މުހައްމަދު ޝިހާބް ފުވައްމުލައް ސިޓީއިން ކޮވިޑް-19 ޖެހުނު 2ވަނަ މީހަކު މިއަދު ނިޔާވެއްޖެއެވެ. އެމީހާ ނިޔާވެފައިވަނީ ސަރހައްދީ ކޮވިޑް ފެސިލިޓީއަށް ބަދަލުކޮށް ފަރުވާ ދެމުން ދަނިކޮށް އައްޑޫ ސިޓީގައެވެ.
މިއަދު ނިޔާވެފައި ވަނީ އިބްރާހިމް ހަސަން (މަރިޔާޒުގެ، އިބްރާހިމް ކަލޯ)، 66 އަހަރު، ލިލެކްވިލާ، ހޯދަޑު އެވެ. އޭނާ އަކީ ކޮވިޑް ބަލީގެ ހައިރިސްކް ކެޓަގަރީ މީހެކެވެ. އައްޑޫ ސިޓީއިން އޭނާގެ ހަށިގަނޑު ފުވައްމުލަކަށް ގެނައުމުގެ މަސައްކަތް ކުރިޔަށް ދާކަމަށް މައުލޫމާތު ލިބިފައިވެއެވެ.
ކޮވިޑް-19ގައި މީގެ ކުރިން (އޮގަސްޓް 3 ގައި) ފުވައްމުލައް ސިޓީއިން ނިޔާވެފައި ވަނީ ވެސް ހޯދަޑު އަވަށު އުމުރުން 94 އަހަރުގެ ފިރިހެނެކެވެ. އެއީ ދުންނިކަގެ މުހައްމަދު ބެއެވެ.
ފުވައްމުލައް ސިޓީ މިވަގުތު އޮތީ ކޮވިޑް މޮނިޓަރިން ހާލަތުގައެވެ. މިވަގުތު އެނެމް ގިނަ ޕޮޒިޓިވް ކޭސްތައް ތިބީ ދިގުވާޑު 30، ހޯދަޑު 26 އާއި ދަޑިމަގު އަދި ދޫނޑިިގަމުގައި 20 އެވެ.
ޚިޔާލުތައް
Mikal news e meehun thankedah sahha mauloomaathu dherebelau hama hithaha eree eythah news e jehumuge badahli …afunge bappa marovee covid mudhatho nimeegoholaa ..adhi facility akaha nun addu equetorial hospital haa …adhias thinmeehunge mauloomaathu sahha ey nun ..balaafey rangalha mauloomaathu rayyithunna aammu kerau