އިބްރާހިމް ލަތީފް މާލެގަން ފުޓްސަލް ޗެލެންޖް 2020 ގައި އިއްޔެ ކުރިއަށްދިޔަ ކުއާޓާ ފައިނަލް މެޗުތަކުން ހޯދަޑު ސްޕޯޓްސް އާއި އެފް ސީ ދިގުވާނޑާއި ކުރުބާ އެފްސީ އާއި އެފްސީ ދަޑިމަގު މޮޅުވެ ސެމީ ފައިނަލަށް ދަތުރުކޮށްފިއެވެ.
އިއްޔެ ކުޅެވުނު ސެމީ ފައިނަލްގެ ފުރަތަމަ މެޗުން ހޯދަޑު ސްޕޯޓްސް މޮޅުވެފައިވަނީ އެފްސީ ފުނާޑިއަންސް އާއި ބައްދަލުކޮށް 7-1 ލަޑުންނެވެ. މިމެޗުގެ މޮޅު ކުޅުންތެރިއަކަށް ހޮވިފައިވަނީ ހޯދަޑު ސްޕޯޓްސްގެ އަހުމަދު އަޔާޒެވެ.
އިއްޔެ ހަވީރު ކުޅެވުނު ދެވަނަ މެޗުން އެފްސީ ދިގުވާނޑު މޮޅުވެފައިވަނީ ރަސްގެފަންނު އެފްސީ އާއި ވާދަކޮށް 7-0 ލަޑުންނެވެ. މިމެޗުގެ މޮޅު ކުޅުންތެރިއަކަށް ހޮވިފައިވަނީ އެފްސީ ދިގުވާޑުގެ އަހުމަދު ޝަރަފެވެ.
ސެމީ ފައިނަލްގެ 3 ވަނަ މެޗުގައި ކަންމަތި ސްޕޯޓްސް އާއި ވާދަކޮށް ކުރުބާ އެފްސީ މޮޅުވެފައިވަނީ 6-1 ލަޑުންނެވެ. މިމެޗުގެ މޮޅު ކުޅުންތެރިއަކަށް ހޮވިފައިވަނީ ކުރުބާ އެފްސީ ގެ އިބްރާހިމް ޝިނާޒެވެ.
ސެމީ ފައިނަލްގެ ފަހު މެޗުގައި އެފްސީ ދަޑިމަގު މޮޅުވެފައިވަނީ އެފްސީ ދޫޑިގަލާނޯ އާއި ވާދަކޮށް 5-2 ލަޑުންނެވެ. މިމެޗުގެ މޮޅު ކުޅުންތެރިއަކަށް ހޮވުނީ އެފްސީ ދަޑިމަގުގެ އަލީ ހާފިޒެވެ.
ޚިޔާލުތައް