މުހައްމަދު ޝިހާބް ފުވައްމުލަކު ބަދަރުގައި އަޅާފައި އުޅަނދުތަކުގެ ތެރެއިން ބޭނުންނުކޮށް ގިނަ ދުވަސް ވެފައިވާ އުޅަނދުފަހަރު ނެގުމަށް 3 ދުވަހުގެ މުހުލަތެއް ފުވައްމުލައް ސިޓީ ކައުންސިލުން ދީފިއެވެ.
އެގޮތުން މިއަދު ސިޓީ ކައުންސިލުން އާއްމުކުރި އިއުލާނެއްގައި ވާގޮތުން، މި އޭޕްރީލް މަހުގެ 20 ވާ އަންގާރަ ދުވަހުގެ ކުރިން ބަނދަރު ތެރެއެިން ނެގުމަށް އާއްމުކޮށް އަންގާފައި ވެއެވެ. އަދި މި 3 ދުވަހުގެ މުއްދަތުގެ ތެރޭގައި ނުނަގާ ހުންނަ ބޭނުންނުކޮށް ގިނަ ދުވަސްވެފައިވާ އުޅަނދުފަހަރު ބަދަރުތެރެއިން ނެގުމުގެ މަސައްކަތް އެ ކައުންސިލުން ކުރާނެކަމަށް ވެއެވެ.
ފުވައްމުލަކު ބަނދަރުގައި ޖާގައިގެ ދަތިކަން ވަރަށް ބޮޑުވެފައި ވެއެވެ. އެގޮތުން 2015 ވަނަ އަހަރު ޖެނުއަރީ މަހު ވެސް ފުވައްމުލައް ސިޓީ ކައުންސިލުން މިފަދަ އުޅަނދުތައް ބަނދަރުތެރެއިން ނެގުމަށް އަންގައި އިއުލާންކޮށްފައި ވެއެވެ. އެފަހަރުގެ އިއުލާނުގައި ބުނެފައިވަނި 2015 ވަނ އހަރު ފްބުރުއަރީ 1 އަށް ނުނަގާ ހުންނަ އުޅަނދުތައް ބަނަދަރުން ނަގައި ނައްތާލުމުގެ މަސައްކަތް އެކައުންސިލުން ކުރާނެކަމަށެވެ. ނަމަވެސް އެގޮތުން އެއްވެސް އުޅަނދެއް ނައްތާލާފައިވާ ކަން އެނގޭކަށް ނެތެވެ.
ފުވައްމުލަކު ބަނދަރުގައި އަޅާފައިވާ ގިނަ ދުވަސްތަކެއްވެ، ދަތުރުނުކުރާ، ބާވެފައިވާ ވެފައިވާ އުޅަނދުފަހަރާއި އަދި މަހަށް ނުފުރާ މަސްދޯނި ބޮއްކުރާ ފަދަ އުޅަނދުތައް ބަނދަރުގައި އަޅާފައިއޮތުމުގެ ސަބަބުން ދަތުރުފަތުރު ކުރާ އުޅަނދުފަހަރަށް ބަދަރު ބޭނުން ކުރުމުގައި ދަތިތަކާއި ކުރިމަތި ވަމުން ދާތީ ކަމަށް ފުވައްމުލައް ސިޓީ ކައުސިލްގެ ކުރީގެ އިއުލާނުގައި ވެއެވެ.
ޚިޔާލުތައް