މުހައްމަދު ޝިހާބް ދުނިޔޭގެ ސިއްހަތު ދުވަސް ފާހަގަ ކުރުމުގެ ގޮތުން ބާވާއް ހަރަކާތުގެ ތެރެއިން މިއަދު، 12 އޭޕްރީލް ވާ ހުކުރު ދުވަހު ހަވީރު 4:00 އިން 6:00، 2 ގަޑިއިރުގެ ވަގުތަކީ ފުވައްމުލަކު ނާއިބު ތުއްތު މަގު(ތާރު މަގު)ގައި ހިނގާފައި އުޅޭ ވަގުތެއް ކަމުގައި ފުވައްމުލަކު ސިޓީ ކައުންސިލުން ކަނޑައަޅައިފިއެވެ.
އެއާއެކު އެވަގުތުގައި ތާރުމަގުގައި އިންޖީނުލީ އުޅުނދު ދުއްވުން ވަނީ މަނާ ކޮށްފައެވެ.
މިީި “ދުޅަހެޔޮ ސިއްހަތަކަށް އާނއެކޭ ބުނަމާ” މި ޝިއާރުގެ ދަށުން ހިނގާފައި އުޅުމަށް ޚާއްސަ ކުރެވިފައިވާ ވަގުތުކޮޅެކެވެ.
ދުނިޔޭގެ ސިއްހަތު ދުވަހަކީ އޭޕްރީލް މަހުގެ 7 ވަނަ ދުވަސް ކަމުގައި ވެފައި މިފަހަރުގެ އެދުވަސް މިއައީ ރާއްޖޭގެ އާއްމު އިންތިާޚބުގެ ތެރެއަށް ކަމަށް ވުމާއެކު އެދުވަހުގެ މުނާސަބަތުގައި ހިންގާ ތަފާތު ހަރަކާތްތައް މިވަނީ މުޅި އޭޕްރީލް މަހުގެ ތެރެއަ ށްބަހަލެވިފައި ކަމަށް ފުވައްމުލަކު ހޮސްޕިޓަލުން މައުލުމާތު ދެއްވައެވެ.
އެގޮތުން މިއަދު ކަނޑައަޅާފައިވާ ހިނގާފައި އުޅުމުގެ ވަގުތުގައި ވީހާ ގިނަ އާއިލާތަކުން އެކުގައި ތާރުމަގުގައި ހިނގާފައި އުޅުމަށް ފުވައްމުލަކު ހޮސްޕިޓަލުން އެދެއެވެ.
މިވަގުތުގައި ކޮންމެ މީހަކުވެސް އޭނާގެ ހަށިގަނޑުގެ ހެލިފެލިވުން އިތުރު ކުރުމުގެ ގޮތުން ހިގާފައި އުޅުމާއި ކަސްރަތު ކުރުމަކީ އެދެވިގެން ވާ ކަމެކެވެ.
ހިނގާފައި އުޅޭ ވަގުތު: މިއަދު (ހުކުރު، 12 އޭޕްރީލް 2019) ހަވީރު 4:00 – 6:00 އަށް
ތާރުމަގުގައި އިންޖީނުލީ އުޅަނދު ދުއްވުން މަނާ މިއަދު ހަވީރު 4:00 – 6:00 އަށް
ޚިޔާލުތައް