ޞާލިޙް މޯލްޑިވްސް ކަސްޓަމްސް ސަރވިސްގެ ނަމުގައި ސްކޭމް މެސެޖްތަކެއް ދައުރުކުރަމުންދާތީ ސަމާލުވުމަށް އެދިއްޖެއެވެ.
ކަސްޓަމްސް އިން މިއަދު ބުނެފައިވަނީ އެ އިދާރާއަށް ޕޭމަންޓެއް ދައްކަން ކަމަށް ބުނެ، އެސްއެމްއެސް މެދުވެރިކޮށް ލިންކެއް ފޮނުވައިގެން ސްކޭމެއް ހިންގަމުންދާކަން އެނގިފައިވާ ކަމަށާއި އެކަން ކުރަނީ އެމްއެޗްސީއެލް ކިޔާ ގޮތް ނޭނގޭ ފަރާތަކުން މެސެޖުތަކެއް ފޮނުވައިގެން ކަމަށެވެ.
މިކަމާ ގުޅިގެން ކަސްޓަމްސްއިން ކޮށްފައިވާ ޕޯސްޓެއްގައި ބުނެފައިވަނީ އެ އިދާރާގެ އެއްވެސް ޕޭމަންޓެއް ދެއްކުމަށް އެދި ލިންކަކާއެކު އެސްއެމްއެސްއެއް ނުފޮނުވާނެ ކަމަށާއި ސްކޭމް މެސެޖް ދައުރު ކުރަނީ ކަސްޓަމްސްއަށް ފީ ދައްކާފައިނުވާތީ، ޕޯސްޓު މެދުވެރިކޮށް ޖަހާފައިވާ އޯޑަރު ޑެލިވަރ ނުކުރެވޭނެ ކަމަށް ބުނެކަމަށެވެ.
ރާއްޖޭގައި މިހާރު ސްކޭމްގެ މައްސަލަތައް އިންތިހާއަށް ގިނަވެފައިވާިއރު، އެފަދަ މައްސަލަތައް ބަލަން ހާއްސަ އެންޓި ސްކޭމް ސެންޓަރެއް މިހާރު ފުލުހުން ވަނީ އުފައްދައިފައެވެ. އެ ސެންޓަރުންވެސް ވަނީ ކަސްޓަމްސްގެ ނަމުގައި ފޮނުވަމުންދާ ސްކޭމް މެސެޖުތަކަށް ސަމާލުވުމަށް އާންމުންގެ ކިބައިން އެދިފައެވެ.
ޚިޔާލުތައް