އިބްރާހިމް ލަތީފް ހުސްވެފައިވާ ފުވައްމުލަކު ސްކޫލުގެ ޕްރިންސިޕަލްގެ މަގާމަށް މުހައްމަދު ފަޔާޒު ހަމަޖައްސަވައިފިއެވެ. ފަޔާޒު ވަނީ ގިނަ ދުވަސްތަކެއް ވަންދެން ތައުލީމީ ދާއިރާގައި މަސައްކަތްކުރައްވާފައެވެ. އެގޮތުން، ޏ. އަތޮޅު ތައުލީމީ މަރުކަޒުގެ ހަޔާ ސެކަންޑަރީ ޓީޗަރު ކަމާއި އެ ސްކޫލުގެ ލީޑިން ޓީޗަރުކަންވެސް ވަނީ ކުރައްވާފައެވެ. މީގެ އިތުރުން ހާފިޒު އަހަމަދު ސްކޫލް ޕްރިންސިޕަލްގެ މަގާމުވެސް ފަޒާރުވަނީ އަދާ ކުރައްވާފައެވެ.
ފަޔާޒު ފުވައްމުލަކު ސްކޫލުގެ ޕްރިންސިޕަލްގެ މަގާމަށް އައްޔަންކޮށްފައިވަނީ އިއްޔެއެވެ. އިއްޔެއިން 3 މަސްދުވަހުގެ މުއްދަތަކަށް ފުވައްމުލަކު ސްކޫލުގެ ޕްރިންސިޕަލްގެ މަގާމު ފަޔާޒާއި ހަވާލުކޮށްފައިވަނީ އެމަގާމަށް ދާއިމީކޮށް ޕްރިންސިޕަލެއް ހަމަޖެއްސެންދެނެވެ.
ފުވައްމުލަކު ސްކޫލަށް ޕްރިންސިޕަލަކު ހަމަޖައްސަވާފައި މިވަނީ ފުވައްމުލަކު ސްކޫލުގައި ކުރިން ހުންނެވި ޕްރިންސިޕަލް ހަސަން ޒަރީރު ގދ. ރަތަފަންދޫ ސްކޫލަށް ބަދަލުކުރެއްވުމާއި ގުޅިގެންނެވެ.
ޚިޔާލުތައް