އަންހެނުންގެ ތަރައްގީއަށް މަސައްކަތް ކުރާ ކޮމެޓީގެ ރައީސާ އަކަށް ޕީޕީއެމް ކެންޑިޑޭޓަށް

ފުވައްމުލައް ސިޓީގެ އަންހެންގެ ތަރައްގީ އަށް މަސައްކަތް ކުރާ ކޮމެޓީ (އ.ތ.ކ) ރައީސާ ކަމުގެ މަގާމަށް ޕީޕީއެމްގެ ކެންޑިޑޭޓް ދިޔާނާ ހޮވިއްޖެއެވެ. މިއަދު ބޭއްވި މިދައުރުގެ ފުރަތަމަ ޖަލްސާގައި އެމްޑީޕީގެ މެމްބަރެއްގެ ވޯޓާއެކު ދިޔާނާ ރައީސް ކަމަށް ހޮވުނީ 6 މެމްބަރުން ހިމެނޭ ކޮމެޓީގެ 3 މެމްބަރުންގެ ވޯޓުންނެވެ. އ.ތ.ކ. ނާއިބު ރައީސާ އަކަށް ހޮވުނީ ފުވައްމުލަކު އިރު އުތުރު ދާއިރާގެ މެމްބަރު ފާތިމަތު ނާފިޢާއެވެ.

މިއަދު ހެނދުނު ބޭއްވި ކައުންސިލަރުން ހުވައިކުރުމާއި އ.ތ.ކ މެމްބަރުން އިގުރާރުގައި ސޮއިކުރުމުގެ ރަސްމިއްޔާތަށް ފަހު ބޭއްވި މިޖަލްސާގައި އެމްޑީޕީގެ މެމްބަރުންގެ މެދުގައި ކޮންމެވެސް ވަރެއްގެ ދެކޮޅުވެރިކަމެއް އުފެދިފައި އޮތްކަން އެނގުނެވެ.

އ.ތ.ކ ރައީސާ ކަމަށް ވޯޓު

އާސިފާ އިބްރާހިމް – އަމިއްލަ، ފުވައްމުލަކު ހުޅަނގު އުތުރު ދާއިރާ 1 ވޯޓް

މަރްޔަމް ދިޔާނާ – ޕީޕީއެމް، ފުވައްމުލަކު މެދު ދެކުނު ދާއިރާ 3 ވޯޓް

މަރްޔަމް ޛަހީނާ އަހުމަދު – އެމްޑީޕީ، ފުވައްމުލަކު އިރު ދެކުނު ދާއިރާ 2 ވޯޓް

ނާއިބް ރާއީސާ ކަމުގެ ވޯޓަށް ކުރިމަތިލީ އެމްޑީޕީގެ މެމްބަރު ފާތިމަތު ނާފިއާ އާއި ޕީޕީއެމް މްމްބަރު މަރްޔަމް އަލީއެވެ. ފުރަތަމަ ބުރުގެ ވޯޓުގައި އެމްޑިޕީ މެމްބަރަކުގެ ވޯޓާއެކު ޕީޕީއެމް މަރްޔަމް އަލީ އަށް ވެސް 3 ވޯޓް ލިބި، ނާފިއާއައި މަރްޔަމް އަލީ 3-3 އއިން އެއްބވަރުވެ ދެވަނަ ބުރަކަށް ދިޔައެވެ.

ނަމަވެސް ދެވަނަ ބުރުގައި އެމްޑިޕީގެ ސިޓީ ކައުންސިލް މެމްބަރުންގެ ލޯބީކުރުމާއެކު އެމްޑީޕީ ކެންޑިޑޭޓަށް، ޕާޓީގެ 3 މެމްބަރުންގެ ވޯޓާއި އަދި އަމިައްލަ މެމބަރުގެ ވޯޓާއެކު ނާއިބު ރައީސާ ކަމުގެ މަގާމު ކާމިޔާބުކުރެވުނެވެ.

