އިބްރާހިމް ލަތީފް މިއަދު މެންދުރުފަހު ސިނަމާލެ ބްރިޖުގައި ހިގި ނުރައްކާތެރި އެކްސިޑެންޓެއްގައި ފުވައްމުލަކު މަޝްހޫރު ވިޔަފާރިވެރިޔާ އިސްމާއީލް މޫސާ (ޖަމްބޯ އިއްސެ) ނިޔާވެއްޖެއެވެ. ތައިލެންޑްގެ ވެރިރަށް ބެންގްކޮކްގައި ވިޔަފާރި ކުރަމުންދާ ޖަންބޯ އިއްސެ ނިޔާވި އެކްސިޑެންޓްގެ ރިޕޯޓްލިބިފައިވަނީ މިއަދު މެންދުރުފަހު 2.30 ހާއިރު ކަމަށް ފުލުހުން ހާމަކުރެއެވެ.
މިއެކްސިޑެންޓް ހިގާފައިވަނީ ސިނަމާލެ ބްރިޖުގެ އެއާޕޯޓް ޓްރެފިކް ލައިޓް ކައިރީގައި ކަމަށް މިކަލް ނޫހަށް މައުލޫމާތު ލިބެއެވެ. މިއެކްސިޑެންޓްގައި އިއްސެ ނިޔާވެފައިވަނީ މާލެއިން ހުޅުމާލެއަށް މޮޓޯ ސައިކަލުގައި ޓްރެފިކް ލައިޓް ހުރަސްކޮށް ދަތުރުކުރަނިކޮށް ހުޅުމާލެ ކޮޅުން އެއާޕޯޓަށް އަޅާލި ވޭނަކާއި މުޑިއަރައިގެން ކަަމަށް މިކަލް ނޫހަށް މައުލޫމާތު ލިބެއެވެ.
މިއެކްސިޑެންޓާއި ގުޅިގެން ޖަންބޯ އިއްސެ ފަރުވާ ދިނުމަށް ޓްރީ ޓޮޕް ހޮސްޕިޓަލަށް ގެންދިޔަ ކަމަށާއި އެ ހޮސްޕިޓަލުން އޭނާ މަރުވެފައިވާ ކަމަށް މައުލޫމާތުދޭކަމަށް ފުލުހުން ހާމަކުރެއެވެ. އަދި މިމައްސަލަ އިތުރަށް ތަހުގީގުކުރަމުންދާ ކަމަށްވެސް ފުލުހުން ހާމަކުރެއެވެ.
ޖަންބޯ އިއްސެއަކީ މާލޭގެ މަޖީދީ މަގުގައި ފައިވާން ވިޔަފާރި ކުރުމުގެ އިތުރުން ހާޑްވެއާ ސާމާނުވިއްކުމަށް ޖަންބޯ ނަމުގައި ވިޔަފާރި މީގެ 24 އަހަރުކުރިން ކުރިމީހެކެވެ. އެއަށްފަހު ބެންކޮކްގައި ގިނަ ދުވަސްތަކެއްވަންދެން ފައިވާން ވިޔަފާރިކުރިއެވެ. މިހާރު ބެންކޮކްގައި ޖަންބޯ ފޯވާޑިން ނަމުގައި ކާގޯ ފޯވާޑުކޮށްދިނުމުގެ ވިޔަފާރިވެސް ކުރެއެވެ.
ޚިޔާލުތައް