މުހައްމަދު ޝިހާބް ސާކް (ސައުތު އޭޝިއަން އެސޯސިއޭޝަން ފޯ ރީޖަނަލް ކޯޕަރޭޝަން) ގައުމުތަކުގައި ކޮވިޑް-19 ހާލަތު ބަޔާންކުރުމަށް ކުރިޔަށް ގެންދެވޭ ހަފުތާ ރިޕޯޓުގެ 12 ވަނަ ބަޔަށް ބަލާލަމާ ހިންގާށެވެ. ސާކްގެ ގިނަ ގައުމުތަކުގައި އިތުރަ މީހުން ގޭގައި ބަންދުކޮށްގެން ބޭތިއްބޭކަށް ނެތެވެ. ފުރަބަންދުގެ ހާލަތަށް ލުއިދޭން ވަނީ މަޖުބޫރުވެފައެއެވެ. ފަގީރު މީހުނަށް ބަނޑުހައި ހޫނުކަން ފިލުވަންވެސް ކޮންމެ ދުވަހަކު މަސައްކަތް ކުރަން ޖެހެއެވެ. ބަލި ފެތުރޭ ނިސްބަތް އިތުރުވެގެން ދިޔަޔަސް މީހުން ބަނޑަޖެހެންދެން ބަންދުކޮށްގެން ބޭތިއްއްބޭނެ ގޮތެއް ނެތެވެ. ސަރުކާރުތަކަށް ފަގީރު އެންމެނަށް ކާންބޯން ދެވޭވަރުގެ ތަނަވަސްކަމެއް ނެތެވެ. ގިނަ ގައުމުތަކުގައި ކޮވިޑް-19 ގެ ހޮޓް ޒޯންތައް ފިޔަައި، މީހުން އާއްމު މަސައްކަތަކަށް ނިކުތުމަށް ވަނީ ދޫކޮށްލާފައެވެ. ސްރީލަންކާއިން 22 މެއި ގައި އުވާލެ ލޮކްޑައުން އަލުން ބައެއް ހިސާބުތަކުގައި ވަރުގަދަކޮށްފައި ވެއެވެ. ދިވެހިރާއްޖޭގެ ވެރިރަށް މާލެ އާއި މަދު އެހެން ރަށެއްގައި ނޫނީ ވަނީ ބަންދުގެ ހާލަތު ދޫކޮށްލާފައެވެ. އިންޑިއާގެ ލޮކްޑައުން އަދިވެސް ވަނީ ކުރިޔަށް ގެންދިއުމަށް ނިންމާފައެވެ.
ނަމަވެސް ދުނިޔޭގެ ގިނަ ގައުމުތަކުން ކޮވިޑް-19 އަށް ފަހު އަލުން ހުޅުވަން އަންނަނީ ތައްޔާރުވަމުންނެވެ. ގިނަ ގައުމުތަކަކުން މި ޖޫންމަހު 10 އާއި 15 އަދި 20 ހިސާބުން ފެށިގެން އާއްމު ދަތުރުފަތުރަށް ހުޅުވާލުމަށް އަންނަނީ ތައްޔާރުވަމުންނެވެ. އިންޑިއާ އަދި ޕާކިސްތާނުން ވެސް ހުޅުވާލަން ކަނޑައަޅާފައި ވަނީ ޖުލައި 10 އެވެ. ޖޫންގައި ސްރީލަންކާ ހުޅުވާލާއިރު ދިވެހިރާއްޖެ ހުޅުވާނީ ޖުލައި 1 ގައެވެ.
ސާކް ކޯވިޑް-19 ޚުލާސާ، 6 ޖޫން 2020
ފާއިތުވި ހަފުތާ ނިމުނު އިރު ސާކްގެ ގައުމުތަކުން ބަލި އެންމެ ބާރަށް ފެތުރެނީ ނިސްބަތުން ނޭޕަލުގައެވެ. ނިމުނު ހަފުތާގައި އިންޑިއާ، ޕަކިސްތާން ބަނގްލާދޭޝް އަދި އަފުޣާނިސްތާނުގެ އިތުރުން ނޭޕާލުގައި ބަލި ޖެހުނު މިންވަރު އެއިގެ ކުރީ ހަފުތާއަށްވުރެ ބޮޑުތަނުން ވަނީ އިތުރުވެއފައެވެ. އިންދިއާ އަދި ޕާކިސްތާނުގައި ފާއިތުވި ހަފުތާގައި އެކަނިވެސް ކޮންމެ ގައުމަކުން އެކަނި ވެސް ވަނީ 60 ހާހަށްވުރެ ގިނަ ބައްޔަށް ޕޮޒިޓިވް ވެފައި ވެއެވެ. ފާއިތުވި ހަފުތާގެ ސާކް ޖުުމްލަ އަދަދު އުޅޭނީ 4 ލައްކަ 21 ހާހުން މަތީގައެވެ. އަދި ބަލީގައި 9783 މީހުން މަރުވެފައި ވެއެވެ. އެއީ ބަލި ޖުހުނު ނިސްބަތުން ބަލާއިރު %2.3 މީހުންނެވެ. އަދި 1 ލައްކަ 63 ހާހަށްވުރެ ގިނަމީހުން، %39 މީހުން ރަނގަޅުވެފައި ވެއެވެ. ބަލީގައި ނާޒުކު ހާލަތަށް ގޮސްފައިވާ މީހުން ގެ ރެކޯޑްތައް ރަނަގަޅަށް އަޕްޑޭޓުކުރަމުން ގޮސްފައެއް ނުވެއެވެ.
