މުހައްމަދު ޝިހާބް ފުވައްމުލައް ސިޓީގައި ވޮކޭޝަނަަލް ޓްރޭނިންގެ 3 ކޯހެއް ފަށަށް މޯލްޑިވްސް ޕޮލިޓެކްނިކް އިން ހުޅުވާލައިފިއެވެ.
މިއަދު ޕޮލިޓެކްނިކުން ހުޅުވާލާފައިވާ ކޯސްތަކަކީ:
ނެޝެނަލް ސެޓްފިކެޓް 3 އިން ޕޭސްޓަރީ އެންޑް ބޭކަރީ
ނެޝެނަލް ސެޓްފިކެޓް 3 އިން ކޮމްޕިއުޓާ ހާޑްވެއާ އެންޑް ނެޓްވޯކިން
ނެޝެނަލް ސެޓްފިކެޓް 3 އިން އިލެކްޓްރިކަލް އިންްސްޓާލޭޝަން އެންޑް މެއިންޓެންނަންސް އެވެ.
މިއީ ގްރޭޑް 8 ގެ ފެންވަރުގެ ހުންނަ މީހުންނަށް ކުރިމަތިލެވޭނެ ކޯސް ތަކެކެވެ. ނުވަތަ މިދާއިރާގައި މަސައްކަތް ކުރާ ފަރާތްތަކަށްވެސް މިކޯހުގައި ބައިވެރިވެވިދާނެއެވެ.
މިކޯސްތަކުގައި ބައިވެރިވުމަށް އެދޭ ފަރާތްތަކުން ކުރިޔަށް އޮތް ނޮވެމްބަރުމަހުގެ 10 ވަނަ ދުވަހުގެ ކުރިން އޮންލައިން ފޯމް ފުރިހަމަކޮށް ފޮނުވަން ޖެހެއެވެ.
ޕޮލިޓެކްނިކްގެ ކޯހުގައި ބައިވެރިވުމަށް އެދޭ ފޯމު
މިކޯސްތަކުގެ ކިޔެވުން ފެށޭނެ ވަކި ތާރީޚެއް ޕިލޮޓެކްނިކުން ހާމަކޮށްފައެއް ނުވެއެވެ.
ފާއިތުވި 2020 ވަނަ އަހަރު ފެބްރުއަރީ މަހުގެ ތެރޭގައި ސަރޓިފިކެޓް 3 އިން ރެޕްރިޖަރޭޝަން އެންޑް އެއަރ ކޮންޑިޝަނިން ކޯހެއް 20 ބައިވެރިންނާއެކު ފުވައްމުލައް ސިޓީގައި ޕޮލިޓެކްނިކުން ކުރިޔަށް ގެންގޮސްފައި ވެއެވެ.
ޓިވެޓް ކޯސްތައް ކުރިޔަށް ގެންދިއުމުގެ މަޝްވަރާ ކޮށްފި.
ފުވައްމުލައް ސިޓީގައި ޕޮލިޓެކްނިކްގެ ކޯސްތައް ކުރިޔަށް ގެންދިއުމުގެ މަޝްވަރާތައް ބާއްވާފައިވާކަމަށް ފުވައްމުލައް ސިޓީ ކައުންސިލުން ހާމަކުރެއެވެ.
ފުވައްމުލައް ސިޓީ ކައުންސިލާއި މޯލްޑިވްސް ޕޮލިޓެކްނިކް އާއެކު އާއި ޕޮލިޓެކްނިކްގެ ކޯސްތައް ފުވައްމުލައް ސިޓީގައި ހިންގުމަށް އެއްބަސްވުމެއް ގާއިމުކޮށްފައި ވެއެވެ. އެއެއްބަސްވުމުގެ ދަށުން ކޯސްތައް ކުރިޔަށްގެންދިއުމަށް ތައްޔާރުވުމުގެ މަޝްވަރާތަކެއް މި އޮކްޓޯބަރު މަހު ތެރޭގައި ފުވައްމުލައް ސިޓީ ކައުންސިލުގައި ބާއްވާފައި ވެއެވެ.
ޚިޔާލުތައް