މުހައްމަދު ޝިހާބް ފުވައްމުލައް ސިޓީގައި ކޮމިއުނިޓީ ސޯޝަލް ގްރޫޕެއް ހިންގުމަށް ތައްޔާރުވަމުން އެބަ އާދެއެވެ. މީި ގެންޑަމިނިނސްޓރީގެ އިސްނެންގެވުމުގެ ދަށުން ކުރިޔަށްގެންދެވޭ ހަރަކާތެއްކެވެ.
މިގޮތުން ކޮމިއުނިޓީ ސޯޝަލް ގުރޫޕުތައް ހިންގާ ކުރިއަށް ގެންދާނެ ގޮތްތަކާ ބެހޭގޮތުން މަޝްވަރާކުރުމަށް ފުވައްމުލައް ސިޓީ ހިންގުމާ ހަވާލުވެގެން ތިއްބެވި އިސް ބޭފުޅުންގެ ޚިޔާލު ހޯދުމުގެ މަޝްވަރާ ބައްދަލުވުމެއް އިއްޔެ ހަވީރު ސިޓީ ކައުންސިލްގައި ބާއްވާފައި ވެއެވެ. މިބައްދަލުވުން ލީޑް ކުރައްވާފައި ވަނީ ޖެންޑާރ މިނިސްޓްރީގެ ސްޓޭޓް މިނިސްޓަރ ޒިފްލީން ހަސަން އެވެ.
މި ބައްދަލުވުމުގައި ފުވައްމުލައް ސިޓީގެ އިސްފަރާތްތަކުގެ ގޮތުގައި ބައިވެރިވެފައިވާ ފަރާތްތަކަކީ ފުވައްމުލައް ސިޓީގެ މޭޔާރ އަބްދުﷲ ފަލާޙް ޝަރީފް އަދި ޑެޕިއުޓީ މޭޔާރ މުހައްމަދު ޟިރާރުގެ އިތުރުން ފުވައްމުލަކު ހޮސްޕިޓަލުން މެނޭޖަރ އަހުމަދު ސައީދު، ފުވައްމުލައް ސިޓީ ޕޮލިސްގެ ފަރާޓުންނާއި ފުވައްމުަލއް ސިޓީގެ ސަރުކާރު ސްކޫލްތަކުގެ ޕްރިންސިޕަލުން ގެ އިތުރުން ފުވައްމުލައް ސިޓީ އަންހެނުންގެ ތަރައްގީއަށް މަސައްކަތް ކުރާ ކޮމިޓީން ބައިވެރިވެފައި ވެއެވެ.
ފުވައްމުލަކު ކޮމިއުނިޓީ ސޯޝަލް ގުރޫޕުގެ މައިގަނޑު މަޤްސަދަކީ، ފުވައްމުލަކުގައި ދިރިއުޅޭ ފަރާތްތަކުގެ ތެރެއިން، އަޅާލުމާއި އެހީތެރިކަން ފޯރުކޮށްދޭނެ ފަރާތެއް ނެތި ބާކީ ވެފައިވާ ފަރާތްތަކަށް ބޭނުންވާ އެހީ ފޯރުވައިދިނުމާއި، ކުށުގެ ވެށްޓަށް ހުށަހެޅޭ ޒުވާނުން އެކަމުން ދުރުކުރުވާ ކުށް މަދުކުރުމަށް މަސައްކަތްކޮށް، ރަށުގެ ތިމާވެށި ރައްކާތެރި ކުރުމަށް ކުރަންޖެހޭ މަސައްކަތްތަކާއި، ރަށުގެ ސާފުތާހިރުކަމާއި، އާންމު އިޖްތިމާޢީ ޙާލަތު ރަގަޅު ކުރުމަށް ހިލޭ ސާބަހަށް މަސައްކަތް ކުރުން ކަމަށް ފުވައްމުލައް ސިޓީ ކައުނސިލުން ހާމަކުރައްވާފައި ވެއެވެ.
ޚިޔާލުތައް