މިއަދު 6 ޖޫން، ހޮނިހިރު ދުވަހާއި ހަމަޔަށް ސާކްގެ ގައުމުތަކުން ބަލިޖެހިފައިވާ މީހުންގެ ޖުމްލަ މިވަނީ އެއިގެ ކުރީ ދެހަފުތާގެ 213451، 298201 އިން 421,093 އަށް މިވަނީ އިތުރު ވެފައެވެ. މިއީ އެއިގެ ކުރީ ހަފުތާއަށްފުރެ %41 އިތުރު ވުމެކެވެ. އެއިގެ ތެރެއިން 9783 މީހުން ބަލީގައި މަރުވެފައި ވެއެވެ. އެއީ އެއގެ ކުރީ ހަފުތާއަސްވުރެ %37 މީހުން އިތުރު އަދަދެކެވެ.
ސާކް ގައުމުތަކުގެ ކޮވިޑް-19 ޙާލަތު ޖުމްލަކޮށް ދެބަޔަކަށް ބެހިފައިވޭ. 6 ޛުން 2020
މުޅި ދުނިޔޭގެ އަދަދުތަކަށް ބަލާއިރު 6.87 މިލިޔަން މީހުންނަށް ބަލި ޖެހިފައިވާއިރު ބަލީގައި 3 ލައްކަ 99 ހާސް މީހުން މަރުވެފައި ވެއެވެ. އަދި ބަލި ރަނގަޅުވެފައި ވަނީ 3.37 މިލިޔަން މީހުނެވެ. މިބަލީގެ ވެކްސިނެއް ނޫނީ ފަރުވާއެއް ހޯދިފައި ނުވާއިރު ބަލީގެ ސަބަބުން ދުނިޔޭގެ ގިނަ ގައުމުތަކެއްގެ އިގުތިސާދަށް ބޮޑެތި ގެއްލުންތަކެއް އަންނަނީ ވަމުނެވެ. އެމެރިކާއާއި އިނގިރޭސި ވިލާތުން ވެކްސިނެއް ހޯދުމަށް ކުރަމުންދާ މަސައްކަތުގައި އެންމެ އަވަހަށް ވެސް ވެކްސިނެއް ލިބޭވަރުވާނީ އަންނަ ސެޕްޓެމްބަރު މަހަށް ކަމަށް ވެއެވެ.
މުޅި ދުނިޔެއިން އެންމެ ގިނަ މީހުނަށް މިބަލި ޖެހިފައިވަނީ އަދިވެސް އެމެރިކާއިން އިންނެވެ. އެގައުމުން 1.99 މިލިޔަނަށް ވުރެ ގިނަ މީހުނަށް މިބަލި ޖެހިފައިވާ އިރު އެގައުމުން 111 ހާހަށްވުރެ ގިނަ މީހުން ބަލީގައި މަރުވެފައި ވެއެވެ. ދެވަނަށް ބްރެޒިލް އަރާފައި ވާއިރު 3 ވަނައަށް ރަޝިއާ ފަހަތަށް ޖެހިފައި ވަނީ 4 ލައްކަ 59 ހާއުންނެވެ.
ހަތަރުވަނައަށް ސްޕޭން ދެން ޔުކޭގެ ފަހަތުން 6 ވަނައަށް އިންޑިއާ ވަނީ އަރާފައެވެ. އިޓަލީ ގެ ފަހަތުން ޕެރޫ އަދި ޖަރުމަން އަދި 10 ވަނާގައި އީރާނެއެވެ.
