މުހައްމަދު ޝިހާބް މި އަހަރުގެ ދުނިޔޭގެ ސިއްހަތު ދުވަސް ފާހަގަ ކުރުމަށް ފުވައްމުލަކު ހޮސްޕިޓަލުން ޚާއްސަ ހަރަކާތެއް ކުރިޔަށް ގެންދިއުމަށް ރާވައިފިއެވެ.
“ސިއްހަތު ހަވީރު”ގެ ނަމުގައި ކުރިޔަށް ގެންދާ މި ހަވީރުގައި ތަފާތު އެކި ހަރަކާތްތައް ކުރިއަށް ގެންދެވޭނެ ކަމަށް ފުވައްމުލަކު ހޮސްޕިޓަލުން ހާމަކުރައްވާއެވެ.
މި ހަވީރު އޮންނާނީ މާދަމާ، 7 އޭޕްރީލް 2023 ވާ ހުކުރު ދުވަހުގެ ހަވީރު 4:30ގައި ފުވައްމުލަކު ބަނދަރު ސަރަހައްދުގައެވެ.
ދުނިޔޭގެ ސިއްހަތު ދުވަސް ފާހަގަ ކުރުމަށް ފުވައްމުލަކު ހޮސްޕިޓަލުން މިއަދު ސްކޫލަތަކުގައި ބޭއްވި ޚާއްަސަ އެސެމްބްލީ 2023
“އެންމެނަށް ސިއްހަތު” މިޝިއާރުގެ ދަށުން ހިންގާ ހަރަކާތްތަކީ ރޯދަ ކުރުކޮށްލުމަށް ވެސް ވަރަށް ރަނގަޅު ހަރަކާތްތަކެއް ކަމަށް ވެއެވެ.
މި ހަވީރުގައި ހިލޭ ހެލްތު ޗެކައަޕް ހަދައި ދިނުމަށް ވެސް ހަމަޖެހިފައި ވެއެވެ. އެގޮތުން:
ލޭގެ ޕްރެޝަރު ބަލައިދިނުން
ހަށިގަނދުގައި ހަކުރުހުރި މިންވަރު ބަލައިދިނުން،
ހަށިގަނޑުގައި ސަރުބީ ހުރިމިންވަރު ބަލައިދިނުން
އިސްކޮޅާއި ގުޅުވައި ހަށިގަނޑުގައި ހުންނަން ޖެހޭ ބަރުދަން ބަލައި ބުނެދިނުން ހިމެނއެވެ.
މީގެ އިތުރުން ކުޑަކުދިންނަށް ޚާއްސަ ހަރަކާތްތަކެއް ވެސް ހިމަނާފައި ވެއެވެ. އެގޮތުން ކުރެހުމާއި، ކުލަޖެއްސުން، މަދަހަ ކިޔުމާއި ޚާއްސަ އިނާމު ދިނުން ހިމެނެއެވެ.
ދުނިޔޭގެ ސިއްހަތު ދުވަސް ފާހަގަ ކުރުމަށް ފުވައްމުލަކު ހޮސްޕިޓަލުން މިއަދު ސްކޫލަތަކުގައި ބޭއްވި ޚާއްަސަ އެސެމްބްލީ 2023
މި ދުވަސް ފާހަގަކުރުމުގެ ގޮތުން ފުވައްމުލައް ހޮސްޕިޓަލުން މިއަދު ވަނީ ފުވައްމުލައް ސިޓީގެ ސެކަންޑްރީ ސްކޫލްތަކުގައި ޚާއްސަ އެސެމްބްލީތަކެއް ކުރިއަށް ގެންދެވިފައެވެ. މިއެސެމްބަލީ ތަކުގައި މި ރަމަޟާން މަހު ގެންގުޅެންޖެހޭ ސިއްހީ ރަގަޅު އާދަތަކާއި މެދު ދަރިވަރުން ހޭލުންތެރިކުރުމުގެ ގޮތުން މައުލޫމާތު ދީފައި ވެއެވެ.
ޚިޔާލުތައް