މުހައްމަދު ޝިހާބް އަންނަ އޭޕްރީލް މަހު 4 ގައި ބާއްވާ ލޯކަލް ކައުންސިލް އިންތިޚާބުގެ ފުވައްމުލައް ސިޓީގެ ކެންޑިޑޭޓުންގެ ގުރުއަތުލުން ކުރުދުމާ މާލަމުގައި މާދާމާ، 4 މާރިޗު ގައި ބޭއްވުމަށް އިލެކްޝަން ކޮމިޝަނުން ނިންމާއިފިއެވެ. މިފަހަރުގެ ލޯކަލް ކައުންސިލް އިންތިޚާބުގެ ގުރުއަތުލުން ބާއްވާ ތަން ކަނޑައަޅާނީ އެރަށެއްގެ ކައުންސިލުން ކަމަށް އީސީން ވަނީ ނިންމާފައެވެ. އެއާއެކު ފުވައްމުލައް ސިޓީ ކައުންސިލުން ވަނީ ގުރުއަތު ލުން ކުރުނދުމާ މާލަމުގައި ބޭއްވުމަށް ކަނޑައަޅައި މިއަދު އިއުލާންކޮށްފައެވެ.
ފުވައްމުލައް ސިޓީގެ ކެންޑިޑޭޓުންގެ ގުރުއަތު ނެގުން އޮންނާނީ މާދަމާ، ބުދަ ދުވަހު ހެނދުނު 10:30ގައި ކުރުނދުމާ މާލަމުގައެވެ. މިރަސްމިއްޔާތުގައި އަންހެނުންގެ ތަރައްގީއަށް މަސައްކަތް ކުރާ ކޮމެޓީއަށް ކުރިމަތިލާފައިވާ ކެންޑިޑޭޓުންގެ މެދުގައި ވެސް ގުރުއަތު ނެގުން އޮންނާނެއެވެ.
މިއީ ލާމަރުކޮށް ގުރުއަތު ނަގާ ފުތަމަ ފަހަރެވެ. މިއި ހަމައެކަނީ މާލޭގައި ތިބޭ ކޮމިޝަންގެ މީހުންގެ އިތުރަށް އެހެންމީހުނަށް ވެސް ކުރެވޭނެ ކަމެއްކަމަށް މިހާރު ދައުލަތުގެ އިދާރާތަކުން ގަބޫލުކުރަން ފެށީކަމުގައި ބަލަން ޖެހެއެވެ.
ކުރިޔަށް އޮތް ލޯކަލް ކައުންސިލް އިންތިޚާބުގައި ފުވައްމުލައް ސިޓީ ކައުންސިލަށް މުޅިއެކު ކުރިމަތިލާފައިވާ ފަރާތްތައް ޔަގީން ވެގެން ދާނީވެސް މިގުރުއަތުލުމުގެ ތެރެއިން ނެވެ.
އެމްޑީޕީ އަދި ޕީޕީއެމް އިން ވަނީ ފުވައްމުލަކުގެ 6 ދާއިރާއަށް 6 ކެންޑިޑޭޓުނާއި މޭޔަރަކަށް ދެޕާޓީން ދެ ކެންޑިޑޭޓުން ނެރެފައެވެ. އަދި ޖޭޕީގެ ކެންޑިޑޭޓަކު ވެސް މޭޔަރުކަމަށް ކުރިމަތިލައެވެ. ޖޭޕީން ކުރިމަތިލަނީ ދަޑިމަގު އަވަށަށް ނިސްބަތްވާ ޒިޔާދު ޒަކަރިއްޔާ އެވެ.
ލޯކަލް ކައުންސިލް އިންތިޚާބު 2020 އެމްޑީޕީ ކެންޑިޑޭޓުން
އަންހެނުންހެ ތަރައްގީއަށް މަސައްކަތް ކުރާ ކޮމެޓީގެ 6 ދާއިރާއަށް އެމްޑީޕީން 5 ކެންޑިޑޭޓުން ނެރެފައިވާއިރު ޕީޕީއެމްއިން ކުރިމަތިލާފައި ވަނީ ޖުމްލަ ކިތައް ކެންޑިޑޭޓުން ކަމެއް މުޅިން ޔަގީނެއް ނުވެއެވެ. ނަމަވެސް ބެލެވޭ ގޮތުގައި 5 ކެންޑިޭޑޓަކު ޕީޕީއެމްއިން ވެސް އަންހެނުންގެ ކޮމެޓީއަށް ވާދަކުރެއެވެ.
ލޯކަލް ކައުންސިލް އިންތިޚާބު 2020 ޕީޕީއެމް ކެންޑިޑޭޓުން
އަދި އަންހެނުންގެ ކޮމެޓީގެ ފުވައްމުލަކު ހުޅަގު އުތުރު ދާއިރާއަށް 1 ކެންޑިޑޭޓަކު ކުރިމަތިލާފައި ވުމުން އިންތިޚާބު ނުބާއްވައި އޭނާއަށް ގޮނޑި ކަށަވަރުވެފައިވާކަމުގެ މައުލޫމާތު ލިބެއެވެ.
އަންހެނުންގެ ތަރައްގީއަށް މަސައްކަތް ކުރާ ކޮމެޓީއަށް އެމްޑީޕީ ކެންޑިޑޭޓުން
ޚިޔާލުތައް