އަލިފް އަންނަ ސެޕްޓެންބަރު މަހު 9 ވަނަ ދުވަހު ބާއްވާ ރިއާސީ އިންތިޚާބު އެއްބުރުން ނުނިމެއްޖެނަމަ ރާއްޖެ ހަލަބޮލިވެދާނެކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސާލިހު ވިދާޅުވެއްޖެއެވެ. އެމަނިކުފާނު މިހެން ވިދާޅުވެފައިވަނީ ތ. އަތޮޅުރަށްތަކަށް ކުރައްވަމުން ގެންދާ ކެންޕޭނު ދަތުރުފުޅުގައި ތ.ކިބިދޫގައި ބޭއްވި ޖަލްސާގައި ވާހަކަފުޅުދައްކަވަމުންނެވެ.
ކިނބިދޫ ރައްޔިތުން ވެސް ހިޔާލު ތަފާތުވުން އެއް ފަރާތްކޮށް، އިންތިހާބުގައި އެ މަނިކުފާނަށް ވޯޓު ދޭން ރައީސް އެދިވަޑައިގަތެވެ. “އެހެން ނޫން ނަމަ މި ދެވަނަ ބުރަކަށް ގޮސް އަނެއްކާވެސް ބޮޑު ހަލަބޮލި ކަމަކަށް މި ރާއްޖެ ގޮސްދާނެ. އެ ފުރުސަތު ނުދެއްވުން އެއީ ވިސްނަން ޖެހޭ ކަމެއް. އެ އަށް އެނބުރި ގޮއްސިއްޔާ ދެން ވެދާނެ ގޮތް ހީވެސް ނުކުރާނެ،” ރައީސް އިބްރާހިމް މުހައްމަދު ސޯލިހު ވިދާޅުވި އެވެ.
ރިއާސީ އިންތިޚާބުގެ ވޯޓުލުން 10 ވަރަކަށް ދުވަހަށް ކުޑަތަންވެފައިވާއިރު ރިއާސީ ކެންޑިޑޭޓުންތައްދަނީ އެކިރަށްރަށަށް ވަޑައިގެން ބިޔަ ވައުދުތަކެއްވެ ވަޑައިގަންނަވަމުންނެވެ.
ޚިޔާލުތައް