މުހައްމަދު ޝިހާބް ހަވިއްތަ ފުޓްސަލް ޗެލެންޖު ނަމުގައި ހޯދަޑު ސްޕޯޓްސް އިން ފުޓްސަލް މުބާރާތެއް ބާއްވަން ތައްޔާރުވެއްޖެއެވެ. މިމުބާރާތުގެ ކުޅުން ފެށުމަށް ހަމަޖެހިފައި ވަނީ މާދަމާ، 19 ޖޫން 2020 ހުކުރު ދުވަހުގެ ރޭގައެވެ.
މިމުބާރާތުގައި 12 ޓީމަކުން ވާދަކުރެއެވެ. އެއީ ދަޑިމަގުން 5 ޓީމާއި ހޯދަޑުން 3 ޓީމުގެ އިތުރުން ދިގުވާޑުން ޓީމަކާއި، މިސްކިތްމަގު ޓީމަކާއި، ފުނާޑުން ޓީމެއް އަދި މާލެގަމުން ޓީމެކެވެ.
މުބަރާތް އިންތިޒާމު ކޮމެޓީެގ މެމްބަރު އަލީ ހަސަން އާއި ހަވާލާދެއްވައި މިކަލް ނޫހަށް މައުލޫމާތު ލިބިފައިވާ ގޮތުގައި މިމުބާރާތުގެ ކުޅުން ކުރިޔަށްގެންދނީ ހޯދަޑު ފުޓްސަލް ކޯޓުގައި މިމަހު 19 އިން ފެށިގެންނެވެ. ކޮންމެ ރެއަކުވެސް 3 މެޗު ކުޅޭގޮތަށް ހަމަޖެހިފައިވާ ކަމާއި ފުރަތަމަ މަޗު ފަށާނީ 20:15 ގައި ދެވަނަ މެޗު 21:15 ގައި އަދި ފަހު މެޗު 22:15ގައި ކަމަށެވެ.
ހަވިއްތަ ފުޓްސަލް ޗެލެންޖެ 2020 – ހޯދަޑު ސްޕޯޓްސް
ރޭގައި ވަނީ މުބާރާތުގެ ގުރުއަތުލުން ބާއްވާފައެވެ. އެގޮތުން މުބާރާތުގައި ބައިވެރިވި 12 ޓީމު ވަނީ 3 ގްރޫޕަކަށް ގުރުއަތުން ބަހާލާފައެވެ. ގްރޫޕް ސްޓޭޖުަގއި ކޮންމެ ގުރޫޕަކުން އެންމެ ގިނަ ޕޮއިންޓް ހޯދާ ދެ ޓީމަކާއި އެންމެެ މޮޅު 3 ވަނަނައިގެ 2 ޓީމެއް ކުއާޓާ ފައިނަލަށް ދާގޮތަށް ވަނީ ރޭވިަފއެވެ. ގުރުތަމަ ބުރު ނޫން ހުރިހާ ބުރެއްވެސް ކުޅެނީ ނޮކްއައުޓު އުސޫލުން ކަމަށް ވެއެވެ.
މި މުބާރާތުގައި ދޫނޑީގަމު އަވަށުގެ ޓީމެއް ފެނިގެން ނުދިޔައީ ބެލެވޭ ގޮތުން މިދުވަސްކޮޅު ދޫނޑިގަމު އަވަށު ޓީމުތަކުގެ މެދުގައި މުބާރާތެއް ކުޅެވެމުންދާތީއެވެ.
މީގެ އަހަރުތަކެއް ކުރިން، 1990 ގެ އަހަރުތަކުގައި ހޯދަޑު އަވަށުގައި ވަރަށް ފޯރިއާއެކު ހަވިއްތަ ކަޕުގެ ނަމުގައި އަވަށު ޓީމުތަކުގެ މެދުގައި ފުޓުބޯޅަަ މުބާރާތްތައް ކުރިޔަށް ގެންގޮސްފައި ވެއެވެ. އެދުވަސްވަރު ރާއްޖެއަށް ފުޓްސަލް ތައާރަފުވެފައެއް ނުވެއެވެ. އެމުބާރާތްތައް ގިނައިން ބާއްވާފައި ވަނީ ދެއީދުގެ ދުވަސްތަކާއި ދިމާކޮށެވެ.
ހޯދަޑުގައި އަޅާފައިވާ ފުޓްސަލް ދަނޑު
ޚިޔާލުތައް