މުހައްމަދު ޝިހާބް މިއަހަރުގެ ދުނިޔޭގެ ހަކުރު ބަލީގެ ދުވަސް ފާހަގަ ކުރުމުގެ ގޮތުން ފުވައްމުލަކު ހޮސްޕިޓަލުން އެހޮސްޕިޓަަލުގައި އެޑްމިޓްކުރެވިފައިވާ ބަލި މީހުންނަށާއި އެދުވަހު ޑޮކްޓަރަށް ދެއްކުމަށް އޯ.ޕީ.ޑީ(އައުޓް ޕޭޝަންޓް ޑިޕާޓްމެންޓް) އަށް ދިޔަ ބަލިމީހުންނަށް ހަދިޔާ ދީފފިއެވެ.
ޑައިބެޓިސް ދުވަހު ފުވައްމުލަކު ހޮސްޕިޓަލުގެ ހަދިޔާ ދިނުން 2021
ފުވައްމުލަކު ހޮސްޕިޓަލުން ބަލި މީހުންނަށް ހަދަިޔާގެ ގޮތުގައި ދީފައިވަނީ މޭވާގެ ގިފްޓް ޕެކަކާއި ހަކުރުބައްޔާއި ގުޅެ މައުލޫމާތު ހިމެނޭ ލީފް ލެޓެކެވެ. މިއީ މިއަހަރުގެ ދުނިޔޭގެ ހަކުރު ބަލީގެ ދުވަސް ފާހަގަ ކުރުމުގެ ގޮތުން އެހޮސްޕިޓަލުން ހިންގި ހަރަކާތުގައި ހިމެނޭ ހަރަކާތްތަކެވެ.
ޑައިބެޓިސް ދުވަހު ފުވައްމުލަކު ހޮސްޕިޓަލުގެ ހަދިޔާ ޕެކް -2021
މިއަހަރުގެ ދުނިޔޭގެ ހަކުރުބަލީގެ ދުވަސް ގައުމީ ފެންވަރެއްގައި ފާހަގަ ކޮށްފައިވަނީ ފުވައްމުލައް ސިޓީގައި މި ނޮވެމްބަރު މަހު 13 އާއި 14، މިދެ ދުވަހުއެވެ. އެދުވަހުގެ ހަރަކާތްތަކުގެ ތެރެއިން ފުވައްމުލަކު ހޮސްޕިޓަލުގައި ހަކުރުބަައްޔަށް ޚާއްސަ ޓެލެމެޑިސިން ކްލިނިކެއް ހުޅުވާފައިވެއެވެ. މިކްލިނިކަކީ ނެޝެނަލް ޑައިބެޓިސް ސެންޓަރުން ހިންގާ ކްލިނިކެކެވެ.
ޑައިބެޓިސް ދުވަހު ފުވައްމުލަކު ހޮސްޕިޓަލުގެ ހަދިޔާ ދިނުން 2021
ހަކުރުބަލީގެ ދުވަހުގެ ގައުމީ ޖަލްސާ ރޭގައި ވަނީ ބާއްވާފައި ވަނީ ހާފިޒު އަހުމަދު ސްކޫލުގައެވެ.
ޚިޔާލުތައް