މުހައްމަދު ޝިހާބް މާލޭގައި މިހާރު ކުރިޔަށްދާ “ސީސްޕޯރޓްސް ރާޅު ސީޒަން އޯޕެނިން” ރާޅާ އެޅުމުގެ މުބާރާތުންގެ ކްއާރޓަރ ފައިނަލުން ފުވައްމުލައް ސިޓީގެ 3 ކުއްޖަކު ޖާގަ ހޯދައިފިއެވެ. މި މޭ މަހު 1-4 އަށް މާލޭ ވަރުނުލާ ރާޅުގަނޑުގައި (ބްރިޖް ކައިރީ) ކުރިޔަށްދާ މިމުބާރާތުގައި ފުވައްމުލަކުން ބައިވެރިވެފައި ވަނީ ޖުމްލަ 7 ބައިވެރިންނެވެ.
މިމުބާރާތުގައި މުޅިރާއްޖެއިން 48 ބޮޑީ ބޯޑަރުންގެ ތެރެއިން ކްއަރޓަރ ފައިނަލުން ޖާގަހޯދި ފުވައްމުލަައް ސިޓީގެ 3 ބައިވެރިންނަކީ:
މުހައްމަދު ވިއާމް (ޖޭޑީ) ހޯދަޑު
އަލީ ޒަޔާން (ބެނެޓޭ) ހޯދަޑު
ޝިމާލް ޝަމީމު (ޝިމަލޭ) ހޯދަޑު އެވެ.
ވިއާމު – ވަރުނލާރާޅުގަނޑުގައި ބޯޑޯބޯޑިންގައި
މިމުބާރާތުގައި ބަިއވެރިވި އެންމެ ހަނގު ރާޅާއެޅުންތެރިއަކީ އުމުރުން 13 އަހަރުގެ ޝިމާލް ޝަމީމު އެވެ. އޭނާ ވަނީ މިމުބާރާތުގައި މޮޅު ހުނަރުތަކެއްދައިކައި ކްއަރޓަރ ފައިނަލުން ޖާގަ ހޯދާފައެވެ. އޭނާ ބޮޑީބޯޑިން ގައިބައިވެރިވާން ފެށިތާ އަދި މިވީ 3 އަހަރެއްހާ ދުވަސް ކަމަށް ވެއެވެ.
މިމުބާރާތުގައި ބައިވެރިވުމުގެ ކުރިން މިއަހަރު މަރޗުމަހު ފުވައްމުލަކު ތުނޑީގައި ބޭއްވި ރާޅާއެޅުމުގެ މުބާރާތުން ވިއާމު 1 ވަނަ ހޯދި އިރު 2 ހޯދާފައި ވަނީ ޝިމާލުއެވެ. އަދި އެ މުބާރާތުން 3 ވަނަ ހޯދި ޝިނާޒު މުހައްމަދު އެވެ.
މިމުބާރާތުގައި ބައިވެރިވާ ފުވައްމުލައް ސިޓީގެ 7 ބައިވެރިން
މިހާރު ކުރިޔަށްދާ މުބާރާތް މިއަދު ހަވީރު ނިމޭނެއެވެ.
ސީސްޕޯރޓްސް އިން ސްޕޮންސަރކޮށްފައިވާ މިމުބާރާތުގައި ފުވައްމުލަކުގެ ބައިވެރިންނަށް ފުވައްމުލައް ސިޓީ ކައުންސިލާއި ވޭލި ރެސިޑެންސް އަދި އައިބޭގެ ފަރާތުން ލިބުނު އެހީތެރިކަމަށް ފުވައްމުލައް ސާރފިން އެސޯސިއޭޝަނުން ޝުކުރުވެރިކަމާއެކު ފާހަގަ ކުރެއެވެ.
ޚިޔާލުތައް