މުހައްމަދު ޝިހާބް މި އަހަރުގެ “ދުނިޔޭގެ ހަކުރުބަލީގެ ދުވަސް” ޤައުމީ ފެންވަރުގައި ފާހަގަކުރުމަށް ބާއްވާ ހަރަކާތްތަކުގެ ތެރެއިން، ދުވަހާ ގުޅޭގޮތުން ބާއްވާ ރަސްމީ ޖަލްސާ މާދަމާ (14 ނޮވެންބަރ 2021) ދުވަހުގެ ރޭ 20:15 ގައި ހާފިޒް އަޙުމަދު ސްކޫލްގެ ހޯލުގައި ބާއްވަން ތައްޔާރުވެއްޖެއެވެ.
މިޖަލްސާގައި ދުވާހާއި ގުޅޭ ގޮތުން މުހިންމު މައުލުމާތުތަކެއް އާއްމުންނަށް ހާމަކުރެވިގެންދާނެއެވެ. ހަކުރުބަލި އެންމެ އާއްމުކޮށް ޖެހެނީ ދިރިއުޅުމުގެ ވައްޓަފާޅީގެ ގޮތުންނެވެ. އެގޮތުން ހަށިގަނޑަށް ފައިދާހުރި ކާނާއަށް ބެލުމެއްނެތި ކެއުމުގެ ސަބަބުން ހަށިގެނަޑުގެ ބަރުދަން އިތުުރުވެ ހަކުރުގެ މައްސަލަ ކުރިމަތިވުން ހިމެނެއެވެ. އަދި ހަމަ އެގޮތަށް ކަސްރަތު ކުރުން މަދުވުމުން ވެސް ހަކުރުބަލި ޖެހުމަށް މަގުފަިވެއެވެ.
ހަކުރުބަލީގެ މައުލޫމާތު ދޭ ސިމްޕޯސިއަމް
ހަކުރުބައްޔަކީ ރާއްޖޭގައި އެންމެ ބޮޑު ކަންބޮޑުވުން އޮތް ގަިއގަޔަށް ނާރާ އެއްބައްޔެވެ. ބަލީގެ ކުޅިކޮޅު ބަލި ދެނެގަނެވި ބައްޔަށް ސާމަލުވުމަކީ ބަލީގެ ނުރައްކާ ކުޑަކުރެވިގެންދާނެ ކަމކެވެ.
މިރޭގެ ޖަލަސާގައި ބައިވެރިވުމަށް އާއްމުންނަށް ވަނީ ދައުވަތު ހުޅުވާލާފައެވެ. ހަކުރުބައްޔަށް ތިމާގެ ސަމާލުކަން އިތުރުކުމަށް މިރޭގެ ޖަލްސާއިން އިތުރު މައުލޫމާތު ހޯދުމަށް ޖަލްސާއަށް ވަޑައިގެން ބައިވެރުވުމަށް ފުވައްމުލައް ސިޓީ ކައުންސިލުން ވެސް ވަނީ އެދިފައެވެ.
ހަކުރުބަލީގެ ދުވަސް ފާހަގަކުރުމުގެ ގޮތުން މިއަދު ހެނދުނު ފުވައްމުލަކު ތުނޑީގައި ބޭއްވި ބީޗް ކަސްރަތު ހަރާކަތް
މިދުވަސް ގައުމީ ފެންވަރެއްގައި ފާހަގަ ކުރުމުގެ ގޮތުން ތަފާތު ގިނަ ހަރަކާތްތަކެއް މިއަދު ހެނދުނުން ފެށިގެން ފުވައްމުލައް ސިޓީގައި ކުރިޔަށް އެބަގެންދެއެވެ.
އެގޮތުންް މިއަދު ހެނދުނު ބޭއްވި ކަސްރަތު ސެޝަނާއި އެއިގެފަހުން ކުރިޔަށްގެންދާ މެޑިކަލް ކޭންޕް އަދި ދުވަހުގެ ސިމްޕޯސިއަމް ހިމެނެއެވެ.
ހަކުރުބަލީގެ ދުވަސް ފާހަގަކުރުމުގެ ގޮތުން މިއަދުން ފެށިގެން ކުރިޔަށްދާ މެޑިކަލް ކޭމްޕް 2021
ޚިޔާލުތައް