މުހައްމަދު ޝިހާބް އައު ސިޓީ ކައުންސިލުން އެންމެ އިސްކަންދޭނީ ރަށުގެ މިހާރުގެ ކޮވިޑު-19ގެ ހާލަތުން އަރައިގަތުމަށް މަސައްކަތް ކުރުމަށް ކަމަށް ސިޓީ ކައުންސިލް މެމްބަރު މުހައްމަދު އިސްމާއީލް ވިދާޅުވެއެޖެއެވެ. ރޭ ކުރިޔަށް ދިޔަ ފުވައްމުލައް ސިޓީ އިމްޖެންސީ އޮޕަރޭޝަން ސެންޓަރުގެ ނޫސްވެރިންގެ ބައްދަލުވުމުގައި ކައުންސިލް މެމްބަރު ވިދާޅުވީ އެއީ މޭޔަރުގެ ނިންމުމެއް ކަމަށެވެ.
ކައުންސިލް މެމްބަރުންނާއެކު މަޝްވަރާ ކުރެއްވުމަށްފަހު މޭޔަރު “ވިދާޅުވީ ތިމާ މިކަލް އެންމެ އިސްކަން ދެއްވަންނަ ބޭނުންފުޅުވެ ވަޑައިގަންނަވަނީ ހަމައެކަނި މިކޮވިޑްގެ މަސައްކަތް މިވަގުތެ އިސްކަމެއް ދެރެގެން ވަރަހަ ބާރާށް ކުރިހާ ގިނެގޮހޮ މިކަމެން އަރާގަތުމައްޓަކައި ތިމާމެންނަ ވެވިއެންނަ އޮތް ހުށިހައި މަސައްކަތައް ކެރުމަކީ ތިމާމެންގެ އެންމެ އިސް ވާޖިބު ކަމުގަިއ ދަކިމާވެ” މުހައްމަދު އިސްމާއިލް ހާމަކުރެއްވިއެވެ.
އެ ގޮތުން ކައުންސިލް މެންބަރުންނާއި މަޝްވަރާކުރައްވާފައި ރަށުގެ ޓާސްކްފޯސް އާއި ފުވައްމުލަކު ހޮސްޕިޓަލާއި، ޕޮލިހާއި އެކު ދެ ބައްދަލުވުމެއްގަިއ މަޝްވަރާކުރެވިފައިވާކަމަށް ވިދާޅުވިއެވެ. އެބައްދަލުވުންތަނުން ލިބުނު މައުލޫމާތުގެ އަލީގައި ކަންތައްތައް ހަރުދަނާ ކުރުމަށް ފިވަވަޅުތަކެއް މިހާރުވަނީ އެޅިފައި ކަމަށް ހާމަކުރެއްވިއެވެ.
އެގޮތުން ފާހަގަކުރެވިފައިވާ ކަންކަމަކީ:
- ކާފިއު ގަޑިތަކުގައި އާއްމުން ބޭރުގައި އުޅުން ގިނަކަމާއި،
- ކޮވިޑް އެސްއޯޕީއާއި އެޗްޕީއޭއިން ކަނދައޅާފައިވާ ރައްކާތެރިކަމުގެ އުސޫލުތަކާއި އިރުޝާދުތަކަށް މީހުން ތަބާވުން ކުޑަކަމަށެވެ.
މިކަން ކަން ހައްލުކުރުމުގެ ގޮތުން މީހުން މިކަމަށް ހޭލުންތެރިކުރުވުމުގެ މަސައްކަތް ކުރުމާއި، އަޅާފައިވާ ފިޔަވަޅުތައް ތަންފީޒުކުރެތޯ ބެލުމަށް، މޮނިޓާ ކުރުން އިތުރަށް ހަރުދަނާ ކުރުން ކުރިޔަށް ގެންދިއުމަށް ޕޮލިހާއެކު މަޝްވަރާކުރެވި މިހާރު އެކަންތައްތައް ފެށިފައިވާކަމަށް ހާމަކުރެއްވިއެވެ.
