މުހައްމަދު ޝިހާބް ފުވައްމުލަކު ސްޓޭޑިމަގައި މިހާރު ކުރިޔަށްދާ ވައިލްޑް ސްޓޯން ކޯޑް ޏ.ފެމިލީ އެންޑް ޗިލްޑްރެން ސެންޓަރުގެ އަންހެނުންގެ ހޭންޑްބޯލް މުބާރާތުގެ ސެމީ ފައިނަލަށް ގްރޫޕް ބީ އިން މުހައްމަދު ޖަމާލުއްދީން ސްކޫލް (އެމްޖެއެސް) ޓީމު ހޮވިއްޖެއެވެ. މުބާރާތުގެ 4 ވަނަ ދުވަހުގެ ދެ މެޗުން މޮޅުވެފައި ވަނީ އެމްޖޭއެސް އާއި ފުވައްމުލައް ފުވައްމުލަކު ސްކޫލް ޓީމެއެވެ.
ބްރައިޓްވޭ އާއި އެމްޖޭއެސް ބައްދަލުކުރި މެޗު
މިއަދު ހަވީރު 3:45ގައި ފުވައްމުލަކު ސްޓޭޑިއަމްގެ ހޭންޑްބޯޅަ ކޯޓުގައި ކުޅުނު ގްރޫޕް ބީ ގެ މެޗުގައި ފުވައްމުލައް ސްކޫލް ޓީމް ވާދަކުރީ ޏ.ފެމިލީ އެންޑް ޗިލްޑްރެން ސެންޓަރުގެ ޓީމާއެވެ. މިމެޗު 9 ގޯލު 5 ގޯލުން ކާމިޔާބުކުރީ ފުވައްމުލައް ސްކޫލް ޓީމެވެ. މިމޮޅާއެކު އެއް މެޗުން މޮޅުވެ އެފްއެސް ޓީމަށް ވަނީ މުބާރާތުގެ ސެމީ ފައިނަލަށް ދިއުމަށް ފުރުސަތު ހުޅުވިފައެވެ.
މިމެޗުގެ މޮޅު ކުޅުންތެރިއަކަށް ހޮވިފައި އެފްއެސް ޓީމުގެ އާއިޝަތު ނުޒުހާ އެވެ.
މެޗު 7ގެ މޮޅު ކުޅުންތެރިޔާ އެފްއެސްގެ ނުޒުހާ
ނަމަވެސް އެފްއެސް ޓީމުގެ ފަހު މެޗުގައި ވާދަކުރަން ޖެހޭނީ މިގްރޫޕްގެ އެންމެ ވަރުގަދަ ކަމަށް ފެނުނު އެމްޖޭއެސް ޓީމާއެވެ. އެމެޗުންް މޮޅުވެގެން ނޫނީ އަމިއްލަ ބާރުގައި އެޓީމަށް ސެމީ ފައިނަލަށް ނުދެވޭނެއެވެ. މިމެޗުން ބަލިވި ޏ.ފެމިލީ އެންޑް ޗިލްޑްރެން ސެންޓަރުގެ ޓީމު ވަނީ ކުޅުނު ދެމެޗުން ބަލިވެ މުބާރުން ކަޓާފައެވެ. އެޓީމުގެ ފަހު މެޗުގައި ވާދަކުރާނީ ބްރައިޓްވޭ ޓީމާއެވެ. އެމެޗުން މޮޅުވެގެން ބްރައިޓްވޭ ޓީމަށް މުބާރާތުގެ ސެމީފައިނަލަށް ދިއުމުގެ ފުރުސަތު ބޮޑުވާނެއެވެ.
އެފްއެސް ހޭންޑްބޯޅަ ޓީމު 2021
މިއަދު ހަވީރު 4:50 ގައި ކުޅުނު މުބާރާތުގެ ގްރޫޕް ބީގެ 2 ވަނަ މެޗުގައި އެމްޖޭއެސް ޓީމު ވާދަކުރީ ބްރައިޓްވޭ-ފުވައްމުލައް ޓީމާއެެވެ. މިމެޗު 6 ގޯލު 4 ގޯލުން ކާމިޔާބުކޮށް މިގްރޫޕުން ސެމީ ފައިނަލުގެ ޖާގަ ފުރަތަމަ ލިބުނީ އެމްޖޭއެސް ޓީމަށެވެ. މިމެޗުން ބަލިވި ބްރައިޓްވޭ-ފުވައްމުލައް ޓީމު މީގެ ކުރިން ކުޅުނު މެޗުން މޮޅުވެފައި ވުމުން މުބާރާތުގައި އެޓީމު ކުޅޭ ފަހު މެޗުން މޮޅުވެގެން ސެމީ ފައިނަލުގެ ޖާގަ ހޯދުމުގެ ފުރުސަތު އެބައޮތެވެ. މި
މެޗުގެ މޮޅު ކުޅުންތެރިއަކަށް ހޮވިފައި ވަނީ އެމްޖޭއެސް ޓީމުގެ އާމިނަތު ނަބީލާ ޖަލީލު އެވެ.
