މުހައްމަދު ޝިހާބް “ޤުރުއާނާއި ސައިންސް ފޯރަމް 1443ހ.” ގެ ނަމުގައި ފުވައްމުލައް ސިޓީ ކައުންސިލުން ގެނެސްދޭ ދީނީ މައުލޫމާތުގެ ޕްރޮގްރާމްް މިރޭ (14 އޭޕްރީލް 2022) ގެނެސްދިނުމަށް ވަނީ ހަމަޖެހިފައެވެ،
މިރޭ 9:30 ގައި ޕްރޮގްރާމް ހުށަހަޅައިދޭނީ މުހައްމަދު ޖަމާލުއްދީން ސްކޫލު (އެމްޖޭއެސް) ގެ 6 ދަރިވަރެކެވެ. މިރޭގެ މައުޟޫއަކީ “ގުރުއާނާއި ސުންނަތުގެ އަލީގައި ކަނޑު” އެވެ. މި ފޯރަމް ކުރިޔަށްގެންދަނީ ފުވައްމުލައް ސިޓީ ކައުންސިލް އިދާރާގެ ކުރުނދުމާ މާލަމުގައެވެ. މީގެ އިތުރުން މިފޯރަމް ސިޓީ ކައުންސިލްގެ ފޭސްބުކް ޕޭޖުން ލައިވް ކުރާގޮތަށް ވަނީ ހަމަޖެހިފައެވެ.
މި ޕްރޮގްރާމުގެ ދެވަނަ ބައި ގެނެސްދޭނީ މާދަމާ ރޭ ހާފިޒު އަހުމަދު ސްކޫލުގެ ދަރިވަރުންނެވެ. ހާފިޒު އަހުމަދު ސްކޫލުން ހުށަހަޅައިދޭ މައުޟޫއަކީ “ގުރުއާނާއި ސުންނަތުގެ އަލީގައި ކައުނުގެ ބައެއް ހަގީގަތްތައް” އެވެ.
1443ހ. ރަމަޟާން މަހުގެ ދިނީ ޕްރޮގްރާމް – ހޭޒް
ފާއިތުވި އަހަރުގެ ރޯދަމަހު ކުރިޔަށް ގެންދިޔަ މި ޕްރޮގްރާމުގައި އެމްޖޭއެސް އަށް ހުށަހަޅަން އޮތް ފުރުސަތު ގެއްލިގެން ދިޔައީ ކޮވިޑް-19ގެ ފުރަބަންދުގެ ދުވަސްތަކަށް ދިމާވުމުންނެވެ.
ޚިޔާލުތައް