މިކަންތައްތައް މިގޮތަށް ކުރަން ނިންމީ ކޮނެމްހެން ރައްޔިތުންނާއި ދޭތެރޭ ހަރުކަށިފިޔަވަޅު އެޅެމުގެ ގޮތުން ނޫންކަމަށާއި ނަމަވެސް މިހާރުގެ ކޮވިޑްގެ ސީރައަސް ޙާލަތަށް ބަލި ހަރުަކށިފިޔަވަޅުއެ އލަންޖެހިއްޖެ ނަމަ އެޗްޕިއާއާއި މަޝްވަރާކޮށްގެން ފުލް ލޮކްޑައުންއަކަށް ދާންޖެހޭފަދަ ފިޔަވަޅުތަކެއް ވެސް އަޅަން ފަސްނުޖެހޭނެ ކަމަށް ވިދާޅުވިއެވެ.
ސިޓީ ކައުންސިލަރުން ހުވާކުރުމުގެ ދަރުބާރު މާދަމާ 17 މެއި 2021
ނަމަވެސް އެދެނީ އެފަދަ ހާލަތަކަށް ނުގޮސް މީހުން ހޭލުންތެރިކޮށް މިކަމުން އަރައިގަތުން ކަމަށެވެ. އެޗްޕީއޭގެ އިރުޝާދުތަކާއި އެއްގޮތަށް އަމަލުކުރާނަމަ މިކަމުން އަރައިގަތުމަކި މާބޮޑު ކަމެއް ނޫންކަމަށް ދިގުމުއްދަތެއްގައި ކުރިން ފުވައްމުލަކުގެ ސިއްޙީ ދާއިރާގައި މަސައްކަތް ކުރެއްވި މުހައްމަދު އިސްމާލު ވިދާޅުވިއެވެ.
“މިއީ ކުރެވިދާނެ ކަމެއް ކަމުގެ ނަމޫނާ މީގެ ކުރިންވެސް މިރަށުގެ ރައްޔިތުންވަނީ ދައްކުވައި ދީފައި. އަދި ހޮސްޕިޓަލުން އެކުރައްވާ ބުރަ މަސައްކްތަ ބަލައިގަތުމަށް، އހަރެމެން ބޭނުންވަނީ ރައްޔިތުންގެ އެހީތެރިކަމެއް. އެއީ ދެއިރުޝާދާއި އެއްގޮތަށް އަމަލުކުރުން. ފުވައްމުލަކު މެދު ދެކުނު ދާއިރާގެ ކައުންސިލް މެމްބަރު ރައްޔިތުންގެ ކިބައިން އެދިވަޑަގަތެވެ.
ކޮވިޑުން އަރައްިގަތުމަށް ރައްޔިތުންގެ އެއްބާރުލުން މިހާރަށްވުރެ ބޮޑަށް ބޭނުންކަމަށާއި، ރައްޔިތުން ބޭރުތރޭގައި އުޅުން މަދުކުރެވިގެން ނޫނީ މިކަމުގައި އެދެވޭ ނަތީޖާއެއް ނުލިބޭނެ ކަމަށް ކައުންސިލް މެމްބަރު އަބްދުﷲ ނާސިރު ވެސް ވިދާޅުވެއެވެ. އެގޮތުން އެޗްޕީއޭގެ މިންގަޑުތަކަށް ސަމާލުކަން ދިނުމާއި ސީރިއަސް ކަމެއްގެ ގޮތުގައި މިކަންނެގުމާށާއި މިޙާރު މިތިބީ ވަރަށް ވެސް ނާޒުކު ހާލަތެއްގައި ކަމަށެވެ.
ފިހާރަތަކުން ވެސް މިންގަނޑުތަކަށް އަމަލުކުރުމަށް އަބްދުﷲ ނާސިރު އެދިވަޑައިގަތެވެ.
މިވަގުތު ސިޓީ ކައުންސިލުން އިސްކަމެއް ދީގެން ކުރަނީ ކޮވިޑް ކަންކަންތައް ހައްލުމަށް ކުރަން ޖެހޭ އެންމެހައި ކައްނތައްތައް ކުރުން ކަމަށް ހާމަކުރެއްވިއެވެ.
ޚިޔާލުތައް