މުހައްމަދު ޝިހާބް ފުވައްމުލައް ހޮސްޕިޓަލުގައި ލޮލުގެ ސާޖަރީއަށް ޚާއްސަ މެޝިނެއް ބަހައްޓައިފިއެވެ. މިމެޝިނުން ލޮލުގެ އެތެރޭގެ ބައިތައް ވަރަށް ފުރިހަމައަށް ތަފުސީލާއެކު ދައްކުވައިދީ ސާޖަރީއަށް ފަސޭހެ ކޮށްދެއެވެ.
މި މެޝިން ބަހައްޓާއި މެޝިން ބޭނުންކުރާނެ ގޮތުގެ ޑިމޮންސްޓްރޭޝަންނެއް ވެސް ކުރިޔަށް ގެންގޮސްފައިވާ ކަމަށް މެޝިން އިންސްޓޯލް ކުރި އެސްޓީއޯ މެޑިކަލް ސާވިސް އިން ހާމަކުރެއެވެ.
ފުވައްމުލައް ހޮސްޕިޓަލުގައި ބެހެއްޓި ލޮލުގެ ބަލިތަކަށް ޚާއްސަ މެޝިން 2023 އޭޕްރީލް 4
ފުވައްމުލައް ހޮސްޕިޓަލުގައި ބެހެއްޓި މެޝިނަކީ ޒީސް އޮޕްމި ލުމޭރާ އޮޕްތަލްމިކް މައިކްރަސްކޯޕެކެވެ.
މިމެޝިނުގެ ސަބަބުން ލޮލުގެ ބަލިތަކުގެ ފަރުވާދިނުމުގައި ވަރަށް ބޮޑުތަން ފަސޭހަވެގެން ދާނެކަމަށް އެފަރާތުން ހާމަކުރެއެވެ. އެގޮތުން ކާމިޔާބުކަމާއެކު ކެޓަރެކްޓްސް ސާޖަރީ ހެދުމަށް މަގުފަހިވެގެން ދާނެކަމަށް ވެއެވެ. މިމެޝިނުން ކޮމްޕިއުޓަރުގެ އެހީގައި ކެޓަރެކްޓްސް ސާޖަރީ ހަދަން ވަރަށް ބޮޑުތަން ފަސޭހަވެގެން ދާނެއެވެ.
މެޝިނުން ކެޓަރެކްޓިސް ސާޖަރީ ހެދޭނެ.
ފުވައްމުލައް ހޮސްޕިޓަލުގައި އިތުރު ޚިދުމަތްތައް ގާއިމުކުރުމުގެ މަސައްކަތް އަންނަނީ ކުރަމުންނެވެ. އެގޮތުން ފުވައްމުލަކު ހޮސްޕިޓަލުގައި ސީޓި ސްކޭން މެޝިނެއް ބަހައްޓަން ވެސް ވަނީ ނިންމާފައެވެ. އެމެޝިން ބަހައްޓާ ތަނުގެ އިންތިޒާމު ހަމަޖައްސައިގެން ޚިދުމަތް ދިނުމަށް 6 މަސް ދުވަސް ވަރު ވާނެ ކަމަށް ފާއިތު ފެބުރުއަރީ މަހު ފަހުކޮޅު ހާމަކޮށްފައި ވެއެވެ.
ފުވައްމުލައް ހޮސްޕިޓަލުގެ އައު އިމާރާތުގެ ކުރެހުމެއް.
މީގެ އިތުރުން ފުވައްމުލައް ހޮސްޕިޓަލުގެ އާ އިމާރާތުގެ ކުރެހުން ވަނީ ވަނި އާއްމުކޮށްފައެވެ. ނަމވެސް އެ ހޮސްޕިޓަލް އެޅުމުގެ މަސައްކަތް ގޮސްފައިވާ ހިސާބެއް އަދި ހާމައެއް ނުކުރެއެވެ.
ޚިޔާލުތައް