މުހައްމަދު ޝިހާބް ދުޅަހެޔޮ ހަށި ހެޔޮ ކަސްރަތު ޕްރޮގްރާމް މިއަހަރަށް ފުވައްމުލައް ސިޓީގައި ނިންމުމުގެ ރަސްމިއްޔަތު ރޭ ބާއްވައިފިއެވެ. މިޕްރޮގްރާމް ނިމުމުގެ ގޮތުން ރޭ ކުރުނދުމާ މާލަމުގައި ބޭއްވި ރަސްމިއްޔަތެއްގައި ބައިވެރިންނަށް ހަނދާނީ ލިޔުން ދީފައި ވެއެވެ.
މިއީ މިސަރުކާރުން ކޮންމެ ރަށެއްގައި ސްޕޯޓްސް ކައުންސިލަރަކު ހަމަޖައްސަވައި އޭނާގެ ބެލުމުގެ ދަށުން ކުރިޔަށްގެންދިޔަ ޕްރޮގްރާމެކެވެ. އެގޮތުން ފުވައްމުލައް ސިޓީގައި ސްޕޯޓްސް ކައުންސިލަރެއްގެ ގޮތުގައި މަސައްކަތް ކުރައްވަމުން ގެންދަވަނީ ދޫނޑިގަމު އަވަށު ހީރާގެ މުސްލިމާ އެވެ.
ދުޅަހެޔޮ ހަށިހެޔޮ ކަސްރަތު ޕްރޮގްރާމް ނިނމުމުގެ ރަސްމިއްޔާތުގައި ބައިވެރިން. ފޮޓޯ: މަސީހު
ކަސްރަތު ޕްރޮގްރާމް ނިންމުގެ ރަސްމިއްޔާތުގެ ޝަރަފުވެރި މެހުމާނު ފުވައްމުލަކު އެއާޕޯޓުގެ މެނޭޖަރު މުޖުތަބާ އަބްދުﷲ (ރައްޔިތު މުޖޭ) ވިދާޅުވީ “މިއީ ރައްޔިތުންނަށް ނުހަނު ބޭނުންތެރި ކަމެއްކަން އެގިގެން ހިގައްޖެ، މިޕްރޮގްރާމް މިހާ ކާމިޔާބު ކަމާއިއެކު ހިންގުމުގައި އިންސްޓްރަކުޓަރ މުސްލިމާ ގެ ހީވާގި މަސަތްކަތަށް ވަރަށް ބޮޑަށް ޝުކުރު ދަންނަވަން” ކަމަށެވެ.
“ކަސްރަތަކީ އިންސާނާގެ ދުޅަހެޔޮ ކަމަށް ކޮންމެހެން ބޭނުންތެރި ކަމަކަށް ވީހިނދު ރައްޔިތުންނަށް އެފުރުސަތު ފަހިކޮށް ދެއްވުމަށް އަދުގެ ސަރުކާރުން މިކަން ހަމަޖައްސަވައި ދެއްވިކަމަށްޓަކައި މިކަމާއި ގުޅުންހުރި ހުރިހާ އިދާރާތަކަށްވެސް ޝުކުރު ދަންނަވަން!” މުޖުތަބާ އިތުރަށް ވިދާޅުވިއެވެ. ޕްރޮގްރާމުގެ ބައިވެރިން ފެންނަނީ ވަރަށް ލޫޅާފަތި ރީތި ޖިންސުއްލަތީފުންގެ ގޮތުގައި ކަމަށް ވެސް މުޖުތަބާ ފާހަނގަ ކުރެއްވިއެވެ.
ދުޅަހެޔޮ ހަށިހެޔޮ ކަސްރަތު ޕްރޮގްރާމް ނިނމުމުގެ ރަސްމިއްޔާތުގައި ބައިވެރިންނަށް ހަނދާނީ ލިޔުން ބައްސަވައި ދެއްވަނީ
މި ރަސްމިއްޔާތުގައި ބައިވެރިންނަށް ހަނދާނީ ލިޔުން ބައްސަވައިދެއްވީ ޝަރަފުވެރި މެހުމާނު އާއި ފުވައްމުލަކު ހޮސްޕިޓަލްގެ މެނޭޖަރު އަހުމަދު ސާއިދު އާއި ފުވައްމުލަކު ޔޫތު ސެންޓަރުގެ ޔޫތު އެސޯސިއޭޓް އަލީ ޝަރީފް އާއި އަންހެނުންގެ ތަރައްގީއަށް މަސައްކަތް ކުރާ ކޮމެޓީގެ ރައީސާ އާސިފާ އިބްރާހިމް އެވެ.
މިއީ ދުޅަހެޔޮ ހަށީހެޔޮ ރައްޔިތެއް ބިނާކުރުމުގެ ގޮތުން ކުރިޔަށް ގެންދިޔަ ޕްރޮގްރާމެކެވެ. މި ކަސްރަތު ޕްރޮގްރާމަށް ފުވައްމުލައް ސިޓީ އިން ބޮޑުތަރުހީބެއް ލިބިފައިވެއެވެ. މިކަސްރަތު ޕްރޮގްރާމުގައި އެއްގަމު ކަސްރަތާއި މޫދު ކަސްރަތު ހިމެނއެވެ. މި ޕްރޮގްރާމްތަކުގައި ގިނަ އިން ބައިވެރިވެފައި ވަނީ އަންހެން ބޭފުޅުންނެވެ. މިޕްރޮގްރާމުގެ 4 ބުރެއް ފުވައްމުލައް ސިޓީގައި ކުރިޔަށް ގެންގޮސްފައި ވެއެވެ.
ދުޅަހެޔޮ ހަށިހެޔޮ ކަސްރަތު ޕްރޮގްރާމް ނިނމުމުގެ ރަސްމިއްޔާތުގައި ޝަރަފުވެރި މެހުމާނާއެކު ބައިވެރިން ފޮޓޯއަކަށް. ފޮޓޯ؛ ރައްޔިތު މުޖޭ
+1
+1
ޚިޔާލުތައް