ސާއިމް މޫސާ މީގެ އަހަރުތަކެއް ކުރިން ޖުޒާމް ބަލި ޖެހިގެން ފުވައްމުލަކު ކަޅު އަކިރިގަޑު ސަރަހައްދުގައި އެކަހެރި ކޮއްފައި ހުރި ހައްވާދީދީގެ ހަޔާތުގެ މައްޗަށް ޑޮކިއުމެންޓރީއެއް ހަނދަން ފުވައްމުލަކު ދިގުވާނޑު ކައުންސިލުން ނިންމައިފިއެވެ.
މިއަދު މެންދުރު 14:00 ގައި އޮތް ރަސްމިއްޔާތެއްގައި މިޑޮކިއުމެންޓްރީ ހެދުމަށްޓަކައި “އަފަގެ ޕްރޯ” އާއި އެކު ވަނީ އެގްރިމެންޓެއްގައި ސޮއިކޮއްފައެވެ. ސޮއިކުރެވުނު އެގްރިމެންޓުގައި ވާގޮތުން މި ޑޮކިއުމެންޓްރީ ތިން މަސްތެރޭގައި ނިންމަން ޖެހެއެވެ.
މިކަލް ނޫހަށް މައުލޫމާތު ދެއްވަމުން ދިގުވާނޑު ކައުންސިލްގެ މެމްބަރ އަލީ ޒާއިދު (ޒައިޑޭ) ވިދާޅުވި ގޮތުގައި މިފަދަ ތާރީހީ ހަދިސާ އެއްގެ މައްޗަށް ޑޮކިއުމެންޓްރީ އެއް ހެދުމުގެ މަޤްސަދަކީ، ހައްވަދީދީގެ ވާހަކަ ދުވަހުން ދުވަހަށް ފަނޑު ވަމުން ދާތީ، ކުރިއަށް އޮތް ޖީލުތަކަށް އެ ވާހަކަތަށް އޭގެ އަސްލާ އެއްގޮތަށް ގެންގޮސް ދިނުން ކަމަށެވެ.
“ހައްވާދިދީ ކައިވެނި ބައްލަވައިގެންނެވި މުސާ ދީދީ އަދިވެސް ދުނިޔޭގައި އެބަހުންނެވި، މި ޑޮކިއުމެންޓަރީ ހަނދަނީ މުސާ ދީދީ ބޭނުން ކޮއްގެން، މޫސާ ދީދީ މަރުވެއްޖެ ނަމަ މިވާހަކަތަށް ކުރިޔަށް އޮތް ޖީލުތަކަށް އޭގެ އަސްލާ އެއްގޮތަށް ގެނެސްދޭނެ މީހަކު ނުހުންނާނެ” ޒައިޑޭ ވިދާޅުވިއެވެ.
ހައްވާދީދީ ގެ ހަޔާތުގެ މައްޗަށް ހަދާ މި ޑޮކިއުމެންޓްރީ އަކީ ފުވައްމުލަކު ދިގުވާނޑު ކައުންސިލުން ގާއިމް ކޮއްފައިވާ ޕަބްލިކް ލައިބްރަރީއަށް ހަދާ ޑޮކިއުމެންޓްރީއެއް ކަމަށް ދިގުވާނޑު ކައުންސިލުން މައުލޫމާތު ދެއްވައެވެ.
ޖުޒާމު ބަލި އަކީ ހަށިގަނޑުގެ ޙިއްސުތަކަށް ހަމަލާދޭ މައިކޮބެކްޓީރިއަމް ލެޕްރާ ކިޔާ ޖަރާސީމެއްގެ ސަބަބުން ޖެހޭ ބައްޔެކެވެ. މި ބައްޔަކީ ގައިން ގަޔަށް އަރާ ބައްޔެކެވެ. އެހެން ކަމުން ކަޅު އަކިރިގަޑުގައި ހައްވާދީދީ ބެހެއްޓީ ރަށުގެ އިތުރު ބަޔަކަށް މި ބަލި ޖެހުމުގެ ފުރުސަތު ނުދިނުމުގެ ގޮތުންންނެވެ.
ޚިޔާލުތައް