މުހައްމަދު ޝިހާބް ސްކޫލް ކުދިންގެ މެދުގައި ބާއްވާ ދީނީ ސުވާލު މުބާރާތް މިރޭ ފަށާނެވެ. މިއީ ފުވައްމުލައް ސިޓީ ކައުންސިލުން އިންތިޒާމުކޮށްގެން ފުވައްމުލަކުގެ ސްކޫލްތަކުގެ ކުދިންގެ މެދުގައި ބާއްވާ މުބާރާތެކެވެ.
މިމުބާރާތަށް ދީފައިވާ ނަމަކީ 1444 ވަނަ އަހަރުގެ ސްކޫލްކުދުންގެ ދީނީ ކުއިޒް މުބާރާތް” އެވެ. މުބާރާތް ވަނީ ދެބައަކަށް ބަހާލާފައެވެ. އެއީ ސީނިއާ ބަޔާއި ޖޫނިއާ ބައެވެ. މިރޭ އޮންނާނީ ސީނިއާ ދަރިވަރުންގެ ވާދަކުރުމެވެ.
މިމުބާރާތް އޮންނާނީ މި ރޭ 9:30 ގައި (އޭޕްރީލް މަހު 9) ހާފިޒް އަހުމަދު ސްކޫލުގެ ހޯލުގައެވެ.
ސީނިއާ ބައިގައި ބައިވެރިވެފައިވަނީ ފުވައްމުލަކުގައި ހުންނަ ސަރުކާރުގެ 4 ސްކޫލުންނެވެ. އެއީ؛
ޏ.އަތޮޅު ތައުލީމީ މަރުކަޒު
މުހައްމަދު ޖަމާލުއްދީން ސްކޫލް
ހާފިޒު އަހުމަދު ސްކޫލް
ފުވައްމުލަކު ސްކޫލް
މީގެއިތުރުން މި މުބާރާތުގައި ބައިވެރިވެފައި ވަނީ:
ޒިކުރާ ސްކޫލް އާއި
ބްރައިޓްވޭ އިންޓަނޭޝަނަލް ސްކޫލް، ފުވައްމުލައް އިންނެވެ.
ޚިޔާލުތައް