މުހައްމަދު ޝިހާބް މިހާރު ކުރިޔަށްދާ ފުވައްމުލައް ސިޓީ ކައުންސިލް ބެޑްމިންޓަން މުބާރާތް 2019 ގައި އިއްޔެ އާއި ރޭ ކުޅުން ގްރޫޕް ސެޓޭޖުގެ ފަހުމެޗުގައި ވަރުގަދަ އެފްސީސީ ރިކްރިއޭޝަންގެ މައްޗަށް 4 ޓައި 3 ޓައިން ކުރިހޯދައި މުބާރާތުގެ ފައިނަލަށް ފުވައްމުލަކު ހޮސްޕިޓަލުގެ ޓީމު ދަތުރުކޮށްފިއެވެ. މިމެޗަސް ނުކުތް އިރުވެސް އެފްސީސީ ރިކްރިއޭޝަން އޮތީ ފައިނަލުގެ ޖާގަ ޔަގީން ވެފައެވެ.
މި މެޗަށް ނުކުތް އިރުވެސް މެޗުން މޮޅުވެގެން ނޫނީ ފުވައްމުލައް ހޮސްޕިޓަލްގެ ޓީމަށް ފައިނަލުން ޖާގަ ނުލިބޭނެ ކަން އެނގެއެވެ. މެޗުން ބަލިވެއްޖެ ނަމަ ޓައިތަކުގެ ތަފާތުން ލިޓަސް-ފުވައްމުލައް ޓީމާއި ކުރި ލިބި ފައިނަލަށް ދިއުމުގެ ފުރުސަތު އޮތުމުންނެވެ.
މުބާރާތުގައި އެނެމެ ވަރުގަދަ ކަމަށް ފެނުނު އެފްސީސީ ރިކްރިއޭޝަން ރޭގެ މެޗުން ބަިލިވިޔަސް ފައިނަލުގައި ކުޅޭނެ.
ރޭގެ މޮޅާއެކު ފައިނަލުގައި މާދަމާ، 17 އޮކްޓޯބަރ 2019 ގެ ހަވީރު ބައްދަލުކުރާނީ އެފްސީސީ ރިކްރިއޭޝަން އާއި ފުވައްމުލަކު ހޮސްޕިޓަލުގެ ޓީމެވެ. މިދެޓީމު ވެސް މުބާރާތުގައި ބަލިވެފައި ވަނީ އެއްމެޗުންނެވެ.
ހަވީރު 3 ޓައި އަދި ރޭގނަޑު 4 ޓައި ކުޅޭ މި މުބާރާތުގެ ފައިނަލްގެ ސެޓްތައް ކުޅޭނީ 21 ޕޮއިންޓަށެވެ.
ފައިނަލް މެޗު މާދަމާ ހަވީޜާއި ރޭގނަޑު ކުޅޭނެ.
ޚިޔާލުތައް