އަލިފް ފުވައްމުލަކު ސިޓީގެ އެތެރޭގެ މަގުތަކުގައި ތާރުއެޅުމުގެ މަޝްރޫއުގެ ދެވަނަ ފިޔަވަހީގެ މަސައްކަތް ވެސް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ އާ ހަވާލުކޮށްފިއެވެ. މިމަސައްކަތް އެމްޓީސީސީ އާއި ހަވާލުކޮށްފައިވަނީ 730 ދުވަހުގެ ތެރޭ ނިންމުމަށް 255 މިލިއަން ރުފިޔާއަށެވެ. މިމަސައްކަތާއި ހަވާލުވުމުގެ އެއްބަސްވުމުގައި ސޮއިކޮށްފައިވަނީ މިއަދުގައެވެ.
މިމަސައްކަތާއި އެމްޓީސީސީއާ ހަވާލުކުރުމުގެ ގޮތުން ޕްލޭނިން މިނިސްޓްރީގައި މިއަދު ބޭއްވި ރަސްމިއްޔާތުގައި ވަނީ އެ ކުންފުންޏާ އެކު އެއްބަސްވުންތަކުގައި ސޮއިކޮށްފަ އެވެ. އެ އެއްބަސްވުންތަކުގައި މިނިސްޓްރީގެ ފަރާތުން ސޮއިކުރެއްވީ ޑިރެކްޓަރު ޖެނެރަލް ފާތިމަތު ޝާނާ ފާރޫގެވެ. އަދި އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ ސީއީއޯ އާދަމް އާޒިމެވެ.
އަދި 71،164 އަކަ މީޓަރުގެ ދުއްވާ ސަރަހައްދުގައި ތާރު އެޅުމާއި 633 މަގު ބައްތި ހަރު ކުރުމާއި މަގުމަތީ ނިޝާން ހަރު ކުރުމާއި ކަފިހި ހުރަސް ކުރެހުމާއި ސްޕީޑް ބްރޭކަރު ހަރު ކުރުމުގެ މަސައްކަތް ހިމެނޭ ކަމަށެވެ. މި މަޝްރޫއު ފެށުމަށް ހަމަޖެހިފައިވަނީ އެންވަޔަރަމަންޓަލް އިމްޕެކްޓްސް އެސެސްމަންޓް ހަދައިފައެވެ.
ފުވައްމުލަކުގެ އެތެރޭގެ މަގުތައް ހެދުމުގެ މަޝްރޫއުގެ ދެވަނަ ފިޔަވަހީގައި މިއަދު އެމްޓީސީސީއިން ސޮއިކޮށްފައިވާ އިރު ފުވައްމުލަކު އެރެތޭގެ މަގުހެދުމުގެ ފުރަތަމަ ފިޔަވަހީގެ މަސައްކަތް އަދިވެސް ވަނީ ނުނިއެވެ. އެމްޓީސީސީއިން ކުރިއަށް ގެންދާ އެމަސައްކަތް ނިންމުމަށް ތަފާތުގެ އެކި ތާރީޚުތައް އެތަކެއްފަހަރު ވަނީ ދީފައެވެ. 2019 ވަނަ އަހަރު ޖުލައި މަހު 730 ދުވަހުން ނިންމުމަށް ހަވާލުކުރެވުނު އެމަސައްކަތް ކުރިއަށް ނުގޮސް ގިނަ ބައެއްގެ ޝަކުވާއާއި ކުރިމަތިވުމުން 2021 ވަނަ އަހަރު ނޮވެމްބަރު މަހު ނިންމާނެ ކަމަށް އެމްޓީސީސީއިން ހާމަކުރިނަމަވެސް އެހާހިސާބަށް އެމަސައްކަތް ނިންމިފައެއް ނުވެއެވެ. އެއަށް ފަހު ތަފާތު އެކި ތާރީޚު ދިނުމަށްފަހު 2023 ވަނަ އަހަރު ޖެނުއަރީ މަހަށް ނިންމާނެކަމަށް ބުންޏެވެ. އެއަށްފަހު، މިހިގާ ޖުލައި މަސް ނިމުމުގެ ކުރިން ނިންމާނެ ކަމަށްވެސް އެމްޓީސީސީއިން ހާމަކޮށްފައިވާ ކަމަށް އިތުބާރު ހުރި ފަރާތަކުން މިކަލް ނޫހަށް ކަށަވަރުކޮށްދިނެވެ. ނަމަވެސް، އެމަސައްކަތް މިހާރު ހިގާ ސްޕީޑަށް ބަލާއިރު ޖުލައި މަސް ނިމުމުގެ ކުރިން ނިމޭނެކަމަށް ލަފައެއްނުކުރެވެއެވެ.
ޚިޔާލުތައް