ރާއްޖޭގެ 62 ވަނަ ޤައުމީ ޓޭބަލް ޓެނިސް މުބާރާތުގެ ޒުވާން އުމުރުފުރައިގެ ރަން ވަނަތަކެއް ފުވައްމުލަކު ސިޓީގެ މުޙައްމަދު ޒާޢިމް އަޙްމަދު ހޯދައިފިއެވެ. ނިމިދިޔަ ގައުމީ ޓޭބަލް ޓެނިސްގެ 13 އަހަރުންގެ ދަށުގެ ޗެމްޕިއަންކަމާއި 15 އަހަރުން ދަށުގެ ފިރިހެން ޑަބަލްސް ޗެމްޕިއަންކަމާއި، 15 އަހަރުން ދަށުގެ ފިރިހެން ސިންގަލްސް ސެކަންޑް ރަނަރަޕްގެ މަގާމުގެ އިތުރުން އެސޯސިއޭޝަން ޗެމްޕިއަންޝިޕް 2024ގެ 15 އަހަރުން ދަށުގެ ފިރިހެން ސިންގަލްސް ރަނަރަޕް އާއި 15 އަހަރުން ދަށުގެ ފިރިހެން ޑަބަލްސް ރަނަރަޕްކަމާއި، 13 އަހަރުން ދަށުގެ ފިރިހެން ސިންގަލްސް ރަނަރަޕްކަންވެސް ޒާއިމް ހޯދިއެވެ.
ފުވައްމުލަކު ސިޓީ ޓީޓީ ސެންޓަރުގެ ޔޫތު ޑިވެލޮޕްމަންޓް ޕްރޮގްރާމްގެ ދަށުން ޓޭބަލް ޓެނިސް ތަމްރީނު ފުރިހަމަކުރަމުންދާ މުޙައްމަދު ޒާޢިމް އަޙްމަދު ވަނީ ޖޫނިއާ ލެވެލްގައި ރާއްޖެ ތަމްސީލުކޮށްފައެވެ.
ޚިޔާލުތައް