ހޯދަޑު ސްްޕޯރޓްސް އިން 'ވަގުތު' ފުޓްސަލް މުބާރާތުގައި މިރޭ ކުޅެނީ

ޓީމުގެ ކޯޗު ވަނީ ކުޅުންތެރިންނާއި ޖޯޒި ހަވާލުކޮށް ދީފައެވެ

މުހައްމަދު ޝިހާބް

12/07/2019 - 19:01

އައްޑޫ ސިޓީ މަނިކް ސްްޓޭޑިއަމްގައި މިރޭ ފެށުމަށް ހަމަޖެހިފައިވާ ‘ވަގުތު ފުޓްސަލް ޗެލެންޖް’ މުބާރާތުގައި ފުވައްމުލައް ސިޓީން ބައިވެރިވެފައިވާ ހަމައެކަނި ޓީމު ކަމަށްވާ ހޯދަޑު ސްޕޯރޓްސް ގެ ޓީމުގެ ފުރަތަމަ މެޗު މިރޭ ކުޅޭނެއެވެ.

މުބާރާތުގެ 2 ވަނަ މެޗުގައި ހޯދަޑު ސްޕޯރޓްސްގެ ޓީމުން ވާދަކުރާނީ ވަން އެންޑް އޮންލީ ރީތި ރަށުގެ ޓީމާއެވެ. މިމެޗު ފެށުމަށް ހަމަޖެހިފައި ވަނީ މިރޭ (ހުކުރު ދުވަހުގެ ރޭ) 10:00 ގައެވެ.

ހޯދަޑު ސްޕޯރޓްސް ގެ 2 ވަނަ މެޗު އޮންނާނީ 16 ވަނަ ދުވަހުގެ ރެއެވެ. އަދި 3 ވަނަ މެޗު 17 ވަނަ ދުވަހުގެ ރެއެވެ.

މިމުބާރާތުގެ މެޗުތައް ކުޅެނީ މުޅިންވެސް ރޭގަނޑުގައެވެ. ރާވާފައިވަނީ ކޮންމެ ރެއަކުވެސް 3 މެޗު ކުޅޭ ގޮތަށެވެ.

މިމުބާރާތުގައި 16 ޓީމަކުން ވާދަކުރެއެވެ. އަދި ފުރަތމަ ބުރުގައި ޓީމުތައް ވާދަކުރާނީ 4 ގްރޫޕެއްގައެވެ. އެގޮތުން ހޯދަޑު ސްޕޯރޓްސް ހިމެނެނީ ގްރޫޕް ބީގައެވެ. ދެން އެގްރޫޕްގައި ހިމެނެނީ ފްރެންޑްސް ކްލަބާއި ޑީސީ ސްޕޯރޓްސް އެވެ. މުބާރާތުގެ ދެވަނަ ބުރަށް ދާނީ ކޮންމެ ގްރޫޕަކުން ވެސް ކުރި ހޯދާ ދެޓީމެކެވެ.

ފާއިތުވި އަހަރު ބޭއްވި މިމުބާރާތުގައި ވެސް ހޯދަޑް ސްޕޯރޓްސް އިން ބައިވެރިވެ ދެވަނަ ބުރަށް ދަތުރުކޮށްފައި ވެއެވެ.