އ.ތ.ކ ނާއިބު ރައީސާ ކަމަށް ވޯޓު – ފުރަތަމަ ބުރު

ފާތިމަތު ނާފިޢާ – އެމްޑީޕީ، ފުވައްމުލަކު އިރު އުތުރު ދާއިރާ 3 ވޯޓް

މަރްޔަމް އަލީ – ޕީޕީއެމް، ފުވައްމުލަކު ހުޅަނގު ދެކުނު ދާއިރާ 3 ވޯޓް

އ.ތ.ކ ނާއިބު ރައީސާ ކަމަށް ވޯޓު – 2 ވަނަ ބުރު

ފާތިމަތު ނާފިޢާ – އެމްޑީޕީ، ފުވައްމުލަކު އިރު އުތުރު ދާއިރާ 4 ވޯޓް

މަރްޔަމް އަލީ – ޕީޕީއެމް، ފުވައްމުލަކު ހުޅަނގު ދެކުނު ދާއިރާ 2 ވޯޓް

އތކ ގެ މެމްބަރުން އިގުރާރުގައި ސޮއިކުރުން މދަމާ. 17 މެއި 2021

މިކަލް ނޫހަށް މައުލޫމާތު ލިބިފައިވާ ގޮތުގައި މިދައުރަށް އ.ތ.ކގެ ރައީސައާއި ނާއިބު ރައީސާ ހޮވުމުގައި އަމަލުކުރާނެ ގޮތެއް ކަނޑައެޅުމަށް އެމްޑީޕީ-ފުވައްމުލަކުގެ އިސް ސަފުން މަސައްކަތްކޮށް ފުރަތަމަ އެއްބަސްވުމަކަށް އައިސްފައި ވަނީ  ފުވައްމުލައް މެދު-އުތުރު ދާއިރާގެ މެމްބަރު މަރްޔަމް ހަސަން ދީދީއަށް ރައީސާގެ ވޯޓުން ދިނުމަށާއި އަދި ނާއިބް ރައީސާ ގެ ވޯޓު ފުވައްމުލަކު އިރު ދެކުނު ދާއިރާ މެމްބަރު ޛަހީނާއަށް ދިނުމަށެވެ.

އެކަމުގައި އުފެދުނު ދެބަސްވުމަކުން އެންމެ ފަހުން ނިންމީ ބައްދަލުވުމެއް ބާއްވައި 3 މެމްބަރުން ވޯޓުލައިގެން ހޮވޭ މީހަކަށް ވޯޓް ދޭގޮތަށެވެ. ނަމަވެސް ރޭގެ ބައްދަލުވުމުގައި އެއް މެމްބަރަކު ފާހަގަކުރީ އެމްޑީޕީގެ 3 މެމްބަރުންގެ ތެރެއިން ދެ މެމްބަރުން ކުރިމަތިލާ ހިނދު، ބާކީ އެންމެ މެމްބަރަކު ހުރެ އެތަނުން އެކަކަށް ވޯޓް ދިނުމަކީ އަނެއް މެމްބަރުގެ ހިތްބުރަކަމެއް އުފެދިގެންދާނެ ކަމެއް ކަމަށާއި ރައީސާ ކަމަށް ޝައުގުވެރިވާ ދެ މެމްބަރުން ވާހަކަދައްކައިގެން އެއްބަސް ވާގޮތަކަށް އޭނާ ވޯޓް ދޭނެ ކަމަށެވެ.

އެއްވެސް މެމްބަރަކު ދޫކޮށްލަން ބޭނުން ނުވިއެވެ. އަދި ގުރަކަށް ދާން މަރްޔަމް ހަސަން ބޭނުން ނުވެ އެދިފައިވަނީ ވޯޓުލައިގެން ގޮތެއް ނިންމުމަށެވެ. އެއާއެކު 3 މެމްބަރުންގެ މެދުގައި ސިއްރު ވޯޓެއް ލައިގެން ނިމޭގޮތަކަށް އެއްބަސްވެގެން، ނެގުނު ވޯޓުގައި ޛަހީނާއަށް 2 ވޯޓު ލިބި ކާމިޔާބު ވިއެވެ. ނަމަވެސް މަރްޔަމް ހަސަން ދިދީގެ ނިންމުމަކަށްވީ ކަމަށްވަނީ، ކުރިން ޕާޓީގެ އިސްފަރާތްކުން ނިންމާފައިވާ ގޮތަށް ވޯޓު ނުދިނުމުން މިވޯޓް ގަބޫލުނުކުރާ ކަމަށެވެ. އަދި ބައްދަލުވުން ދޫކޮށް ދިޔައެވެ.

އަންހެނުންގެ ތަރައްގީއަށް މަސައްކަތކުރާ ކޮމެޓީގެ އިންތިާޚބުގެ ވަގުތީ ނަތީޖާ 2021

އެއާއެކު އ.ތ.ކ ގެ ވޯޓުގައި އަމަލުކުރުމަށް އެމްޑީޕީގެ ޕާޓީ ލައިނުން ގޮތެއް ނުނިމިފައި ވިޔަސް އެކަން ވަނީ ބަލައިނުގެންފައެވެ. އެއްބަސްވުމަކަށް ނާދެވި ތިބެ މިއަދުގެ ވޯޓުގައި އެމްޑީޕީއަށް އ.މ.ކ ގެ ރައީސާގެ މަގާމު ގެއްލިގެން ދިޔައީ ޕާޓީގެ މެމްބަރު އިދިކޮޅަށް ވޯޓް ލައިގެންނެވެ.