ފަތުހުﷲ ސާލިހް ފުވައްމުލައް ޕޮލިސްގެ ފަރާތުން އިންތިޒާމްކޮށްގެން “އެންމެނަސް މުހިންމު” ގެ ނަމުގައި ތަމްރީނު ސެޝަންތަކެއް ފަށައިފިއެވެ. ކޮންމެ މީހަކަށްވެސް އެ މީހަކީ މުހިންމު މީހެއްކަން ބުނެދޭ “އެންމެނަސް މުހިންމު” ތީމްގެ ދަށުން 3 ދުވަހުގެ މުއްދަތަށް ކުރިޔަށްދާ މި ސެޝަންތަކަކީ މަސައްކަތުގެ މާހައުލު ފަހިކުރުމުގެ މަޤްޞަދުގައި ރާވައިފައިވާ ޕްރޮގްރާމެކެވެ.
މި ޕްރޮގްރާމްގެ ދަންފަޅިތަކުގައި ބައިވެރީންނަށް ކުރިޔަށް ގެންދާ ބައިތަކުގެ ތެރޭގައި “މޯޓިވޭޝަން”، “ޓައިމް މެނޭޖްމަންޓް”، “ސްޓްރެސް މެނޭޖްމަންޓް”، “ކޮމިއުނިކޭޝަން ސްކިލްސް”، “ޕޮޒިޓިވް ތިންކިންގ އެންޑް ޕޮޒިޓިވް އެޓިޓިއުޑް” ފަދަ ކިލާސްތައް ހިމަނައިފައި ވެއެވެ.
މި ޕްރޮގްރާމްގެ ފުރަތަމަ ދުވަސް ޚާއްޞަކުރެވިފައި ވަނީ ފުލުހުންނަށެވެ. ފުވައްމުލައް ސިޓީ ޕޮލިސްގައި މަސައްކަތްކުރާ ހުރިހައި ދާއިރާއެއްގެ މުވައްޒަފުން މި ޕްރޮގްރާމްގައި ބައިވެރި ވެފައި ވެއެވެ. އެ ގޮތުން، ފްރަންޓް ލައިން އޮފިސަރުންނާއި، އޮޕަރޭޝަންސް ފުލުހުންނާއި އިންވެސްޓިގޭޝަން އޮފިސަރުންނާއި އިދާރީ މުވައްޒަފުން ހިމެނެއެވެ.
އެންމެނަސް މުހިންމު ތަމްރީނު ޕްރޮގްރާމްގެ ތެރެއިން
ދެވަނަ ދުވަހު މި ތަމްރީނުތައް ކުރިޔަށްދާނީ ސްކޫލްތަކުގެ ޓީޗަރުންނަށެވެ. ފުވައްމުލަކުގެ ހުރިހައި ސްކޫލްތަކެއްގެ ލީޑިންގ ޓީޗަރުން މި ކިލާހުގައި ބައިވެރި ވާނެއެވެ.
ތިންވަނަ ދުވަހުގެ ބައިވެރީންނަކީ ސިވިލް ސަރވިސްގެ މުވައްޒަފުންނެވެ. ފުވައްމުލައް ސިޓީގައި މަސައްކަތްކުރާ ސިވިލް ސަރވިސްގެ ހުރިހައި ދާއިރާއަކުން ބައިވެރި ވާނެއެވެ.
އެންމެނަސް މުހިންމު ތަމްރީނު ޕްރޮގްރާމްގެ ތެރެއިން
މި ސެޝަންތައް ނަންގަވައިދެއްވަނީ އެމް.އެން.ޔޫ. ގެ ބިޒްނަސް ސްކޫލްގެ ޑިޕާރޓްމަންޓް އޮފް މެނޭޖްމަންޓްގެ އެޗްއޯޑީ އަދި، ލެކްޗަރަރ، ސިވިލް ސަރވިސް ޓްރެއިނިންގ އިންސްޓިޓިއުޓްގެ އެކްސްޓަރނަލް ޓްރެއިނަރ ޢާއިޝަތު ލީޒާއާއި އެމް.އެން.ޔޫ ގެ ބިޒްނަސް ސްކޫލްގެ ލެކްޗަރަރ ޢާއިޝަތު އަޒްދާއެވެ.
ޚިޔާލުތައް