މުހައްމަދު ޝިހާބް މޫސުން ގޯސްވެ ވާރޭ ވެހުމުގެ ސަބަބުން މެދުކެނޑިފައިވާ އޯކިޑުމަގުގެ ތާރުއެޅުމުގެ މަސައްކަތް ރޭ އެއްކޮށް ނިންމާލައިފިއެވެ.
އެއާއެކު މިހާތަނަށް ތާރު އެޅިފައި ވަނީ 2 ކިލޯމިޓަރުގެ މަގުގައެވެ. އެއީ ފިނިވާމަގާއި އޯކިޑުމަގުގައެވެ. އިއްޔެ ތާރު އަޅާ ނިމުނު ކަމުގައި ވިޔަސް އޯކިޑުމަގު އާއްމުކޮށް ހުޅުވާލާނީ މާދަމާ، 5 އޮކްޓޯބަރުގައި ކަމަށް ވެއެވެ.
އޯޚިޑުމަގުގައި ތާރު އަޅާއި
ދެން ތާރުއެޅުމުގެ މަސައކްތަ ކުރިޔަށްދާނީ ބޯޅަދަނޑު ވަށައިގެންވާ މަގާއި ފީނދިފަންނު މަގުގައި ކަމަށް މައުލޫމާތު ލިބެއެވެ. ކުރިޔާއަޅާބަލާއިރު މިއަދު ތާރުއެޅުމުގެ މަސައްކަތް ވަރަށް ބޮޑަށް ލަސްކަމަށް ފާހަގަކުރެވިފައި ވެއެވެ. އެހެން ދިމާވީ ތާރު އެޅުމަށް ބޭނުންކުރާ ހިލަވެލި އެއްކޮށް ތެމިފައި ހުރުމުން އެހިލަތައް ހިއްކައިގެން މަސައްކަތް ކުރަން ޖެހޭތީ ކަމަށް މައުލޫމާތު ލިބެއެވެ.
ތާރުއެޅުމުގެ މަސައްކަތް ކުރަމުން އަންނަ އިރު އޯކިޑުމަގާއި ފިނިވާ މަގުގައި ވެސް، ގުޅިފައިވާ މަގުތަކާއި ގޯޅިތަކުން ތާރުއެޅިމަގަށް ދުއްވާ އެއްޗެހީގައި ނުކުތުމަށް ދަތި އުނދަގޫތަކެއް ދިމާވަމުން ދާކަމަށް މިކަލް ނޫހާއި ވާހަކަދެއްކި އާންމު ރައްޔިތުން ހާމަކުރެއެވެ.
އޯކިޑުމަގުގައި ތާރު އަޅާ ނިންމާލައިފި
މިހާރު އެހުރީ ކޮންމެ މަގެއް ނުވަތަ ގޯޅިއެއްގައި ބޮޑު މަގަށް ނިކުންނަ ހިސާބުގައި ލަކުޑި ގަނޑެއް ޖަހާފައި ކަމަށާއި، އެހެންވުމުން އެމަގަށް ނުކުމެ ހެދުމަށް ދަތިވާ ކަމަށް މިކަލް ނޫހާއި ވާހަކަ ދެއްކި ފަރާތްތަކުން ބުނެފައިވެއެވެ. އޭގެ ބަދަލުގައި އެގޯޅިއަށް ނުވަތަ މަގާިއ ގުޅޭ ކަންމައްޗަށް ވެސް ކަތިވާގޮތަށް ކޮންމެވެސް ވަރަކަށް ތާރުކޮޅެއް އަޅާފައި ދޫކޮށްލުމުން އެކަން ހައްލުވީސް ކަމަށް އެފަރާތްތަކުން ފާހަގަ ކުރިއެވެ.
ޚާއްސަކޮށް މިފިޔަވަހީގައި ތާރު ނާޅާ މަގުތަކާއި ގުޅޭ ކަންމަތިތައް އެގޮތަށް ހަދާނަމަ އެކަމއުގައި އާއްމުނަށް އިތުރު އުނދަގޫތަކެއް ނުވެ މަގު ގެ ބޭނުން މިހާރަށް ވެސް ހިފޭނެކަމަށެވެ.
މަގުގައި ތާރު އަޅާ ނިމުނު ކަމުގައިވިޔަސް އެމަގުތަކުގައިވާ ޖަންކްޝަން މަގާއި އެއްލެވެލެކަށް އަދި ގެންނަން ޖެހޭކަމަށް ވެއެވެ.
ޚިޔާލުތައް