މުހައްމަދު ޝިހާބް ފުވައްމުލައް ސިޓީ ކައުންސިލްގެ ބެލުމުގެ ދަށުގައި އޮންނަ އަންހެނުންގެ ތަރައްގީއަށް މަސައްކަތް ކުރާ ކޮމެޓީގެ ފުވައްމުލަކު ދެކުނު ދާއިރާގެ މެންބަރު އިސްތިއުފާދިނުމާއި ގުޅިގެން އަލުން މެންބަރަކު އިންތިޚާބުކުރުމަށް އިއުލާންކޮށްފިއެވެ.
ފާއިތުވި ޑިސެމްބަރު މަހު ދެކުނު ދާއިރާއިން އަންހެނުންގެ ކޮމެޓީއަށް 3 އަހަރު ދުވަހަށް އިންތިޚާބުވެ އެމަގާމުގައި ހުރީ ފުނާޑު އަވަށު ހިއްސާ، މަރިޔަމް ހަސީނާއެވެ. އެނާއަކީ މިދައުރުގެ ކޮމެޓީގެ ނާއިބު ރައީސާ ވެސް މެއެވެ. ހަސީނާ މަގާމުން އިސްތިއުފާ ދިން ވަކި ސަބަބެއް އެނގިފައެއް ނުވެއެވެ.
މިއިންތިޚާބުގައި ވާދަކުރަން އެދޭ މީހުން މިއަދު 4 ނޮވެމްބަރު 2019 ގެ މެންދުރު 2:00 ގެ ކުރިން ސިޓީ ކައުންސިލަށް ހުށަހަޅަން ޖެހެއެވެ. މިއިންތިޚާބު ބޭއްވުމަށް ހަމަޖެހިފައިވަނީ އަންނަ ނޮވެމްބަރު މަހު 16 ވާ ހޮނިހިރު ދުވަހުގެ ހެނދުނު 9:00 ން ހަވީރު 4:00 އަށެވެ.
ފާއިތުވި 2018 ވަނަ އަހަރު ޑިސެމްބަރު މަހުގެ ތެރޭގައި ބޭއްވި ފުވައްމުލައް ސިޓީ އަންހެނުންގެ ތަރައްގީއަށް މަސައްކަތް ކުރާ ކޮމެޓީގެ އިންތިޚާބުގައި އެންމެ ވާދަވެރިކަން ބޮޑުވެގެން ދިޔައީ ދެކުނު ދާއިރާގެ އިންތިޚާބެވެ. އެ އިންތިޚާބުގައި ދެކުނު ދާއިރާގެ ގޮނޑިއަށް 7 ކެންޑިޑޭޓުން ވާދަކުރިއެވެ.
ހަސީނާ ކޮމެޓީ މެމްބަރު ކަމަށް ހޮވުނީ އެންމެ ކައިރިން ވާދަކުރި ދޫނޑިގަމު އަވަށު ތީރު، ޝަކީލާ އަލީ ދީދީ އަށް ވުރެ 2 ވޯޓު އިތުރަށް ލިބިގެންނެވެ.
2018ގެ ޑެސެމްބަރު މަހު ބޭއްވި ފުވައްމުލައް ސިޓީ ދެކުނު ދާއިރާގެ އަންހެނުން ކޮމެޓީގެ އިންތިޚާބުގެ ނަތީޖާ
ފުވައްމުލައް ސިޓީ އަންހެނުންގެ ކޮމެޓީގެ ރައީސާއަކީ އުތުރު ދާއިރާއިން އިންތިޚާބުވި އާސިފާ އިބްރާހިމް އެވެ.
ޚިޔާލުތައް