މެޗު 8ގެ މޮޅު ކުޅުންތެރިޔާ އެމްޖޭއެސްގެ ނަބީލާޖުމްލަ 8 ޓީމަކުން ވާދަކުރާ މިމުބާރާތުގައި ޓީމުތައް ވަނީ ދެ ގްރޫޕަށް ބަހާލާފައެވެ. ގްރޫޕްގައި ލީގު އުސޫލަށް ކުޅެ، ކޮންމެ ގްރޫޕަކުން އެންމެ ގިނައިން ޕޮއިންޓް ލިބޭ ދެ ޓީމެއް ސެމީ ފައިނަލުގައި ކުރޮސްކޮށް ވާދަކޮށް ފައިނަލަށް ދެޓީމު ހޮވާނެއެވެ. މުބާރާތުގެ ސެމީ ފައިނަލް މެޗުތައް ކުޅެނީ 5 ޑިސެމްބަރުގައެވެ.
ޕޮއިންޓް ޓޭބަލް
މާދަމާ، 2 ޑިސެމްބަރު 2021ގައި ކުޅެނީ: ގްރޫޕް އޭ ގެ ފަހު ދެމެޗެވެ.
ހަވީރު 3:45 ގައި ފުވައްމުލަކު ނޭޗާޕާކް ޓީމު އާއި ހޭޒް ޓީމު
ހަވީރު 4:50 ގައި ފުވައްމުލަކު ޕޮލިސް ޓީމް އާއި ޏ.އޭއީސީ ޓީމު
މާދަމާ ފުވައްމުލަކު ނޭޗާޕާކް ޓީމު އާއި ހޭޒް ޓީމު ޓީމު ބައްދަލުކުރާ މެޗުން މޮޅުވާ ޓީމަކަށް މުބާރާތުގެ ސެމީ ފައިނަލުން ޖާގަ ލިބޭނެއެވެ.
މިމުބާރާތުގެ ކުޅުން އަންނަ ހުކުރު ދުވަހު (3 ޑިސެމްބަރު 2021) ގައި ނޯވެއެވެ. ބީ ގްރޫޕްގެ ފަހު ދެމެޗު ކުޅެނީ 4 ޑިސެމްބަރުގައެވެ. އަދި ސެމީ ފައިނަލް ދެމެޗު ކުޅޭނީ 5 ޑިސެމްބަރުގައެވެ. ފައިނަލް މެޗު ކުޅުމާއި މުބާރާތް ނިންމުމުގެ ރަސްމިއްޔާތު 7 ޑިސެމްބަރުގައެވެ.
މުބާރާތުގައި ބައިވެރިވި ޓީމުތައް
މިމުބަރާތަކީ އަންހެނުންނަށް ކުރާ އަނިޔާއާއި ދެކޮޅަށް ހިންގޭ 16 ދުވަހުގެ ހަރަކާތްތަކުގެ ތެރެއިން ފުވައްމުލައް ސިޓީގެ އޮފީސްތަކާއި ކުންފުނިތަކުގެ މެދުގައި ބާއްވާ މުބާރާތެކެވެ. މިމުބާރާތް ކުރިޔަށް ގެންދިއުމަށް ހަމަޖެހިފައިވަނީ މި ނޮވްމްބަރު މަހު 27 އިން ޑިސެމްބަރު މަހުގެ 7 އަށެވެ.
ގިނަ ސްޕޮންސަރުންގެ އެހީ އާއެކު ކުރިޔަށްގެންދާ މިމުބާރާތުގެ ޓައިޓްލް ސްޕޮންސަރަކީ ވައިލްޑް ސްޓޯން ކޯޑް އެވެ. މީގެ އިތުރުން އެސްޓީއޯ އާއި އައިބޭގެ އިތުރުން އެއިޑާ ވެސް ހިމެނެއެވެ.
ޚިޔާލުތައް