ކަމެއް ސާފުވާގޮތް ވަނީ ނުވެފައެވެ.
ގައުމީ އެގްރޯ ކުންފުންޏާއެކު ސޮއިކުރި
ދަނޑުވެރިންނަށް މިފުރުސަތު ހުޅުވާލާފައި ވަނީ ފައިތުވި 2020 ވަނަ އަހަރު ސެޕްޓެމްބަރު މަހު 21 ވަނަ ދުވަހު ފުވައްމުލައް ސިޓީ ކައުންސިލުން ނެރުނު އާއްމު އިއުލާނެއްގައެވެ. އެ އިއުލާނުގައި ވާގޮތުން ނެޝަނަލް އެގްރޯ ކޯޕަރޭޝަނާއި ދަނޑުވެރިޔާއާއި ދެމެދު ވެވޭ އެއްބަސްވުމުގެ ދަށުން ދަނޑުވެރިކަމުގެ 17 ބާވަތެއްގެ އެކުންފުންޏަށް ގަންނާނެއެވެ. އަދި ދަނޑުވެރިންނަށް ބޭނުންވާ ފަންނީ ތަމްރީނު ދިނުމާއި މާލީ އެހީތެރިކަން ވެސް އެ ކުންފުނިން ފޯރުކޮށްދޭ ގޮތަށް ވެސް ހަމަޖެހިފައެވެ.
އޮގްރޯ ނެޝަނަލް ކޯޕަރޭޝަނުން ގަންނަ ދަނޑުވެރިކަމުގެ ބައެއް ބާވަތްތައް.
މިއީ ކުދި އަދި މެދުފަންތީގެ ވިޔަފާރިތަކަށް އަމާޒުކޮށްގެން ދިވެހިރާއްޖޭގެ ދަނދުވެރިކަމުގެ ސިނާއަތު ތަރައްގީކޮށް ކުރިއެރުވުމަށް ކުރިޔަށް ގެންދެވޭ މަޝްރޫއުގެ ދަށުން ސަރުކާރުން ހިންގާ ހަރަކާތެކެވެ. ދަނޑުވެރިން އަތުން ދަޑުވެރިކަމުގެ އުފެއްދުންތައް ގަތުމަށް ސަރުކާރުން އުފައްދަފައިވާ މިކުންފުނީގެ މެނޭޖިން ޑިރެކްޓަރަކީ ހާރޫނު ރަޝީދެއެވެ. ރާއްޖޭގައި އުފައްދާ ދަނޑުވެރިކަމުގެ ބާވަތްތައް ގަނެ އެތަކެތި މާކެޓްކުރުމާއި ވިއްކުމާއި އެކަމަށް ސަޕްލައިޗެއިން ތަރައްގީ ކުރުމުގެ މަސައްކަތް ކުރުމަކީ މިކުންފުނީ މަގްސަދުތަކުގެ ތެރޭގައި ހިމެނޭ ކަންކަމެވެ.
ގައުމީ އެގްރޯ ކުންފުންޏާއެކު ސޮއިކުރި ބައެއް މީހުން
ޚިޔާލުތައް