ސާކް ގައުމުތަކުގެ ތަފުސީލް ނަމްބަރުތަކަށް ބަލާއިރު އެންމެ ބޮޑު އާބާދީ ހިމެނޭ އިންޑިއާގެ އަދަދު ވަނީ 2 ލައްކަ 37 ހާހުން ދުނިޔޭގެ 6 ވަނާގައެވެ. ފާއިތުވި ހަފުތާއަށް ބަލާއިރު ޕާކިސްތާނު ވަނީ ދުނިޔޭގެ 17 ވަނާގައެވެ. ފާއިތުވި ހަފުތާގައި ބަނގްލާދޭޝްއިން އެއިގެކުރީ ހާފުތާގައި 43 ހާހުން 63 ހާހަށް އިތުރުވެފައި ވެއެވެ. އަފުޣާނިސްތާނުން ވެސް ވަނީ 13 ހާހުން 20 ހާހަށް އިތުރު ވެފައެވެ. ސާކުން އެންމެ ގިނަ މީހުން ބައްޔަށް ޕޮޒިޓިވް ވެފައި ވަނީ މި 4 ގައުމުގައެވެ. ދެވަނަ ގްރޫޕުން، ފާއިތުވި ހަފުތާގައި ވެސް ނޭޕާލުގައި ބަލި ފެތުރޭ ނިސްބަތް ބޮޑުތަނުން ވަނީ އިތުރުވެ ފައެވެ. މި ގްރޫޕުން އެންމެ ގިނަ މީހުން ބައްޔަ ޕޮޒިޓިވް ވެފައިވާ ގައުމުގެ ގޮތުގައި، 3235 އިން މީހުން ޕޮޒިޓިވް ވެގެން މިވަނީ ނޭޕާލަށް ބަދަލުވެފައެއެވެ. މިގްރޫޕުގެ ދެވަނައަށް ދިވެހިރާއްޖެ ޖެހިފައިވާއިރު ސްރީލަންކާ ފަހަތަށް ދިޔައީީ 3 ވަނައަށެވެ. ނަމަވެސް ރާއްޖެއާއި ސްރީ ލަންކާގެ ބަލިޖެހުނު މީހުންގެ އަދަދުގެ މާބޮޑު ފަރަގެއް ނެތެވެ. އެއީ ރާއްޖޭގައި 1583 އަދި ސްރީލަންކާގައި 1801 އެވެ. އަދިވެސް އެންމެ މަދުން ބައްޔަށް ޕޮޒިޓިވް މީހުން ތިބީ ބޫޓާނުގައެވެ. އެގައުމުގައި ވެސް ބަލި ޖެހޭ ނިސްބަތް މަޑުމަޑުއިން އިތުރުވަމުން އަންނަކަން ފާހަގަވެއެވެ. އެގޮތުން ނިމުނު ހަފުތާގެ ކުރީ ދެހަފުތާގައި 21، 31 އިން މިވަނީ 48 އިތުރު ވެފައެވެ. ބޫޓާން ފިޔަވައި މިބަލީގައި މީހުން މަރުނުވާ ގައުމެއް ސާކްގައި ނެތެވެ.
ސާކް ގައުމުތަކުގެ ކޮވިޑް-19، ނަަމްބަރުތައް 6 ޖޫން 2020
ފާއިތުވި ހަފުތާގައި އެކަނި ދިވެހިރާއްޖެއިން ބައްޔަށް ޕޮޒިޓިވް ވެފައިވަނީ 331 މީަހކު ބައްޔަށް ޕޮޒިޓިވް ވެފައެވެ. ފާއިތުވި ހަފުތާގައި ސްރީލާންކާގައި ބަލި ޖެހޭ ނިސްބަތް އިތުރުވެ ވުރެ، 1050 އިން 1558އަށް ނިމުނު ހަފުތާގައި ވަނީ އެއިގެކުރީ ހަފުތާގެ ޖުމްލަ 994އިން 889 އަށް ދަށްވެފައެވެ. އެއި %11 ގެ ދަށްވުމެކެވެ. ނިމުނު ހަފުތާގައި ބަލި ޖެހުނު މީހުންގެ އަދަދު ހަފުތާގެ ޖުމްލައިން ދަށަށް ގޮސްފައިވަނީ ދިވެހިރާއްޖެއާއި ސްރީލަންކާގައި އެކަންޏެވެ. ލަންކާގެ ހަފުތާ އަދަދު ދަށަށް ގޮސްފައި ވަނީ 1032 އިން 769 އަށެވެ. އެއީ %26 ގެ ދަށްވުމެކެވެ.
ދިވެހިރާއްޖޭގައި ކޮވިޑް-19 ހާލަތު، 6 ޖޫން 2020
ސަކްގަުއމުތަކުގައި މިބަލީގައި މީހުން މަރުވެފައި ވަނީ އިންޑިއާގައި 6650، ޕާކިސްތާނު 1935، ބަންގްލަދޭޝް 846، އަފުޣާނިސްތާން 320، ސްރީލަންކާ 11 ދިވެހިރާއްޖެ 8، ނޭޕާލް 13 އެވެ.
ޚިޔާލުތައް