މުހައްމަދު ޝިހާބް ޒުވަންނުންގެ ގްރޫޕަކުން ގުޅިގެން ފާއިތުވި ހުކުރު ދުވަހު ހަވީރު ދަޑިމަގު ފަންނު ސޮފުކޮށްފިއެވެ. މި ގްރޫޕްގެ އިސްކޮށް ހަރަކާތްތެރިވި ސަމާހާ އަޙުމަދު ބުނެފައިވާ ގޮތުން މިއީ ކުޑަކުދިންނަށް ފުވައްމުލަކުގެ އަތިރިމަތި ސާފުކޮށް ބާއްވައިދިނުމުގެ ގޮތުން ކުރިޔަށްގެންދިޔަ ސާފުކުރުމުގެ ހަރަކާތެކެވެ.
ހުކުރު ދުވަހު ހަވީރު ކުރިޔަށްގެންދިޔަ ސާފުކުރުމުގެ މިހަރަކާތުގައި ޒުވާން އަންހެން ކުދިންނާިއ ފިރިހެން ކުދިން ބައިވެރިވެ ގިނަ އަދަދެއްގެ ކުނި އެއްތަނަކަށް ޖަމާކޮށްފައި ވެއެވެ. ސަމާހާ ބުނެފައިވާ ގޮތުން އެމީހުން ވަނީ ގަޑިއެއް ހާއިރު ތެރޭ 50 ބަސްތާ ކުނި އެއްކޮށްފައެވެ. އޭގެތެރޭގައި ގިނައިން ހިމެނެނީ ޕްލާސްޓިކުގެ ބާވަތްތަކާއި ކުޑަކުދިން ޖަހާ ނެޕީއެވެ.
މިގޮތަށް ކުނި ނަގާ ސާފުކުރުމަކީ ދާއިމީ ހައްލެއް ނޫންކަމަށް ބުނެ ކުނި ގޮނުދޮށާއި އަތިރިމައްޗަށް ކުނި ނޭޅުމަށް މިގްރޫޕުން އެދިފައިވެއެވެ.
ފުވައްމުލަކުގައި ވެސް ވެމްކޯއިން ކުނިނެގުނުގެ ޚިދުމަތްދެއެވެ. މިކަމަށް ރެޖިސްޓްރީ ކުރާ ކޮންމެ ގޭ ބިސީއަކުން މަހަކު ދައްކަން ޖެހެނީ 100 ރުފިޔާއެވެ. ވުމާއެކު ރަށުގެ އެކިތަންތަނަށް ކުނި ނާޅައި، ކުނި މެނޭޖުކޮށް ބެލެހެއްޓޭނޭ އިންތިޒާމެއް ފުވައްމުލަކުގައި ފެށިފައިވާ ކަމަށް ބެލިދާނެއެވެ. މިކަމަށ ްބޭނުންވަނީ ރައްޔިތުންގެ ހޭލުންތެރިކަމާއި އެއްބާރުލުމެވެ.
މުޅިރާއްޖެ ސާފުކުރުމުގެ ޕްރޮގްރާމެއް ސަރުކާރުން ވަނީ ފަށާފައެވެ.
މިއަހަރު ކުރީ ކޮޅު ވެސް ރަށުގެ ޒުވާން ގްރޫޕަކުން މުޅި ފުވައްމުލައް ވަށައިގެންވާ ގޮނުދޮށްތައް ސާފުލުރުމުގެ ޕްރޮގްރާމެއް ވަނީ ހިންގާފައެވެ.
ޚިޔާލުތައް