މުހައްމަދު ޝިހާބް ފުވައްމުލައް ސިޓީގެ ހުރިހާ ސްކޫލެއްގެ އޯލެވެލް ނަތީޖާ ވެސް ވަރަށް ރަނގަޅު ކަމަށް ޏ.އޭއީސީގެ ޕްރިންސިޕަލް އިސްމާއީލު ސައުދުﷲ (ސައުދު) ހާމަކުރައްވައެވެ. މާއްދާތަކުން ފާސްވި އިންސައްތަ އުޅެނީ %70 އިން މަތީގައި ކަމަށް ވިދާޅުވިއެވެ.
މިފަހަރުގެ ނަތީޖާ ތަކަށް ބަލާއިރު ޏ.އޭއީސީ އިން 7 ދަރިވަރަކާއި އެމްޖޭއެސް އިން 9 ދަރިވަރަކު އަދި ހޭޒް އާއި އެފްއެސް އިން 2 ދަރިވަރަކު ގައުމީ ގަދަ 10 ގައި ހިމެނޭކަމަށް ވެސް މިކަލް ނޫހަށް މައުލޫމާތު ދެއްވަމުން ސައުދު ވިދާޅުވިއެވެ. ވުމާއެކު މުޅިއެކު 20 ދަރިވަރަކު މިވަނީ ގައުމީ ގަދަ 10 ގައި ހިމެނިފައެވެ. އެފްއެސްގެ ނަތީޖާގެ އިތުރު މައުލޫމާތު އިތުރަށް ބައްލަވަމުން ގެންދަވާތީ، ފަހުން ހާމަކޮށް ދެއްވާނެކަމަށް ޕްރިންސިޕަލް މުހައްމަދު ފަޔާޒު ވިދާޅުވިއެވެ.
ޏ.އޭއީސީގެ ޕްރިންސިޕަލް އިސްމާއީލް ސައުދުﷲ. އޮންލައިންކޮށް އާއްމުންނަށް މައުލޫމާތު ދެއްވަނީ.
ފުވައްމުލައް ސިޓީއިން 133 ދަރިވަރުން މިއަހަރު ކެމްބްރިޖް އޯލެވެލް އިމްތިހާނު ހަދާފައި ވެއެވެ. އެއީ ޏ.އޭއީސީއިން 58 ދަރިވަރަކާއި، ހާފިޒް އަހުމަދު ސްކޫލް (ހޭޒް) އިން 29 ދަރިވަރަކާއި އެމްޖޭއެސް އިން 31 ދަރިވަރަކާއި ފުވައްމުުލަކު ސްކޫލް (އެފްއެސް) އިން 15 ދަރިވަރެކެވެ.
މިއަދު ރާއްޖޭގެ ސްކޫލްތަކަށް އޯލެވެލް އިމްތިހާނުގެ ނަތީޖާ ލިބިފައިވާއިރު ދަރިވަރުންނަށް ނަތީޖާ ދޫކުރުން ފަށާނީ އަންނަ އާދިއްތަ (15 އޮގަސްޓް 2021) ދުވަހު އެވެ.
އައު ދިރާސީ އަހަރާއި އެކު ދަރިވަރުން ޏ.އޭއީސީއަށް ވަންނަނީ 2021- ޏ.އޭއީސި
ފުވައްމުލައް ސިޓީގެ ގިނަ ސްކޫލްތަކަކުން ޖީސީއީ އޯލެވެލް އިމްތިހާނު ހެދި މިއީ ފުރަތަމަ ފަހަރެވެ. އަލަށް އިމްތިހާނު ހެދީ މިއަހަރު މެއި/ޖޫން މަހު ބޭއްވުނު އޯލެވެލް އެވެ. އެއާއެކު އެއިމްތިހާނުގެ ނަތީޖާ ދެއްކީ ގިނަ ސްކޫލްތަކެއްގައި އޯލެވެލް އިމްތިހާނު ހެދުމަށް ސަރުކާރުން ނިންމި ނިންމުމަކީ ރަނގަޅު ނިންމުމެއްގެ ގޮތުގައި ވަކާލާތު ކުރާ ފަރާއްތަކުގެ ބަސް ކުރިއެރުމަށް ދެއްކޭނެ ހެއްކަކަށް މިކަން ވާނެއެވެ. މީގެކުރިން ފުވައްމުލައް ސިޓީގައި އޯލެވެލް އިމްތިހާނު ހަދަނީ ޏ.އޭއީސީއިން އެކަންޏެވެ. 2018 ވަނަ އަހަރު ފުވައްމުލައް ސިޓީގެ ސަރުކާރު 3 ޕްރައިމަރީ ސްކޫލްގައި ސެކަންޑަރީއަށް ކިޔަވައިދޭން ފަށައި ކެމްބްރިޖް އައިޖީސީއެސްއީ އިމްތިހާނު ހެދި މީއީ ފުރަތަމަ ފަހަރެވެ. މިއީ ފާއިތުވި 2020 ވަނަ އަހަރު ނޮވެމްބަރު މަހު ހަދަން އޮތް އިމްތިހާނެކެވެ. ނަމަވެސް ކޮވިޑް ގެބަންދުތަކާއި ހެދި ލަސްކުރެވި އެންމެ ފަހުން އިމްތިހާނު ހެދީ މިއަހަރު މެއި ޖޫންގައެވެ.
އަދި މިއަހަރު މެއި/ޖޫން މަހު ހަދަންފެށި އޭލެވެލް އިމްތިހާނު ވަނި ދިމާވި މައްސަލަތަކެއްގެ ސަބަބުން އަލުން މިއަހަރު އޮކްޓޯބާ/ނޮވެމްބަރުގައި ހަދާގޮތަށް ވަނީ ލަސްކޮށްފއެވެ.
ޚިޔާލުތައް