މުހައްމަދު ޝިހާބް ފުވައްމުލައް ސިޓީ ތުނޑި ސަރަހައްދުގައި ތަރައްގީކުރުމަށް ޕްލޭން ކުރެވިފައިވާ ސާފްޝެކްގެ މަސައްކަތަށް ދެވަނަ ފަހަރާ ބީލަމަށް ހުޅުވާލައިފިއެވެ. އެއީ ފާއިތުވި 2021 ވަނަ އހަރު ނޮވެމްބަރު މަހު ހުޅުވާލި ބީލަމަށް އެއްވެސް ފަރާތަކުން ކުރިމަތި ލާފައި ނުވާތީއެވެ.
މިމަސައްކަތުގައި ހިމެނެނީ ފުވައްމުލަކު ތުނޑީ ސާފުކުރާ ސަރަހައްދުގައި އިމާރާތެއް ހެދުމެވެ.
މި ބީލަމުގައި ބައިވެރިވާން އެދޭ ފަރާތްތަކުން ފުވައްމުލައް ސިޓީ ކައުންސިލަށް އިމެއިލް މެދުވެރިކޮށް މައުލޫމާތު ހުށަހަޅައި ރަޖިސްޓްރީ ވާން ޖެހެއެވެ. ބީލަމަށް ރަޖިސްޓްރީވުމަށް ކަނޑައަޅާފައިވާ މުއްދަތަކީ 30 ޖެނުއަރީ އިން 9 ފެބްރުއަރީ 2022 ގެ ނިޔަލަށެވެ. ރަޖިސްޓްރީވުމަށް ބައިވެރިވާ ބޭނުންވާ ފަރާތުގެ ނަމާއި އެޑްރެސް، ފޯނު ނަމްބަރު އަދި އީމެއިލް އެޑްރެސް ފޮނުވަން އެދިފައި ވެއެވެ.
މިބީލަމުގެ މަސައްކަތާއި ގުޅޭ ތަފުސީލު މައުލޫމާތު، މިއަދު، 31 ޖެނުއަރީ 2022 ވާ ހޯމަ ދުވހުގެ މެންދުރުފަހު 13:00ގެ ފަހުން ލިބެން ހުންނާނެ ކަމަށާއި ބީލަމުގައި ރަޖިސްޓްރީ ކުރާ ފަރާތްތަކަށް، މަސައްކަތާއި ގުޅޭ މައުލޫމާތު ކަރުދާހާއި ބިޑް ފޯމުގެ ސޮފްޓްކޮޕީ އީމއެިލުން ފޯރުކޮށް ދޭނެކަމަށް ބިޑްގެ މައުލޫމާތުތަކުގައި ވެއެވެ.
ބީލމާއި ގުޅޭ ގޮތުން މައުލޫމާތު ސާފުކުރުމަށް 9 ފެބްރުއަރީ 2022ގެ ވާ ބުދަ ދުވަހުގެ ހެނދުނު 10:00ގެ ކުރިން ފޮނުވާ އީމެއިލްތަކަށް އެދުވަހުގެ 14:00 ގެ ކުރިން ޖަވާބު ލިބޭނެ ކަމަށް ހާމަކޮށްފައި ވެއެވެ.
މި ބީލަން ހުށަހެޅުމާއި ބަލައިގަތުމަށް ހަމަޖެހިފައި ވަނީ 13 ފެބްރުއަރީ 2022 ވާ އާދީއްތަ ދުވަހުގެ ހެނދުނު 10:00ގައި ސިޓީ ކައުންސިލްގެ މީޓިން ރޫމުގައެވެ.
ބޮޑީބޯޑިން- ފުވައްމުލައް ސިޓީ- ފޮޓޯ: ފަންނޮސާފު
ފާއިތުވި 2021 ވަނަ އަހަރު ސިޓީ ކައުންސިލުން ވަނީ ސާފު ޝެކް އަޅާނެ ތަނުގެ ބިން ވަކިކޮށް، ބިން ސާފުކުރުމުގެ މަސައްކަތް ކޮށްފައެވެ. ނަމަވެސް ސާފު ޝެކު ބިނާކުރުމުގެ މަސައްކަތް އަދި މިވަނީ ނުވެފައެވެ. ނަމަވެސް، ފުވައްމުލަކު ތުނޑީން ހޯދަޑާއި ވީފަޅީގައި މިހާރުވެސް ސާފުރުމަށް ބެނުންކުރަމުން އާދެއެވެ. އަދި ފުވައްމުލަކުގެ ބައެއް ކުދިން އަންނަނީ ގައުމީ ފެންވަރުގައި ވެސް ބޮޑީބޯޑިންގެ ވަނަތައް ހާސިލުކުރަމުންނެވެ. އަދި ކުރިން ފުވައްމުލައް ސިޓީގައި ބޮޑީބޯޑިން މުބާރާތެއް ވެސްބާއްވާފައި ވެއެވެ.
ޚިޔާލުތައް