އެފްސީ ދޫނޑިގަލޯނާއާއި އެފްސީ ދަޑިމަގު ސެމީ ފައިނަލަށް

ފވމ ޔޫތު ފުޓްސަލް މުބާރާތް 2019، މެޗު 13: ދަޑިމަގު ބީޓީ އެފްސީ ދޫނޑިގަލޯނާ ބައްދަލުކުރި މެޗު

މުހައްމަދު ޝިހާބް

31/10/2019 - 06:26

މިހާރު ކުރިޔަށްދާ ފުވައްމުލައް ޔޫތު ފުޓްސަލް މުބާރާތުގެ ސެމީ ފައިނަލަށް އެފްސީ ދޫނޑިގަލޯނާއާއި އެފްސީ ދަޑިމަގު ހޮވިއްޖެއެވެ. ގްރޫޕް ސްޓޭޖުގައި އެއް ގްރޫޕެއްގައި ހިމެނުނު މިދެޓީމު ސެމީ ފައިނަލަށް ދިޔައީ އިއްޔެ ކުޅެވުނު ކްއާޓަރ ފައިނަލު މެޗުން މޮޅުވެގެންނެވެ. އަނެއްކޮޅުން ސެމީ ފައިނަލުގައި ވާދަކުރަން ޖެހޭނީ މިދެޓީމެވެ. ގްރޫޕް ސްޓޭޖުގައި މިދެޓީމު ބައްދަލުކުރި މެޗުން 7-0 ން މޮޅުވެފައި ވަނީ އެފްސި ދަޑިަމގު ޓީމެވެ.

ފވމ ޔޫތު ފުޓްސަލް މުބާރާތް 2019، މެޗު 13: ދަޑިމަގު ބީޓީ 3-4 އެފްސީ ދޫނޑިގަލޯނާ

އިއްޔެ ކުޅެވުނު ކްއާޓަރ ފައިނަލް ފުރަތަމަ މެޗުގައި ބައްދަލުކުރީ ދަޑިމަގު ބީޓީ ޓީމާއި އެފްސީ ދޫނޑިގަލޯނާ އެވެ. މިމެޗު 4-3 ން ކާމިިޔާބުކޮށް ސެމީފައިނަލުގެ ޖާގަ ހޯދީ އެފްސީ ދޫނޑިގަލޯނާ ޓީީމެވެ. މިމެޗުގެ މޮޅު ކުޅުންތެރިއަކީ، އެފްސީ ދޫނޑިގަލޯނާ ގެ ޖާރޒީީ ނަމްބަރު 12 މުހައްމަދު ޝުޖާއު އެވެ.

ފވމ ޔޫތު ފުޓްސަލް މުބާރާތް 2019، މެޗު 13: ދަޑިމަގު ބީޓީ 3-4 އެފްސީ ދޫނޑިގަލޯނާ

އިއްޔެ ދެވަނަ މެޗުގައި ދަޑިމަގު ދެޓީމު ކަމަށްވާ އެފްސީ ދަޑިމަގު އާއި ދަޑިމަގު ޖޫނިއަރ ބައްދަލުކުރި މެޗު ނިމުނީ 3-2 ން އެފްސީ ދަޑިމަގު މޮޅުވެގެންވެ. މިމެޗުގެ މޮޅު ކުޅުންތެރިއަކީ، އެފްސީ ދަޑިމަގު ޓީމުގެ ޖާރޒީީ ނަމްބަރު 09 މުހައްމަދު ސާދު ނިޒާރު އެވެ.

މިމުބާރާތުގައި ވާދަކުރި ދަޑިމަގު 3 ޓީމުވެސް ވަނީ ކްއާޓަރ ފައިނަލުގައި ކުޅެފައެވެ.

މިމުބާރާތުގައި ކްއާޓަރ ފައިނަލުގައި ޓީމުތައް ކުޅެން ޖެހޭ ގޮތް ކަނޑައެޅި ގުރުއަތުލައިގެންނެވެ. ކްއާޓަރ ފައިނަލާއި ސެމީ ފައިނަލުގައި ކޮންމެ ދުވަހަކު ކުޅޭނީ ދެމެޗެވެ. މެޗުތައް ފަށާނީ 3:50 އާއި 4:50 ގައެވެ.